ព័ត៌មានជាតិ

ផ្លូវធ្លាប់ខូចខាតខ្លាំងពិបាកដល់ពលរដ្ឋធ្វើដំណើរ ពេលនេះរដ្ឋបាលសង្កាត់ចោមចៅទី ៣ ស្ថាបនាជូនយ៉ាងស្អាត

បានផុស

១ year មុន

នៅ

ថ្ងៃអង្គារ ៥ ធ្នូ ២០២៣

ដោយ

អ៊ិន ពិសី

រដ្ឋបាលសង្កាត់ចោមចៅទី ៣ ខណ្ឌពោធិ៍សែនជ័យ បានស្ថាបនាផ្លូវបេតុងមួយខ្សែ ដើម្បីដាក់ឱ្យប្រជាពលរដ្ឋងាយស្រួលក្នុងការធ្វើដំណើរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សុទ្ធ សុជាតិ ចៅសង្កាត់រងទី ១ នៃសង្កាត់ចោមចៅទី ៣ បានឱ្យដឹងថា ផ្លូវបេតុងដែលស្ថាបនាខាងលើស្ថិតក្នុងភូមិត្រពាំងពោធិ៍ សង្កាត់ចោមចៅទី ៣ ខណ្ឌពោធិ៍សែនជ័យ មានបណ្ដោយប្រវែង ២៦៨ ម៉ែត្រ និងទទឹង ៥ ម៉ែត្រ។ កន្លងមក ផ្លូវនេះ រងការខូចខាតទ្រុឌទ្រោមខ្លាំងពិបាកដល់ប្រជាពលរដ្ឋក្នុងការរស់នៅ និងធ្វើដំណើរ។ ក្នុងនោះ ដោយមើលឃើញទុក្ខលំបាកបែបនេះ រដ្ឋបាលសង្កាត់ចោមចៅទី ៣ ដែលមាន លោក វ៉ា សាវឿន ជាចៅសង្កាត់ បានចុះសិក្សា ដាក់គ្រឿងចក្រ ដើម្បីឈូសឆាយស្ថាបនាចាក់ជាផ្លូវបេតុង ដោយប្រើប្រាស់ថវិកាមូលនិធិសង្កាត់ចោមចៅទី ៣។

លោក សុទ្ធ សុជាតិ បានបន្តថា កន្លងមក មូលនិធិសង្កាត់ចោមចៅទី ៣ ស្ថាបនាផ្លូវបេតុងបានចំនួន ៣ ភូមិ មកហើយ និងគ្រោងបន្តស្ថាបនាផ្លូវផ្សេងៗ នាពេលឆាប់ៗនេះ។ ចំពោះផ្លូវបេតុងស្ថាបនាខាងលើ មកដល់ថ្ងៃទី ០៥ ខែធ្នូ ឆ្នាំ ២០២៣ នេះ ស្ថាបនាបានសម្រេច ១០០ ភាគរយហើយ និងដាក់ឱ្យប្រើប្រាស់នាពេលឆាប់ៗនេះផងដែរ៕

អត្ថបទ ៖ សុខា