ប្រមុខរាជរដ្ឋាភិបាលលើកឡើងថា ​កំណើនទេសចរផ្ដល់សក្ដានុពលឱ្យវិស័យ​ជាច្រើន

សម្ដេចធិបតី ហ៊ុន ម៉ាណែត នាយករដ្ឋមន្ត្រីកកម្ពុជានៅក្នុងពិធីបិទបុណ្យសមុទ្រលើកទី១០ ជុំទី៣ នៅខេត្តកែបនៅល្ងាច​ថ្ងៃទី ៣ ខែធ្នូ ឆ្នាំ ២០២៣ បានលើកឡើងថា ​កំណើនវិស័យទេសចរណ៍អាចប្រែក្លាយ និងផ្ដល់សក្ដានុពលឱ្យវិស័យ​ជាច្រើនផ្សេងទៀត។

សម្ដេចបានបន្តថា ប្រជាពលរដ្ឋ​ ១២ ម៉ឺននាក់ ដែលមកទីនេះ ភាគតិចណាស់​ដែលគាត់ខ្ចប់បាយមកទទួលទាន ​ហើយ​បើគាត់មកលេងច្រើនថ្ងៃ គាត់ប្រាកដជាទិញ​ផលិតផលក្នុងប្រទេស។

សម្ដេចធិបតី ហ៊ុន ម៉ាណែតបន្ថែមថា៖ «សណ្ឋាគារ ភោជនីយដ្ឋាន ត្រូវកាបម្រើផ្គត់ផ្គង់ ​អញ្ចឹងគឺត្រូការសាច់ ត្រូវការបន្លែ ​និងវត្ថុធាតុដើមផ្សេងៗ ដែលជួយប្រជានេសាទយើង ដែលនៅខេត្តកែប និងកសិករដាំដំណាំ»។

ប្រមុខដឹកនាំរាជរដ្ឋាភិបាលបានដាក់ចេញនូវវិធានការពង្រឹង ខ្សែក្រវាត់បៃត ដែលជាការពង្រឹងសកម្មភាព និងការបង្កើនផលិតផលទេសចរណ៍នៅនឹងកន្លែង ដោយខិតខំឱ្យប្រជាកសិករ និងប្រជានេសាទផ្គត់ផ្គង់នៅនឹងកន្លែង ខណៈសិប្បកម្មក៏ដូចគ្នា។

រាជរដ្ឋាភិបាល​ចាត់ទុកវិស័យទេសចរណ៍​ជាវិស័យអាទិភាព​ និងបានប្រសិទ្ធិនាមថា​ ជាមាសបៃតង ដែលចូលរួមចំណែក​ដល់ការអភិវឌ្ឍសេដ្ឋកិច្ច សង្គម​តាមរយៈការបង្កើតឱកាសការងារ​បង្កើនប្រាក់ចំណូលជូនប្រជាពលរដ្ឋកាត់បន្ថយភាពក្រីក្រ៕