ព័ត៌មានជាតិ

សម្តេចតេជោ ហ៊ុន សែន សម្រេចក្តីស្រមៃយុវជនជាប់និទ្ទេស A ដែលមានឪពុកជាជនពិកា

បានផុស

១ year មុន

នៅ

ថ្ងៃពុធ ២៩ វិច្ឆិកា ២០២៣

ដោយ

សម្តេចតេជោ ហ៊ុន សែន ប្រធានឧត្ដមក្រុមប្រឹក្សាព្រះមហាក្សត្រ និងសម្តេចកិត្តិព្រឹទ្ធបណ្ឌិត ប៊ុនរ៉ានី ហ៊ុន សែន បានសម្រេចក្តីសម្រេចក្តីស្រមៃយុវជន អន ផានិត ដែលប្រឡងជាប់សញ្ញាប័ត្រមធ្យមសិក្សាទុតិយភូមិ(បាក់ឌុប)បាននិទ្ទេស A ឱ្យចូលរៀននៅសកលវិទ្យាល័យណាមួយដែលខ្លួនពេញចិត្តលើជំនាញវិស្វករ។យុវជន អន ផានិត មានឪពុកជាជនពិការរស់នៅក្នុងខេត្តកំពត។

តាមរយៈសារសំឡេងនារសៀលថ្ងៃទី២៩ ខែវិច្ឆិកា ឆ្នាំ២០២៣នេះសម្តេចតេជោ ហ៊ុន សែន ប្រកាសជួយឱ្យយុវជន អន ផានិត បានចូលរៀន វិស្វករ នៅមហាវិទ្យាល័យ ដែលជាជំនាញក្នុងក្ដីស្រមៃរបស់ខ្លួន រួមជាមួយការផ្ដល់ជូន មធ្យោបាយធ្វើដំណើរ ក៏ដូចជាប្រាក់ឧបត្ថម្ភប្រចាំខែ ក្នុងការរៀនសូត្រ។ ទទួលឱ្យស្នាក់នៅ នៅទីបញ្ជាការដ្ឋានអង្គរក្ស តាមរយៈនាយឧត្តមសេនីយ៍កិត្តិបណ្ឌិត ហ៊ីង ប៊ុនហៀង អគ្គមេបញ្ជាការរង នៃ ខ.ភ.ម នាយករងខុទ្ទកាល័យសម្តេចតេជោនាយករដ្ឋមន្ត្រី និងជាមេបញ្ជាការ បញ្ជាការដ្ឋានអង្គរក្ស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ថែមលើនេះសម្ដេចទាំងទ្វេបានបញ្ជូនទីប្រឹក្សាផ្ទាល់ លោក សេង ទៀង និងលោក ខេង សាម៉េត ចុះផ្ទាល់នឹងជួយសាងសង់លំនៅឋានថ្មីជូនក្រុមគ្រួសារ និងជួយចេញលុយសង ដែលក្រុមគ្រួសារជំពាក់គេ កន្លងមកឲ្យអស់ ព្រមទាំងឧបត្ថម្ភប្រចាំខែ ១ លានរៀលដល់គ្រួសារ។

យុវជន អន ផានិត ជាសិស្សមកពីវិទ្យាល័យ សម្ដេចជាស៊ីម អង្គរជ័យ ខេត្តកំពតបានប្រឡងជាប់សញ្ញាបត្រមធ្យមសិក្សាទុតិយភូមិ(បាក់ឌុប)និទ្ទេស A និងមានឪពុកម្ដាយជាជនមានពិការភាព។

ជាកូនប្រុសច្បងម្នាក់ក្នុងចំណោមបងប្អូន ២នាក់ម្តាយរបស់ ផានិត ពឹងផ្អែកលើរបរកាត់ដេរនៅផ្ទះ ដើម្បីចិញ្ចឹមជីវិត និងផ្គត់ផ្គង់ការរៀនសូត្រទាំងលំបាក៕