ព័ត៌មានជាតិ

ចំណងដៃថ្មីផ្លូវក្រាលកៅស៊ូសម្រាប់បងប្អូនប្រជាពលរដ្ឋ រស់នៅក្នុងស្រុកសំរោង

បានផុស

៤ years មុន

នៅ

ថ្ងៃពុធ ១០ កុម្ភៈ ២០២១

ដោយ

ប្រជាពលរដ្ឋ រស់នៅឃុំសំរោង ឃុំជើងគួន និងឃុំទ្រា ស្រុកសំរោង ខេត្តតាកែវ ទទួលបានចំណងដៃថ្មីផ្លូវក្រាលកៅស៊ូ គិតមកដល់ពេលនេះ ស្ថាបនាបានប្រមាណ៩០ភាគរយហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អាជ្ញាធរស្រុកសំរោងប្រាប់ឲ្យដឹងថា កាលពីថ្ងៃអង្គារ១២រោច ខែមាឃ ឆ្នាំជូតទោស័ក ពុទ្ធសក រាជ ២៥៦៤ ត្រូវនឹងថ្ងៃទី០៩ ខែកុម្ភៈ ឆ្នាំ២០២១ លោក កេត ម៉ៅ អភិបាលនៃគណៈអភិបាលស្រុកសំរោង បានដឹកនាំមន្ត្រីសាលាស្រុក ឃុំ ភូមិ និងមន្ត្រីជំនាញ ចុះពិនិត្យការស្ថាបនាផ្លូវក្រាលកៅស៊ូប្រភេទDBST ដែលកំពុងដំណើរការចាក់អ៊ុតកៅស៊ូស្រទាប់ទី០១ ពីចំណុចផ្សារ បត់រការ ទៅដល់ទំនប់ត្នោតទេ ប្រវែង១២គីឡូម៉ែត្រ ដោយឆ្លងកាត់ឃុំសំរោង ឃុំជើងគួន និងឃុំទ្រា ស្រុកសំរោង ខេតាកែវ ។

គម្រោងអភិវឌ្ឍន៍ផ្លូវ១ខ្សែនេះ បើគិតមកដល់ពេលនេះស្ថាបនាបានប្រមាណ៩០ភាគរយហើយ គ្រោងនឹងបញ្ចប់ការក្រាលកៅស៊ូ និងការស្ថាបនានៅមុនពិធីបុណ្យចូលឆ្នាំប្រពៃណីខ្មែរយើង ខាងមុខនេះ ៕

អត្ថបទ ៖ រ៉ាវុទ្ធ