Connect with us

ព័ត៌មានជាតិ

ផ្ទះ​៣​ខ្នង​ ត្រូវ​អគ្គិភ័យ​ឆាបឆេះ​អស់ កាលពី​ម្សិលមិញនៅ​ក្រុង​បាន​លុង​

បានផុស

នៅ

​អគ្គិភ័យ​មួយ​បាន​ឆាបឆេះ​ផ្ទះ​ប្រជាពលរដ្ឋ​អស់​ចំនួន​៣​ខ្នង ស្ថិតនៅ​ក្នុង​ភូមិ​៤ សង្កាត់​កាចា​ញ ក្រុង​បាន​លុង បង្ក​ការ​ភ្ញាក់​ផ្អើ​ល​ដល់​ប្រជាពលរដ្ឋ និង​សមត្ថកិច្ច​ចុះ​អន្តរាគមន៍​។ ហេតុការណ៍​គ្រោះ​អគ្គិភ័យ​នេះ​ បាន​កើតឡើង​កាលពី​វេលា​ម៉ោង​២​រសៀល​ថ្ងៃទី​៩ ខែ​កុម្ភៈ ឆ្នាំ​២០២១​។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​តាម​ការ​បញ្ជាក់​ពី​លោក ទន់ ពៅ ចៅសង្កាត់​កាចា​ញ បាន​ឲ្យ​ដឹង​ថា ម្ចាស់ផ្ទះ​ទាំង​៣​ខ្នង ​ដែល​រងគ្រោះ​ខាង​លើ​នេះ ទី​១.​ឈ្មោះ ស្រ៊ី​ន ស្រឿ​ន ឆេះ​អស់​ផ្ទះ​មួយ​ខ្នង ទំ​ហំ ៥​គុណ​៧​ម៉ែត្រ​ទី​២.​ឈ្មោះ ផៃ សិរី ឆេះ​ផ្ទះ​មួយ​ខ្នង​៥,៥០​គុណ​៩​ម៉ែត្រ ទី​៣.​ឈ្មោះ ម៉ៅ វាសនា​, ឈ្មោះ លី​សុខា​, ឈ្មោះ ហេង សុខុម​, ឈ្មោះ ឌុ​ក រិ​ទ្ធិ​។ (​ផ្ទះ​ទី​៣​ជា​ផ្ទះល្វែង​របស់​ក្រុមហ៊ុន ក្នុងនោះ​មាន​៦​បន្ទប់ ពួកគាត់​រស់នៅ​ជុំគ្នា​)​។​

​លោកចៅសង្កាត់​បាន​បន្ត​ថា តាម​ការ​សន្និដ្ឋាន​ជំ​ហ៊ាន​ដំបូង​ការ​ឆាបឆេះ​នេះ គឺ​បណ្តាល​មកពី​ឆ្លង​ចរន្ត​អគ្គិស​នី​។ បើតាម​ការបញ្ជាក់​ពី​លោក សួន សាវុធ នាយ​ប៉ុស្តិ៍​រដ្ឋបាល​នគ​របាល​សង្កាត់​កាចា​ញ​បាន​ឲ្យ​ដឹង​ថា ​គ្រោះ​មហន្តរាយ​អគ្គិភ័យ​ខាងលើនេះ ​បណ្តាល​ឲ្យ​រង​ការ​ខូចខាត​ដូចជា៖ ១.​ឈ្មោះ ស្រ៊ី​ន ស្រឿ​ន ភេទ​ប្រុស អាយុ​៥៣​ឆ្នាំ សម្ភារៈ​ខូចខាត​ផ្ទះ​ចំនួន ១​ខ្នង សង់​អំពី​ឈើ​ទំ​ហំ ៥​ម៉ែត្រ គុណ ៧​ម៉ែត្រ ទូរទស្សន៍ ២១​អ៊ី​ញ​ចំនួន ១​គ្រឿង លុយ​ខ្មែរ​ចំនួន ៥៥០,០០០៛​និង​សម្ភារៈប្រើប្រាស់​មួយចំនួន, ២.​ឈ្មោះ ផៃ សិរី ឆេះ​ផ្ទះ ១​ខ្នង ទំ​ហំ ៥,៥​ម៉ែត្រ គុណ ៩​ម៉ែត្រ​ ​ម៉ាស៊ីន​កិន​ទឹកអំពៅ​ចំនួន ១ កង្ហារ​ចំនួន ១ លុយ​ខ្មែរ​ចំនួន​១២​លាន​រៀល គ្រឿងអលង្ការ តម្លៃ​សរុប ២,៣០០,០០០.​រៀល និង​សម្ភារៈប្រើប្រាស់​មួយចំនួន, ៣.​ឈ្មោះ ម៉ៅ វាសនា ភេទ​ប្រុស អាយុ​៣៩​ឆ្នាំ ទូរទស្សន៍ ២១​អ៊ី​ញ​ចំនួន ១​គ្រឿង លុយ​ខ្មែរ​ចំនួន ២​លាន​រៀល គ្រឿងអលង្ការ តម្លៃ​សរុប ១២០,០០០.​រៀល និង​សម្ភារៈប្រើប្រាស់​មួយចំនួន, ៤.​ឈ្មោះ ហេង សុខុម ភេទ​ប្រុស អាយុ​៣៩​ឆ្នាំ ទូរទស្សន៍ ២១​អ៊ី​ញ​ចំនួន ១​គ្រឿង​លុយ​ចំនួន ៨០០,០០០.​រៀល និង​សម្ភារៈប្រើប្រាស់​មួយចំនួន, ៥.​ឈ្មោះ ឌុ​ក រិ​ទ្ធិ ភេទ​ប្រុស អាយុ​៥២​ឆ្នាំ ទូរទស្សន៍​ចំនួន ១​គ្រឿង​ ក្បាល​វីស៊ីឌី ១​គ្រឿង លុយ​ខ្មែរ​ចំនួន ៨០០,០០០.​រៀល និង​សម្ភារៈប្រើប្រាស់​មួយចំនួន និង ទី៦.​ឈ្មោះ លី​សុខា ភេទ​ប្រុស អាយុ​៥១​ឆ្នាំ​ ទូរទស្សន៍ ២១​អ៊ី​ញ​ចំនួន ១​គ្រឿង​ គ្រឿងអលង្ការ តម្លៃ​សរុប ១,០០០,០០០.​រៀលនិង​សម្ភារៈប្រើប្រាស់​មួយចំ​នួន​។​

​គួរបញ្ជាក់​ផងដែរ​ថា ​ក្នុង​ករណី​អគ្គិភ័យ​ឆាបឆេះ​ផ្ទះ​ប្រជាពលរដ្ឋ​ខាង​លើនេះ ​កម្លាំង​នគរបាល​នៃ​ស្នងការដ្ឋាន​នគរបាល​ខេត្ត​បាន​ប្រើប្រាស់​រថយន្ត​ពន្លត់អគ្គិភ័យ​ចំនួន​២​គ្រឿង អស់​ទឹក​៤​រថយន្ត និង​រថយន្ត​ស៊ី​ទែន​ទឹក​របស់​ក្រុមហ៊ុន​ហ្វី​ស​រ៉ាប់​ប័​រ​២​រថយន្ត ដើម្បី​ជួយ​អន្តរាគមន៍ ហើយ​ក្នុង​ឱកាស​នោះ លោក ណាន ស៊ីថា ម្ចាស់​ភូមិ​ខ្មែរ​រី​ស៊​ត​បាន​ជួយ​ឧបត្ថម្ភ​គ្រួសារ​រងគ្រោះ​តាមរយៈ​លោក​ចៅសង្កាត់​កាចា​ញ​ចំនួន​២០០​ដុល្លារ​ ផង​ដែរ​៕

អត្ថបទ៖ វុ​ទ្ធ​ឦសាន​

សូមចុចអាន៖ សមត្ថកិច្ចស្រុក​គីរីវង់​បន្តចុះបង្ក្រាបដំណាំ​កញ្ឆា​មួយចំនួនធំ​បន្ថែមទៀត​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១ ម៉ោង មុន

សម្តេចធិបតី ហ៊ុន ម៉ាណែត និងលោកជំទាវផ្ដល់ការឧបត្ថម្ភ​​ជា​ប្រចាំ​ខែ​ដល់​កុមារ​កំព្រា និងកុមារ​មាន​ទុក្ខលំបាក​នៅ​មណ្ឌលមែកឈើ

ព័ត៌មានជាតិ២ ម៉ោង មុន

រដ្ឋមន្ត្រីព័ត៌មាន៖ ក្រុមប្រឆាំងនៅក្រៅប្រទេសបង្កើតព័ត៌មានក្លែងក្លាយ ដើម្បីបញ្ឆេះកំហឹងពលរដ្ឋ ឱ្យផ្ដួលរំលំរដ្ឋាភិបាល

សេចក្ដីជូនដំណឹង៤ ម៉ោង មុន

ក្រុមហ៊ុន Smart Axiata ទទូលបានពានរង្វាន់ “បរិយាបន្នឌីជីថល” ពីរឆ្នាំជាប់គ្នាៗ ពីកម្មវិធី AmCham CSR Excellence Awards

ព័ត៌មានអន្ដរជាតិ៤ ម៉ោង មុន

ត្រាំ បញ្ជាក់ថា «ពន្ធឱ្យស្មើគ្នា» នឹងដាក់លើគ្រប់ប្រទេសទាំងអស់

ព័ត៌មានជាតិ៥ ម៉ោង មុន

ក្រសួង ហាមមិនឱ្យលេងបាញ់ទឹក ជះទឹក លាបម្សៅ តាមសាលារៀនរដ្ឋ និងឯកជន

Sokha Hotels

ព័ត៌មានពេញនិយម