Connect with us

ព័ត៌មានជាតិ

ស្ថានទូតជប៉ុន បានរៀបចំពិធីបិទព្រឹត្តិការណ៍ខួបអនុស្សាវរីយ៍លើកទី៧០ នៃមិត្តភាពកម្ពុជា-ជប៉ុន

បានផុស

នៅ

នៅថ្ងៃទី៨ ខែធ្នូ ឆ្នាំ២០២៣នេះ ស្ថានទូតជប៉ុនប្រចាំនៅកម្ពុជា បានរៀបចំពិធីជប់លៀងបិទព្រឹត្តិការណ៍ខួបលើកទី៧០ នៃទំនាក់ទំនងជាមិត្តភាពរវាងកម្ពុជា-ជប៉ុន ដែលពិធីនេះ បានប្រព្រឹត្តទៅក្រោមវត្តមានរបស់លោក សុខ ចិន្តាសោភា ប្រមុខការទូតកម្ពុជា និងលោកឯកអគ្គរាជទូតជប៉ុនប្រចាំនៅកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងមតិស្វាគមន៍ក្នុងឱកាសនោះ លោក អ៊ូអិណូ អាត់ស៊ូស៊ី ឯកអគ្គរាជទូតជប៉ុនប្រចាំនៅកម្ពុជា និងជាសហប្រធានគណៈកម្មការប្រតិបត្តិជប៉ុនសម្រាប់ខួបអនុស្សាវរីយ៍លើកទី៧០ នៃមិត្តភាពកម្ពុជា-ជប៉ុន បានថ្លែងអំណរគុណដោយស្មោះចំពោះគ្រប់ភាគីទាំងអស់ដែលបានខិតខំប្រឹងប្រែងអស់ពីកម្លាំងកាយចិត្តពេញមួយឆ្នាំនេះ ដើម្បីរៀបចំពិធីអបអរសាទរខួបអនុស្សាវរីយ៍លើកទី៧០ នៃការបង្កើតទំនាក់ទំនងការទូតរវាងប្រទេសយើងទាំងពីរ។

លោកឯកអគ្គរាជទូត បញ្ជាក់ថា ការខិតខំទាំងនេះហើយបាននាំឱ្យទំនាក់ទំនងទ្វេភាគីកម្ពុជា និងជប៉ុន ត្រូវបានឈានទៅមុខមួយកម្រិតទៀត ពោល គឺឈានដល់ភាពជាដៃគូយុទ្ធសាស្ត្រគ្រប់ជ្រុងជ្រោយ ចាប់ពីឆ្នាំនេះ។ លោក ថា ភាពជាដៃគូថ្មីនេះ ត្រូវបានចាប់ផ្តើមជាមួយនឹងការផ្លាស់ប្តូរសារអបអរសាទររវាងនាយករដ្ឋមន្ត្រីនៃប្រទេសទាំងពីរ និងរដ្ឋមន្ត្រីការបរទេសនៃប្រទេសទាំងពីរ កាលពីថ្ងៃទី៩ ខែមករា ដែលជាកាលបរិច្ឆេទនៃការបង្កើតទំនាក់ទំនងការទូត។

បើតាមសុន្ទរកថារបស់លោកឯកអគ្គរាជទូតជប៉ុន ខួបលើកទី៧០ នៃមិត្តភាពកម្ពុជា-ជប៉ុន ត្រូវបានប្រារព្ធឡើងដោយមានការរៀបចំព្រឹត្តិការណ៍ផ្សេងៗជាច្រើនប្រមាណជាង ៧០ព្រឹត្តិការណ៍នៅកម្ពុជា។ លោក បានបន្តថា ព្រឹត្តិការណ៍ទាំងនេះ ត្រូវបានប្រារព្ធឡើងពេញមួយឆ្នាំ ហើយមនុស្សជាច្រើនបានចូលរួមក្នុងព្រឹត្តិការណ៍ទាំងនេះ ដោយតាមរយៈព្រឹត្តិការណ៍នេះ បានជំរុញការយល់ដឹងពីគ្នាទៅវិញទៅមកកាន់ច្បាស់អំពីទំនាក់ទំនងរវាងប្រទេសទាំងពីរកាន់តែជិតស្និទ្ធជាងពេល ណាៗទាំងអស់។

តែយ៉ាងណាក៏ដោយ លោកទូត បានសង្កត់ធ្ងន់ថា ការពង្រីងនូវទំនាក់ទំនងរវាងកម្ពុជា និងជប៉ុន ច្បាស់ណាស់នឹងមិនបញ្ចប់ត្រឹមនេះទេ ផ្ទុយទៅវិញ កម្ពុជា និងជប៉ុន ត្រូវតែកសាងសមិទ្ធិផលក្នុងឆ្នាំនេះ និងអភិវឌ្ឍន៍ទំនាក់ទំនងទ្វេភាគីនៃប្រទេសទាំងពីរបន្ថែមទៀតក្នុងរយៈពេល១០ឆ្នាំខាងមុខ និងលើសពីនេះទៀត៕  

Helistar Cambodia - Helicopter Charter Services
Sokimex Investment Group
ព័ត៌មានជាតិ៤ ម៉ោង មុន

នាយក​សាលា ហ៊ុន សែន ជម្ពូវ័ន​ហាម​ដាច់ខាត​មិន​ឱ្យ​លក់ ឬ ពិសា​គ្រឿងស្រវឹង​ក្នុង​ពិធី​សង្ក្រាន្ត

ព័ត៌មានជាតិ៤ ម៉ោង មុន

ក្រសួងសុខាភិបាល ៖ មន្ទីរពេទ្យ​ត្រូវ​យក​ចិត្ត​ទុក​ដាក់​កសាង​សមត្ថភាព​និង​ពង្រឹងក្រម​សីលធម៌​វិជ្ជាជីវៈ

ព័ត៌មានជាតិ៥ ម៉ោង មុន

វិថី​អាហារ​ដែល​មាន​រចនាបថ​ខ្មែរ​រួម​នឹង​ការ​បង្ហាញ​ពី​វប្បធម៌​ប្រពៃណី​ជាតិ​ និង​លេច​រូប​រាង​ចំ​កណ្តាល​ក្រុងកំពត

ព័ត៌មានជាតិ៦ ម៉ោង មុន

សហជីព ៖ ការកេងចំណេញនយោបាយពីការដំឡើងពន្ធអាមេរិក គឺ​ជា​ចរិត​នយោបាយ​ដ៏ខ្មៅកខ្វក់​របស់​ក្រុម​ប្រឆាំង

សេដ្ឋកិច្ច៦ ម៉ោង មុន

កម្ពុជានឹងទម្លាក់ពន្ធនាំចូលទំនិញអាមេរិក ១៩ ប្រភេទ មកត្រឹម ៥%

Sokha Hotels

ព័ត៌មានពេញនិយម