ព័ត៌មានជាតិ

បងប្អូនអាចធ្វើដំណើរ លើកំណាត់ផ្លូវជាតិលេខ ៤១ បានវិញហើយ

បានផុស

៤ years មុន

នៅ

ថ្ងៃអង្គារ ៣ វិច្ឆិកា ២០២០

ដោយ

កំណាត់ផ្លូវជាតិលេខ ៤១ កែងនិងថ្នល់ជាតិលេខ៤ ចាប់ពីចំណុចថ្នល់ទទឹង ទៅស្ពានគុណគ្រូ អាចធ្វើដំណើរបានវិញជាធម្មតា ចាប់ពីថ្ងៃទី០២ ខែវិច្ឆិកា ឆ្នាំ២០២០។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយពីទទួលរងផលប៉ះពាល់ពីជំនន់ទឹកភ្លៀង បានធ្វើឲ្យកំណាត់ផ្លូវជាតិលេខ ៤១ កែងនិងថ្នល់ជាតិលេខ៤ មានការខូចខាតជាខ្លាំង ធ្វើឲ្យប្រជាពលរដ្ឋ ដែលឆ្លងកាត់ទីនោះមានការលំបាក រហូតដល់មានការផ្អាកធ្វើដំណើរលើកំណាត់ផ្លូវមួយនោះ។ តាមរយៈការខិតខំប្រឹងប្រែងនឹងយកចិត្ដទុកដាក់ពីសំណាក់គណៈអភិបាលខេត្ដកំពង់ស្ពឺ ក្រសួងសាធារណការ ពិសេសប្រមុខរាជរដ្ឋាភិបាលកម្ពុជា ផ្លូវជាតិលេខ ៤១ ត្រូវបានជួសជុលរួចរាល់ ក្រោយការបំផ្លាញដោយជំនន់ទឹកភ្លៀង នេះបើយោងតាមការផ្សព្វផ្សាយរបស់ផេក ស្នងការដ្ឋាននគរបាលខេត្តកំពង់ស្ពឺ។

គួររំលឹកផងដែរថា កាលពីថ្ងៃទី២៩ ខែតុលា ឆ្នាំ២០២០ លោក វ៉ី សំណាង អភិបាលខេត្តកំពង់ស្ពឺ បានប្រកាសបិទកំណាត់ផ្លូវជាតិលេខ ៤១ កែងនិងថ្នល់ជាតិលេខ៤ ដោយមិនមានការធ្វើចរាចរណ៍មួយរយៈដើម្បីជួសជុលឡើងវិញ បន្ទាប់ពីរងគ្រោះដោយជំនន់ទឹកភ្លៀងយ៉ាងធ្ងន់ធ្ងរ៕

អត្ថបទ៖ ជលសាល

សូមចុចអាន៖ ផ្លូវលេខ៤១ ក្នុងខេត្តកំពង់ស្ពឺត្រូវផ្អាកការធ្វើដំណើរ