ព័ត៌មានជាតិ
អ្នកបាត់ដំបងរំពឹងថា ទូកង”នរិន្ទរង្សី ពិជ័យចិត្របុត្រ” ប្រកួតអុំទូកឆ្នាំនេះនឹងសម្រេចជោគជ័យលើកមុខមាត់ខេត្តបាត់ដំបងបន្តទៀត
ទូកង “នរិន្ទរង្សីពិជ័យចិត្របុត្រ” ដែលត្រូវបានប្រសិទ្ធនាមជាអធិរាជម្ចាស់ស្ទឹងសង្កែ បានចេញដំណើរទៅដល់រាជធានីភ្នំពេញ និងបានទម្លាក់ខ្លួនចុះទៅដល់ទឹកទន្លេចតុមុខមុខបរម្យរាជវាំងយ៉ាងសង្ហារួចជាស្រេចហើយ ដើម្បីរងចាំគូប្រកួតក្នុងរយ:ពេល ៣ ថ្ងៃ នៃព្រះរាជពិធីបុណ្យអុំទូក អកអំបុក និងសំពះព្រះខែដែលចាប់ផ្តើមពីថ្ងៃទី២៦-២៧-២៨។

ខណះការចេញដំណើរពីខេត្តបាត់ដំបងកាលពីថ្ងៃទី២៣ ខែវិច្ឆកា ដោយមានការអបអរសាទរពីប្រជាពលរដ្ឋនិងមន្ត្រីរាជការយ៉ាងកក់ក្តៅហើយរំពឹងថា “នរិន្ទរង្សីពិជ័យចិត្របុត្រ” នឹងនៅតែជាម្ចាស់ជ័យលាភីដដែល សម្រាប់មុខមាត់ខេត្តបាត់ដំបង នៅក្នុងឆ្នាំនេះ។
យ៉ាងណាមិញក្តីរំពឹងរបស់ប្រជាពលរដ្ឋនិងមន្ត្រីរាជការ ទៅលើជ័យជំនះរបស់ “នរិន្ទរង្សីពិជ័យចិត្របុត្រ”នេះ ត្រូវបានព្រះចៅអធិការ វត្តឯក រង្សី ក្នុងស្រុកឯកភ្នំគឺលោកតា ចម ចិត្រ មានសង្ឃដីការប្រាប់កម្ពុជាថ្មីកន្លងទៅថា មិនទាន់សង្ឃឹមថា នឹងមានភាពជោគជ័យក្នុងការប្រកួតថ្នាក់ជាតិដូចឆ្នាំមុនៗនោះទេ ព្រោះមានទូកខ្លាំងៗច្រើនមកពីបណ្តាខេត្តផ្សេងៗ។ តែការលើកទឹកចិត្តពីពលរដ្ឋទូទាំងខេត្តនឹងជំរុញក្រុមកីឡាករខិតខំតស៊ូក្នុងការប្រកួតនេះ រហូតដល់ចុងក្រោយ ឲ្យបានដូចរដូវកាលមុនៗ អ៊ីចឹងដែរ ត្រូវតែរក្សាភាពខ្លាំងនេះបន្តទៀត”។

បើតាមព្រះចៅអធិការ វត្តឯករង្សី ទូកង “នរិន្ទរង្សី សពិជ័យចិត្របុត្រ” មានប្រភពមកពីតំបនកោះញ៉ែក ក្នុងខេត្តមណ្ឌលគីរី ហើយបានយកមកដល់វត្តឯករង្សី ក្នុងទឹកដីខេត្តបាត់ដំបងកាលពីឆ្នាំ២០១៩។
ទូកនេះមានប្រវែង៣៣,៨ ម៉ែត្រ មានចំណុះ ៧២ នាក់ សាងឡើងពីដើមគគី ហើយត្រូវបានលោកតា ចម ចិត្រ ជាចៅអធិការវត្តជាអ្នកដាក់ថា”នរិន្ទរង្សីសពិជ័យចិត្របុត្រ” ៕
អត្ថបទ៖ សៅ សារិទ្ធ

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២០ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ