ព័ត៌មានជាតិ

ប្រកាសផ្តល់អាហារូបករណ៍ជាង ២០០ កន្លែងពីសាកលវិទ្យាល័យល្បីៗ បន្តសិក្សាមហាវិទ្យាល័យ

បានផុស

១០ ខែ មុន

នៅ

ថ្ងៃអង្គារ ១២ ធ្នូ ២០២៣

ដោយ

ក្រោមការគិតគូរពីសម្តេចតេជោ ហ៊ុន សែន និងសម្តេចកិត្តិព្រឹត្តបណ្ឌិត នៅក្នុងឆ្នាំសិក្សា២០២៣-២០២៤ នេះ មានសាកលវិទ្យាល័យ និងវិទ្យាស្ថានចំនួន ៦ នៅតាមទីតាំងរាជធានី-ខេត្ត នឹងទទួលបានអាហារូបករណ៍ពីសម្តេចតេជោ សរុបប្រមាណជាង ២០០កន្លែង តាមរយៈសម្តេចធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អាហារូបករណ៍ដែលនឹងទទួលបានតាមរយៈការប្រឡងជ្រើសរើស នៅតាមសាកលវិទ្យាល័យ និងវិទ្យាស្ថាន មានប្រមាណ ២១៧ កន្លែង ដែលមានផ្តល់អាហារូបករណ៍របស់សម្ដេចតេជោ សិស្ស-និស្សិត យុវជន យុវនារី នៅទូទាំងប្រទេស អាចដាក់ពាក្យបានដូចជា៖

១. វិទ្យាស្ថានបច្ចេកវិទ្យាកម្ពុជា (ITC) កម្រិតវិស្វករ នៅទីតាំងគោលរាជធានីភ្នំពេញ ចំនួន ១០កន្លែង និងសាខាខេត្តត្បូងឃ្មុំ មិនកំណត់ចំនួន (ឆ្លងកាត់ការប្រឡង) ផុតកំណត់ទទួលពាក្យនៅថ្ងៃទី១៨ ខែធ្នូ ឆ្នាំ២០២៣។

២. សាកលវិទ្យាល័យភូមិន្ទវិចិត្រសិល្បៈ (RUFA) ថ្នាក់បរិញ្ញាបត្រ ចំនួន ៥០កន្លែង។ ក្នុងនោះដែរក៏មានការបែងចែកដូចជា មហាវិទ្យាល័យសិល្បៈសូនរូប ចំនួន ២០កន្លែង (តុបតែងលម្អនៃស្ថាបត្យកម្ម ដកន្លែង, គំនូរ សាគមនាគមន៍ ៥កន្លែង, វិចិត្រកម្ម ៥ កន្លែង, និងចម្លាក់ ៥ កន្លែង), មហាវិទ្យាល័យបុរាណវិទ្យា ចំនួន ១០ កន្លែង, មហាវិទ្យាល័យសិល្បៈនាដសស្ត្រ ចំនួន ១០ កន្លែង (ឯកទេសតែងនិពន្ធ) និងមហាវិទ្យាល័យតូរ្យតន្ត្រី ចំនួន ១០ កន្លែង (បេក្ខជនត្រូវឆ្លងកាត់ការធ្វើតេស្តទេពកោសល្យ និងចំណេះដឹងមូលដ្ឋានផ្នែកតូរ្យតន្ត្រី) ផងដែរ។ ហើយចំពោះពាក្យចូលរួមប្រឡងប្រជែង និងផុតកំណត់នៅថ្ងៃទី២៤ ខែឆ្នូ ខាងមុននេះ។

៣. សាកលវិទ្យាល័យអាម៉េរិកាំងភ្នំពេញ (AUPP) ថ្នាក់បរិញ្ញាបត្រ ចំនួន ១០០កន្លែង (ឆ្លងកាត់ការប្រឡង) ផ្តោតលើជំនាញដូចជា ជំនាញបច្ចេកវិទ្យាឌីជីថល (Single Degree), សន្តិសុខសាយប៊័រ (Cybersecurity) និងការអភិវឌ្ឍសុសវែរ (Software Development) និងហេដ្ឋារចនាសម្ព័ន្ធឌីជីថល (Digital Infrastructure)។

៤. សាកលវិទ្យាល័យលីមកុកវីង (LUCT) ថ្នាក់បរិញ្ញាបត្រ និងបរិញ្ញាបត្រជាន់ខ្ពស់ ចំនួន ១០កន្លែង (ឆ្លងកាត់ការប្រឡង) ដែលការជ្រើសរើសត្រូវឆ្លងកាត់ ៣ដំណាក់កាលផ្សេងៗគ្នា។ បន្ថែមជាមួយគ្នានេះ ក៏នឹងមានមុខជំនាញដូចជា សម្រាប់ថ្នាក់បរិញ្ញាបត្រ មានជំនាញស្ថាបត្យកម្ម សំណង់ស៊ីវិល ច្នៃ ម៉ូដសម្លៀកបំពាក់ ការចនា ពាណិជ្ជកម្មអន្តរជាតិ សហគ្រិនភាព វិស្វកម្មសូហ្វ័រ ព័ត៌មានវិទ្យាកិច្ច ហើយចំពោះថ្នាក់បរិញ្ញាបត្រជាន់ខ្ពស់មានជំនាញ គ្រប់គ្រងធនធានមនុស្ស និងស្ថាបត្យកម្ម ជាដើម។

៥. វិទ្យាស្ថានភាសាបរទេស (IFL) និងវិទ្យាស្ថានសិក្សាអន្តរជាតិ និងគោលនយោបាយសាធារណៈ (IISPP) ថ្នាក់បរិញ្ញាបត្រ ចំនួន ២២ កន្លែង (ឆ្លងកាត់ការប្រឡង)។ ក្នុងនោះដែរ ទាក់ទងនឹងគ្រឹះស្ថានឧត្តមសិក្សា វិទ្យាស្ថានភាសាបរទេស មានជំនាញ ភាសាអង់គ្លេស ៦កន្លែង, ភាសាជប៉ុន ២កន្លែង ភាសា ២កន្លែង, ភាសាចិន ២កន្លែង, ភាសាបារាំង ២កន្លែង និងភាសាថៃ ២ កន្លែង។ ដោយឡែក វិទ្យាស្ថានសិក្សាអន្តរជាតិ និងគោលនយោបាយសាធារណៈ មានជំនាញ ទំនាក់ទំនងអន្តរជាតិ ២កន្លែង, សេដ្ឋកិច្ចអន្តរជាតិ ២កន្លែង, វិទ្យាសាស្ត្រនយោបាយ និងរដ្ឋបាលសាធារណៈ ២កន្លែង។ ជាក់ស្តែង សាលានឹងឈប់ទទួលពាក្យជ្រើសរើសនៅថ្ងៃទី២២ ខែធ្នូ ឆ្នំា២០២៣ ខាងមុខ។

៦. សាកលវិទ្យាល័យបញ្ញាជាតិ (PCU) ថ្នាក់បរិញ្ញាបត្រ ចំនួន ២៥កន្លែង។ ដោយក្នុងនោះរួមមានជំនាញ នីតិសាស្ត្រ(៥ កន្លែង), គណនេយ្យ (៥ កន្លែង), គ្រប់គ្រង (៥ កន្លែង), ធនាគារ និងហិរញ្ញវត្ថុ(៥ កន្លែង), ទីផ្សារ(៥ កន្លែង)។

យ៉ាងណាមិញ សិស្ស យុវជន យុវនារី នៅទូទាំងប្រទេស ដែលចង់ដាក់ពាក្យប្រឡងប្រកួតប្រជែង អាចចូលមើលព័ត៌មានលម្អិតនៅក្នុងសេចក្តីប្រកាសព័ត៌មាន ដើម្បីដឹងកាន់តែច្បាស់ពីការទទួលពាក្យ និងការដាក់ពាក្យជាដើម៕