ព័ត៌មានជាតិ

ក្តៅៗ ពេទ្យកំពុងត្រៀមចាក់វ៉ាក់សាំងកូវីដ ដល់ឥស្សរជនជាន់ខ្ពស់ បន្តិចទៀតនេះ

បានផុស

៤ years មុន

នៅ

ថ្ងៃពុធ ១០ កុម្ភៈ ២០២១

ដោយ

នៅព្រឹកនេះ ឥស្សរជនជាន់ខ្ពស់ក្នុងជួររដ្ឋាភិបាលនឹងចាប់ផ្ដើមចាក់វ៉ាក់សាំងកូវីដរបស់ក្រុមហ៊ុន Sinopharm នៅមន្ទីរពេទ្យកាល់ម៉ែត្រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទិដ្ឋភាពសាលខាងក្នុងមន្ទីរពេទ្យកាល់ម៉ែត្រ សង្កេតឃើញក្រុមគ្រូពេទ្យបានរៀបចំគ្រឿងឧបករណ៍ពេទ្យ ដើម្បីត្រៀមចាក់ឥស្សរជនដែលនឹងមកដល់នៅពេលបន្តិចទៀតនេះ ដែលមានក្រុមអ្នកសារព័ត៌មានជាច្រើនចូលរួមរាយការណ៍ផ្ទាល់ផងដែរ។

គួរបញ្ជាក់ថា ក្រសួងសុខាភិបាលបានរៀបចំមន្ទីរពេទ្យធំៗចំនួន៤ សម្រាប់ចាក់វ៉ាក់សាំងជាលើកដំបូងនៅថ្ងៃទី១០ខែកម្ភៈឆ្នាំ២០២១៖

>នៅមន្ទីរពេទ្យកាល់ម៉ែតសម្រាប់ឥស្សរជនជាទេសរដ្ឋមន្ត្រី រដ្ឋមន្ត្រី រដ្ឋលេខាធិការ ឬមានឋានៈស្មើ។
>មន្ទីរពេទ្យព្រះអង្គឌួងសម្រាប់ឥស្សរជន ជាអនុរដ្ឋលេខាធិការ ឬមានឋានៈស្មើ។
>មន្ទីរពេទ្យមិត្តភាពខ្មែរ-សូវៀត សម្រាប់ឥស្សរជនជាអភិបាលនៃគណៈអភិបាលរាជធានី-ខេត្ត។
>មន្ទីរពេទ្យកុមារជាតិសម្រាប់អ្នកសារព័ត៌មាន។

ដំណើរការនៃការចាក់វ៉ាក់សាំង ដោយមនុស្សម្នាក់ត្រូវចំណាយពេល ៤០នាទី ក្នុងការចុះឈ្មោះ សម្ភាសន៍មុននឹងចាក់វ៉ាក់សាំង។ ពេលចាក់រួច ត្រូវសម្រាក៣០នាទី នៅបន្ទប់រង់ចាំ ដើម្បីឲ្យគ្រូពេទ្យតាមដានសុខភាព បើមិនមានអីជាបញ្ហា ទើបគ្រូពេទ្យអនុញ្ញាតឲ្យត្រឡប់ទៅវិញបាន ដោយភ្ជាប់ជាមួយបណ្ណសុខភាពសម្រាប់មកចាក់ជាលើកទី២បន្តទៀត៕

អត្ថបទ៖ ប៊ុណ្ណារ៉ា

Related Topics:មន្ទីរពេទ្យកាល់ម៉ែត្រ