ព័ត៌មានជាតិ

ទាក់ទងព័ត៌មានលម្អិត ប្រទេសចំនួន ៧ ផ្តល់អាហារូបករណ៍សិក្សានៅបរទេសតាមក្រសួងអប់រំ

បានផុស

១ year មុន

នៅ

ថ្ងៃព្រហស្បតិ៍ ៧ ធ្នូ ២០២៣

ដោយ

នៅក្នុងឆ្នាំសិក្សានីមួយៗ ប្រទេសមួយចំនួនតែងតែប្រកាសពីការជ្រើសរើសនិងផ្តល់អាហារូបករណ៍ដល់យុវជន និងសិស្ស-និស្សិតកម្ពុជា។ នៅក្នុងឆ្នាំ២០២៤ មានប្រទេសចំនួន ៧ នឹងផ្តល់អាហារូបករណ៍សរុបប្រមាណជា ៣០២ កន្លែងតាមរយៈក្រសួងអប់រំ យុវជន និងកីឡា សម្រាប់ឱកាសបន្តការសិក្សានៅបរទេស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមរបាយការណ៍របស់ក្រសួងអប់រំ យុវជន និងកីឡា អាហារូបករណ៍ដែលផ្តល់តាមរយៈក្រសួងអប់រំមានថ្នាក់ក្រោយឧត្ដមសិក្សា-ឧត្ដមសិក្សា ថ្នាក់បរិញ្ញាបត្រ បរិញ្ញាបត្រជាន់ខ្ពស់ និងថ្នាក់បណ្ឌិត។

ប្រទេសដែលផ្តល់អាហារូបករណ៍មានដូចជា៖ ១.រដ្ឋាភិបាលចិនចំនួន ៦០ នាក់ ២.ជប៉ុន (Teacher training) ចំនួន ៥នាក់ ៣. ប្រទេសហុងគ្រីចំនួន ៣០នាក់ ៤.ប្រទេសចិន (SUS Teach) ចំនួន ១០នាក់ ៥.សាធារណរដ្ឋគូបាចំនួន ២ នាក់ ៦.ជប៉ុន (ក្រសួងអប់រំ) ចំនួន ៥០នាក់ ៧.ចិន (ក្វាងស៊ី) ចំនួន ១០នាក់ ៨.ប្រទេសវៀតណាមចំនួន ១០០នាក់ ៩.ប្រទេសចិន (Dali University) ចំនួន ១០នាក់ ១០.ប្រទេសឡាវចំនួន ១៥ នាក់ និង១១.ប្រទេសថៃចំនួន ១០នាក់។

ពាក់ព័ន្ធព័ត៌មានលម្អិតពីអាហារូបករណ៍ទាំងនេះ សិស្សនិស្សិតអាចទាក់ទងទៅកាន់ការិយាល័យអាហារូបករណ៍ និងកម្មសិក្សា នៃនាយកដ្ឋានទំនាក់ទំនងវប្បធម៌និងអាហារូបករណ៍ដែលមានអាសយដ្ឋានអគារលេខ ២៣ ផ្លូវ ៣៦០ សង្កាត់បឹងកេងកង ១ ខណ្ឌបឹងកេងកង (ខាងកើតស្ថានីយទូរទស្សន៍អប្សរាប្រហែល ៥០ ម៉ែត្រ)៕