ព័ត៌មានជាតិ

ឯកឧត្ដម ហ៊ុន ម៉ានី ៖ ស្មារតី ២ ធ្នូ មានគោលដៅធ្វើឲ្យ កម្ពុជា អភិវឌ្ឍន៍ឆ្ពោះទៅមុខ

បានផុស

១២ ខែ មុន

នៅ

ថ្ងៃព្រហស្បតិ៍ ៧ ធ្នូ ២០២៣

ដោយ

ឯកឧត្ដម ហ៊ុន ម៉ានី ប្រធានសហភាពសហព័ន្ធយុវជនកម្ពុជា សង្កត់ធ្ងន់ថា ស្មារតី ២ ធ្នូ សំដៅដល់ការប្រមូលផ្ដុំយុវជនមានឆន្ទៈរួមគ្នា ហ៊ានលះបង់ផលប្រយោជន៍ខ្លួនឯងដើម្បីជាតិ ក្នុងគោលដៅធ្វើឲ្យប្រទេសមានការអភិវឌ្ឍឆ្ពោះទៅមុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឯកឧត្ដម ហ៊ុន ម៉ានី ប្រធានសហភាពសហព័ន្ធយុវជនកម្ពុជា សង្កត់ធ្ងន់បែបនេះ ក្នុងឱកាស ឯកឧត្ដម អញ្ជើញជាអធិបតីភាព ក្នុងពិធីប្រកាសទទួលស្គាល់ក្រុមការងារ ស.ស.យ.ក បម្រើការនៅទីស្ដីការគណៈរដ្ឋមន្ត្រីចំនួន ៧៧ រូប នាអគារ The Kampusកាលពីរសៀលថ្ងៃទី ០៦ ខែធ្នូ ឆ្នាំ ២០២៣។

ឯកឧត្ដម ហ៊ុន ម៉ានី បានមានប្រសាសន៍ថា ទោះបី ៤៥ ឆ្នាំ កន្លងផុតទៅ ប៉ុន្តែស្មារតី ២ ធ្នូ នៅតែរក្សាបានយ៉ាងរឹងមាំ។ ឯកឧត្ដម សង្កត់ធ្ងន់ថា «ស្មារតី ២ ធ្នូ សំដៅដល់ការប្រមូលផ្ដុំយុវជនដែលមានឆន្ទៈរួមគ្នា ហ៊ានលះបង់ផលប្រយោជន៍ខ្លួនឯងដើម្បីជាតិ ក្នុងគោលដៅធ្វើឲ្យប្រទេសមានការអភិវឌ្ឍឆ្ពោះទៅមុខ»។

ឯកឧត្ដម ហ៊ុន ម៉ានី បញ្ជាក់ថា ក្នុងន័យខាងលើនេះ ឯកឧត្ដម ចង់បង្ហាញសមាជិក-សមាជិកា និងសាធារណជន ជ្រាបច្បាស់ពីសកម្មភាពតូចៗ ដែល ស.ស.យ.ក បានរៀបចំ វាគឺជាផ្នែកមួយធ្វើឲ្យប្រជាជននៅរួមគ្នា និងមានភាពស្និទ្ធស្នាលជាមួយគ្នា ដើម្បីសង្គមមួយថែរក្សាបាននូវសាមគ្គីភាព ឯកភាព នូវសុខដុមនីយកម្ម ការចេះយោគយល់អធ្យាស្រ័យគ្នាទៅវិញទៅមក។ ទាំងអស់នេះ មិនមែនកើតឡើងដោយឯកឯងទេ តែត្រូវការចាំបាច់ការរៀបចំសកម្មភាព និងរំលឹកជាប្រចាំ៕

អត្ថបទ ៖ ពិសី