ព័ត៌មានជាតិ
កម្ពុជា-ជប៉ុន ព្រមព្រៀងឱ្យមានលំហាត់យោធាកងទ័ពជើងទឹករួមគ្នា ដើម្បីរឹតចំណងប្រទេសទាំងពីរឱ្យកាន់តែជិតស្និត
តបតាមការស្នើសុំរបស់លោក UENO Atsushi ឯកអគ្គរាជទូតជប៉ុនប្រចាំនៅកម្ពុជា សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានយល់ព្រមឱ្យមានលំហាត់យោធារួមគ្នារវាងកងទ័ពជើងទឹកនៃប្រទេសទាំងពីរ ដើម្បីរឹតចំណងមិត្តភាពកម្ពុជា-ជប៉ុនឱ្យកាន់តែជិតស្និត។ យ៉ាងណាក៏ដោយ នេះ គឺគ្រាន់តែជាការព្រមព្រៀងគ្នាជាគោលការណ៍ប៉ុណ្ណោះ រីឯការអនុវត្តលំហាត់យោធាជាក់ស្តែងរួមគ្នានេះនឹងធ្វើឡើងនៅពេលណានោះ មិនទាន់មានការបញ្ជាក់ជាផ្លូវការនៅឡើយទេ។
![](https://www.kampucheathmey.com/wp-content/uploads/2023/12/408524359_330761266423048_2671845881345923536_n-1024x727.jpg)
លោក UENO Atsushi ឯកអគ្គរាជទូតជប៉ុនប្រចាំនៅកម្ពុជា បានស្នើទៅសម្តេចធិបតី ហ៊ុន ម៉ាណែត ឱ្យមានលំហាត់រួមទ្វេភាគីរវាងកងទ័ពជើងទឹកកម្ពុជា-ជប៉ុននេះ នៅក្នុងជំនួបសម្តែងការគួរសមជាមួយសម្តេចនាយករដ្ឋមន្រ្តីកម្ពុជានៅវិមានសន្តិភាព នារសៀលថ្ងៃទី០៧ ខែធ្នូ ឆ្នាំ២០២៣នេះ។ លោក UENO Atsushi បានជម្រាបសម្តេចធិបតីថា ជប៉ុនប្រកាន់ជំហរបន្តពង្រឹង និងពង្រីកកិច្ចសហប្រតិបត្តិការជាមួយកម្ពុជាក្នុងវិស័យសន្តិសុខ និងការពារជាតិ។ ត្រង់ចំណុចនេះ លោកឯកអគ្គរាជទូតជប៉ុនប្រចាំនៅកម្ពុជា បានសម្តែងនូវក្តីរីករាយដែលកន្លងទៅថ្មីៗនេះ កងស្វ័យការពារជើងគោកជប៉ុន បានធ្វើជាម្ចាស់ផ្ទះនៃកិច្ចប្រជុំលើកទី១ នៃក្រុមការងារកងទ័ពជើងគោកកម្ពុជា-ជប៉ុន។ មិនតែប៉ុណ្ណោះ លោក UENO Atsushi ក៏បង្ហាញនូវជំហររបស់ជប៉ុនក្នុងការគាំទ្រគ្នាទៅវិញទៅមក ដើម្បីបន្តចូលរួមក្នុងការថែរក្សាសន្តិភាព សន្តិសុខ និងវិបុលភាព ទាំងក្នុងក្របខណ្ឌតំបន់ និងសាកល។
![](https://www.kampucheathmey.com/wp-content/uploads/2023/12/406395271_330761203089721_453749672646200747_n-681x1024.jpg)
ចំពោះវិស័យសន្តិសុខ និងការពារជាតិនេះ សម្តេចធិបតី ហ៊ុន ម៉ាណែត បានសម្តែងនូវការគាំទ្រចំពោះគោលគំនិតនៃការបន្តជំរុញកិច្ចសហប្រតិបត្តិការឱ្យបានកាន់តែជិតស្និទ្ធរវាងកម្ពុជា-ជប៉ុន តាមរយៈការអនុវត្តនូវសកម្មភាពជាក់ស្តែងនានា មានជាអាទិ៍ យន្តការកិច្ចប្រជុំក្រុមការងារកងទ័ពជើងគោក និងកងទ័ពជើងគោក ដែលសម្តេចធិបតី ផ្ទាល់ ជាអ្នករៀបចំឱ្យមានយន្តការនេះ ដើម្បីភ្ជាប់ទំនាក់ទំនងរវាងកងទ័ពជើងគោកនៃប្រទេសទាំងពីរ និងដំណើរទស្សនកិច្ចរបស់នាវាកងស្វ័យការពារជើងទឹកជប៉ុននៅកម្ពុជា ក្នុងឆ្នាំ២០២៤ ខាងមុខ។ ចំណែក ការរៀបចំលំហាត់រួមកងទ័ពជើងទឹកកម្ពុជា-ជប៉ុនតាមសំណើរបស់ភាគីជប៉ុន សម្តេចនាយករដ្ឋមន្រ្តីកម្ពុជា បានគាំទ្រ ហើយសម្តេចថែមទាំងគាំទ្រលើការងារបោសសម្អាតមីនថែមទៀត។
![](https://www.kampucheathmey.com/wp-content/uploads/2023/12/fn-2023-03-28-15-08-29-12-1024x682.jpg)
ដោយឡែក ពាក់ព័ន្ធនឹងវិស័យពាណិជ្ជកម្មវិញ សម្តេចធិបតីនាយករដ្ឋមន្ត្រី បានស្នើឱ្យប្រទេសជប៉ុនពិនិត្យលទ្ធភាពក្នុងការបង្កើតសួនឧស្សាហកម្មកម្ពុជា-ជប៉ុន និងការជួយដល់ប្រទេសកម្ពុជាលើការកសាងផែនការមេក្នុងវិស័យឡូជីស្ទីក ជាពិសេស ការធ្វើយ៉ាងណាប្រែក្លាយកំពង់ផែស្វយ័តក្រុងព្រះសីហនុ ទៅជាកំពង់ផែច្រកចេញ-ចូលសំខាន់មួយនៅក្នុងតំបន់។ សម្តេចធិបតី ក៏បានបង្ហាញនូវការគាំទ្រចំពោះទិសដៅនៃការលើកកម្ពស់កិច្ចសហប្រតិបត្តិការផ្នែកសេដ្ឋកិច្ចរវាងប្រទេសទាំងពីរកម្ពុជា-ជប៉ុន និងបានលើកទឹកចិត្តឱ្យប្រទេសជប៉ុនជំរុញវិនិយោគធុនតូច និងមធ្យម ឱ្យបានកាន់តែច្រើនមកកាន់ប្រទេសកម្ពុជា។ ការគាំទ្ររបស់សម្តេចធិបតី ហ៊ុន ម៉ាណែត នេះ ជាការឆ្លើយតបទៅកាន់ឯកអគ្គរាជទូតជប៉ុនប្រចាំនៅកម្ពុជា ដែលបានអះអាងថា ប្រទេសជប៉ុនប្រកាន់ជំហរបន្តពង្រឹង និងពង្រីកការគាំទ្របន្ថែមទៀតដល់កម្ពុជាលើកិច្ចសហប្រតិបត្តិការក្នុងវិស័យមួយចំនួន រួមមានជាអាទិ៍ វិស័យវិនិយោគ ការតភ្ជាប់ បច្ចេកវិទ្យា ការអប់រំ និងបណ្តុះបណ្តាលវិជ្ជាជីវៈ៕
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម១ ថ្ងៃ ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
សន្តិសុខសង្គម៣ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ៣ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ១ សប្តាហ៍ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ១ សប្តាហ៍ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
សន្តិសុខសង្គម១ សប្តាហ៍ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ជីវិតកម្សាន្ដ១ ថ្ងៃ ago
អតីតស្វាមី រងការចោទ កេងប្រវ័ញ្ចការស្លាប់ Barbie ខណៈមិត្តស្រីទម្លាយថា លោកនិងម្ដាយគឺជាជនបង្ក
-
ជីវិតកម្សាន្ដ១ សប្តាហ៍ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច