បង​ប្អូន​អាច​ធ្វើ​ដំណើរ លើ​កំណាត់​ផ្លូវជាតិ​លេខ ៤១ បាន​វិញ​ហើយ – Kampuchea Thmey Daily
Connect with us

ព័ត៌មានជាតិ

បង​ប្អូន​អាច​ធ្វើ​ដំណើរ លើ​កំណាត់​ផ្លូវជាតិ​លេខ ៤១ បាន​វិញ​ហើយ

Published

on

កំណាត់​ផ្លូវជាតិ​លេខ ៤១ កែង​និង​ថ្នល់ជាតិ​លេខ​៤ ចាប់ពី​ចំណុច​ថ្នល់ទទឹង ទៅ​ស្ពាន​គុណ​គ្រូ អាច​ធ្វើ​ដំណើ​រ​បាន​វិញ​ជា​ធម្មតា ចាប់ពី​ថ្ងៃ​ទី​០២ ខែ​វិច្ឆិកា ឆ្នាំ​២០២០។

ក្រោយ​ពី​ទទួល​រង​ផល​ប៉ះ​ពាល់​ពី​ជំនន់​ទឹក​ភ្លៀង បាន​ធ្វើ​ឲ្យ​កំណាត់​ផ្លូវជាតិ​លេខ ៤១ កែង​និង​ថ្នល់ជាតិ​លេខ​៤ មាន​ការ​ខូច​ខាត​ជា​ខ្លាំង ធ្វើ​ឲ្យ​ប្រជាពលរដ្ឋ ដែល​ឆ្លង​កាត់ទី​នោះ​មាន​ការលំបាក រហូតដល់​មាន​ការ​ផ្អាកធ្វើ​ដំណើរ​លើ​កំណាត់ផ្លូវ​មួយ​នោះ។ តាម​រយៈ​ការខិតខំ​ប្រឹងប្រែង​នឹង​យក​ចិត្ដ​ទុកដាក់​ពី​សំណាក់​គណៈ​អភិបាល​ខេត្ដ​កំពង់ស្ពឺ ក្រសួង​សាធារណការ ពិសេស​ប្រមុខ​រាជរដ្ឋាភិបាល​កម្ពុជា ផ្លូវជាតិ​លេខ ៤១ ត្រូវ​បាន​ជួសជុល​រួចរាល់ ក្រោយ​ការបំផ្លាញ​ដោយ​ជំនន់​ទឹកភ្លៀង នេះ​បើ​យោង​តាម​ការ​ផ្សព្វផ្សាយ​របស់​ផេក ស្នង​ការ​ដ្ឋាន​នគរ​បាល​ខេត្តកំពង់ស្ពឺ។

គួរ​រំលឹក​ផង​ដែរថា កាល​ពី​ថ្ងៃទី​២៩ ខែ​តុលា ឆ្នាំ​២០២០ លោក ​វ៉ី សំណាង អភិបាល​ខេត្តកំ​ពង់​ស្ពឺ បាន​ប្រកាស​បិទ​កំណាត់​ផ្លូវជាតិ​លេខ ៤១ កែង​និង​ថ្នល់ជាតិ​លេខ​៤ ដោយ​មិន​មាន​ការ​ធ្វើ​ចរាចរណ៍​មួយ​រយៈ​ដើម្បី​ជួសជុលឡើងវិញ បន្ទាប់ពី​រងគ្រោះ​ដោយ​ជំនន់​ទឹក​ភ្លៀង​យ៉ាង​ធ្ងន់ធ្ងរ៕

អត្ថបទ៖ ជលសាល

សូមចុចអាន៖ ​ផ្លូវលេខ​៤១ ​ក្នុងខេត្តកំពង់ស្ពឺ​ត្រូវ​ផ្អាក​ការធ្វើដំណើរ​

ចុច Like Facebook កម្ពុជាថ្មី

ព័ត៌មានពេញនិយម