ព័ត៌មានជាតិ
បងប្អូនដើរលេងអុំទូកមានបញ្ហាសុខភាព អាចចូលពិនិត្យ ២៤/២៤ ម៉ោង ទីតាំងទាំង ១០ កន្លែងនេះ
លោកសាស្រ្តាចារ្យ ឈាង រ៉ា រដ្ឋមន្រ្តីក្រសួងសុខាភិបាលបានណែនាំដល់ក្រុមគ្រូពេទ្យនៅតាមគោលដៅនីមួយៗយកចិត្តទុកដាក់ខ្ពស់ក្នុងការផ្តល់សេវាជូនប្រជាពលរដ្ឋនៅក្នុងពិធីបុណ្យអុំទូកបណ្តែតប្រទីបអកអំបុកនិងសំពះព្រះខែរយៈពេល ៣ ថ្ងៃចាប់ពីថ្ងៃទី ២៦ ដល់ថ្ងៃទី ២៨ ខែវិច្ឆិកា ឆ្នាំ២០២៣។

ក្នុងឱកាសចុះពិនិត្យទីតាំងជម្រកតង់សុខភាពចំនួន ១០ ទីតាំង នៅតាមបណ្តាគោលដៅនានាក្នុងព្រះរាជពិធីបុណ្យអុំទូកកាលពីរសៀលថ្ងៃទី ២៥ វិច្ឆិកា លោករដ្ឋមន្ត្រីបានឲ្យដឹងថា នៅក្នុងពិធីបុណ្យអុំទូកតែងតែមានមនុស្សចូលរួមច្រើនកុះករហើយឆ្នាំនេះនឹងអាចមានមនុស្សច្រើនមកចូលរួម ដោយសារការអាក់ខានរៀបចំពិធីបុណ្យអុំទូករយៈពេល ៣ ឆ្នាំមកហើយដោយសារបញ្ហាជំងឺកូវីដ ១៩។ ដូចនេះប្រជាពលរដ្ឋអាចនឹងមានបញ្ហាសុខភាពបន្តិចបន្តួចដូចជាឈឺក្បាល វិលមុខ ឬឈឺពោះនិងរាករួសជាដើម។

លោករដ្ឋមន្ត្រីបានណែនាំ ប្រសិនបើប្រជាពលរដ្ឋមានបញ្ហាសុខភាពសូមអញ្ជើញមកកាន់តង់ទាំង ១០ ទីតាំងដែលក្រសួងបានរៀបចំដោយមានក្រុមគ្រូពេទ្យទទួល ២៤ ម៉ោងលើ ២៤ ម៉ោង។
ទីតាំងទាំង ១០ កន្លែងរួមមានជម្រកតង់សុខភាពនៅទីតាំងដូចជា ១) អគារ L កោះពេជ្រ ២) ស្តុបមិត្តភាពកម្ពុជា វៀតណាម ៣) មុខនាយកដ្ឋានអង្គរក្ស ៤) មុខគណៈកម្មាធិការបុណ្យជាតិ ៥) នៅក្បែររបងសាលចតុមុខ ៦) នៅមុខវាលមេរុ ៧) ព្រះគម្លង់ ៨)មុខកប៉ាល់ទីតានិក ៩) ទីលានប្រជាធិបតេយ្យ ១០) OCIC ខាងជើងរង្វង់មូលនាងមច្ឆា។

សូមបញ្ជាក់ថា ក្រសួងសុខាភិបាលបានត្រៀមក្រុមគ្រូពេទ្យ និងរថយន្តគិលានុសង្រ្គោះសរុបចំនួន ៧០គ្រឿង ដែលមានរថយន្តប្រចាំការតាមគោលដៅចំនួន ៥០គ្រឿង រថយន្តគ្លីនិកចល័តចំនួន ៤គ្រឿង និងជម្រកតង់ពិនិត្យសុខភាពដើម្បីផ្តល់សេវាសុខាភិបាលចំនួន ១៥ កន្លែង ដែលផ្តល់សេវា ២៤ ម៉ោងលើ ២៤ ម៉ោង។ ដោយឡែកនៅទីស្តីការក្រសួងសុខាភិបាល ក៏បានត្រៀមរថយន្តគិលានសង្រ្គោះចំនួន ២០ គ្រឿង ដើម្បីប្រចាំការត្រៀមអន្តរាគមន៍សង្រ្គោះបន្ទាន់ក្នុងករណីចាំបាច់បំផុត៕
អត្ថបទ៖ សំអឿន

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២៤ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ