ព័ត៌មានជាតិ
គម្រោងសាងសង់ទំនប់វារីអគ្គិសនីស្ទឹងតាតៃលើតម្លៃជិត ៤០០ លានដុល្លារសម្រេចបានជាង ៣០ ភាគរយ
គម្រោងសាងសង់ទំនប់វារីអគ្គិសនីស្ទឹងតាតៃលើស្ថិតនៅស្រុកថ្មបាំង ខេត្តកោះកុង ដែលមានទុនវិនិយោគជាង ៣៨៩ លានដុល្លារ សម្រេចបានការសាងសង់ជាង ៣០ ភាគរយ។ នេះបើតាមរបាយការណ៍របស់លោក កែវ រតនៈ រដ្ឋមន្ត្រីក្រសួងរ៉ែ និងថាមពល។
គម្រោងសាងសង់ទំនប់វារីអគ្គិសនីស្ទឹងតាតៃដែលត្រូវសាងសង់មានទំនប់ទឹក អាងស្តុកទឹក រូងក្រោមដីសម្រាប់បង្ហូរទឹក ផ្លូវថ្នល់ ស្ពាន ស្ថានីយវារីអគ្គិសនីអានុភាព ១៥០ មេហ្កាវ៉ាត់។

លើកឡើងក្នុងពិធី “បិទស្ទឹងសាងសង់ទំនប់វារីអគ្គិសនីតាតៃលើ” លោក កែវ រតនៈ រដ្ឋមន្ត្រីក្រសួងរ៉ែ និងថាមពលបានឱ្យដឹងថា ស្ទឹងតាតៃផ្តល់សក្តានុពលចំនួនពីរ៖ ទី១គឺសក្តានុពលចំពោះគម្រោងវារីអគ្គិសនីស្ទឹងតាតៃ ២៤៦ មេហ្កាវ៉ាត់ ដែលរាជរដ្ឋាភិបាល បានផ្តល់សម្បទានដល់ក្រុមហ៊ុនស៊ី អេច អឹម ស៊ី ធ្វើការវិនិយោគ ហើយបានដាក់ឱ្យដំណើរការតាំងពីខែធ្នូឆ្នាំ ២០១៥។ ទី២ គឺសក្តានុពលចំពោះគម្រោងស្ទឹងតាតៃលើទំហំ ១៥០ មេហ្កាវ៉ាត់ ដែលកំពុងសាងសង់ថ្មីបន្ថែម។
វារីអគ្គិសនីស្ទឹងតាតៃលើ ជាគម្រោងមួយដែលមានសក្ដានុពលវារីអគ្គិសនី ប្រើប្រភពទឹករបស់ស្ទឹង ២គឺស្ទឹងកែប និងស្ទឹងតាតៃ ដោយសាងសង់ទំនប់ ២ កាត់ស្ទឹងទាំង ២ បង្កើតជាអាងស្តុកទឹក ២ ភ្ជាប់គ្នាទៅវិញទៅមក ដោយទួណែលបង្ហូរទឹកក្រោមដី។

សូមជំរាបថា គម្រោងទំនប់វារីអគ្គិសនីស្ទឹងតាតៃលើធ្វើឡើងក្រោមរូបភាពជាគម្រោងវិនិយោគ សាងសង់-ដំណើរការ-ផ្ទេរ (Build-Operation-Transfer) ក្នុងទំហំវិនិយោគសរុបចំនួន ៣៨៩,៤១៤, ០០៤ ដុល្លារអាម៉េរិក។
គម្រោងនេះផ្ដល់សម្បទានរយៈពេល ៣៩ ឆ្នាំ ក្នុងនោះ ៤ ឆ្នាំ សម្រាប់ការសាងសង់ និង៣៥ឆ្នាំសម្រាប់ការធ្វើអាជីវកម្ម។ បរិមាណមូលដ្ឋាន នៃថាមពលអគ្គិសនីផលិតប្រចាំឆ្នាំលក់ឲ្យអគ្គិសនីកម្ពុជាគឺជាមធ្យម ៥២៧ លានគីឡូវ៉ាត់ម៉ោង ហើយលក់ក្នុងតម្លៃ ៧,៩២ សេនអាម៉េរិក ក្នុង ១គីឡូវ៉ាត់ម៉ោង៕
អត្ថបទ៖ ឡេង ដេត

-
ព័ត៌មានអន្ដរជាតិ៣ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៥ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៧ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៤ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៧ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ១ សប្តាហ៍ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៣ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ១ ថ្ងៃ ago
កើតក្តីបារម្ភបាក់ទំនប់វារីអគ្គិសនីនៅថៃ ក្រោយរញ្ជួយដី