ព័ត៌មានជាតិ
នគរបាលចរាចរណ៍ខេត្តកោះកុង ចុះណែនាំម្ចាស់យានយន្តកុំកែច្នៃរថយន្តខុសបច្ចេកទេស
កងកម្លាំងនគរបាលការិយាល័យចរាចរណ៍ផ្លូវគោកខេត្តកោះកុង ព្រឹកថ្ងៃទី១១ ខែធ្នូ ឆ្នាំ២០២៣ បានចុះពិនិត្យ និងណែនាំដល់ម្ចាស់រថយន្តទាំងអស់ ពិសេសរថយន្តធុនធំ កុំតុបតែងកែច្នៃយានយន្តខុសលក្ខណៈបច្ចេកទេស។
លោកវរសេនីយ៍ទោ អ៊ុ សោភ័ណ្ឌ ប្រធានការិយាល័យចរាចរណ៍ផ្លូវគោកនៃស្នងការដ្ឋាននគរបាលខេត្តកោះកុង បានឱ្យដឹងថា ដោយមានការយកចិត្តទុកដាក់ និងគោលការណ៍ពីឧត្តមសេនីយ៍ទោ គង់ មនោ ស្នងការនៃស្នងការដ្ឋាននគរបាលខេត្ត ទើបកម្លាំងជំនាញរបស់លោកចុះផ្សព្វផ្សាយអប់រំណែនាំបន្ថែមពីបទដ្ឋានបច្ចេកទេសយានយន្តដែលបើកបរលើដងផ្លូវសាធារណៈក្នុងភូមិសាស្រ្តខេត្តត្រង់ចំណុចរង្វង់ស្ពានកោះកុង ក្រុងខេមរភូមិន្ទ។
បើតាមលោក អ៊ុ សោភ័ណ្ឌ ការងារពង្រឹងអនុវត្តច្បាប់ដែលផ្តោតលើការបទដ្ឋានបច្ចេកយានយន្តនេះធ្វើឡើងយូរឆ្នាំមកហើយ ដោយនេះគ្រាន់តែក្រើនរម្លឹកឡើងវិញដល់ម្ចាស់រថយន្តជៀសវាងភ្លេច ឬអនុវត្តផ្ទុយនឹងច្បាប់ដែលកំនត់។
លោកនាយការិយាល័យចរាចរណ៍ផ្លូវគោក លើកឡើងទៀតថា ក្នុងចំណោមរថយន្តធុងធំ១២គ្រឿង គេសង្កេតឃើញថា មានម្ចាស់យានយន្តខ្លះបានបិទស្កុតខ្មៅលើកញ្ចក់ បាំងវាំងនន បិទរូបសញ្ញាអក្សរមិនសមរម្យ លួចតម្លើងភ្លើងគ្មានការអនុញ្ញាត ឬការកែច្នៃរថយន្តខុសលក្ខណៈបច្ចេកទេសផ្សេងៗទៀត ដែលតម្រូវឱ្យបកចេញ និងធ្វើកិច្ចសន្យាបញ្ឈប់សកម្មភាពចាប់ពីថ្ងៃនេះតទៅ។
ទន្ទឹមនេះ សមត្ថកិច្ចជំនាញ បានត្រឹមតែពន្យល់ណែនាំអប់រំ និងធ្វើកិច្ចសន្យាប៉ុណ្ណោះ មិនមានការផាកពិន័យជាថវិកាឡើយ តែទៅថ្ងៃមុខនឹងអនុវត្តការផាកពិន័យគ្មានការលើកលែង។
លោក ចំរើន និងលោក សុភ័ស្ត ជាម្ចាស់រថយន្តធុនធំដឹកដី ក្នុងភូមិសាស្រ្តខេត្តកោះកុង សម្តែងការគាំទ្រចំណាត់ការអប់រំណែនាំបន្ថែមពីបទដ្ឋានបច្ចេកទេសនៃយានយន្តរបស់សមត្ថកិច្ចជំនាញ។ កន្លងទៅ មូលហេតុដែលពួកគាត់បិតស្កុតខ្មៅលើកញ្ចក់ ដោយសារតែទប់ស្កាត់ការកំដៅចូលរថយន្ត ខណៈអាកាសធាតុក្តៅខ្លាំង ពោលគឺមិនចេតនាអាក្រក់អ្វីទេ។
ទោះយ៉ាងណាង ម្ចាស់រថយន្តទាំង២នាក់ខាងលើ សន្យាអនុវត្តតាមការណែនាំរបស់នគរបាលជំនាញ ហើយស្នើសុំដល់សមត្ថកិច្ចជួយអនុវត្តច្បាប់ឱ្យស្មើភាពគ្នាមិនថារថយន្តណាក៏ដោយ សំដៅដល់ការគោរពច្បាប់ និងកាត់បន្ថយគ្រោះថ្នាក់តាមដងផ្លូវ៕
អត្តបទ៖ សិរីវឌ្ឍនៈ
-
ព័ត៌មានជាតិ១ សប្តាហ៍ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៦ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានអន្ដរជាតិ៥ ថ្ងៃ ago
ព្យុះខ្សាច់សាហារ៉ាដ៏ធំ ហោះឆ្លងមហាសមុទ្រអាត្លង់ទិក ទៅវាយប្រហារអាមេរិក ចុងសប្តាហ៍នេះ
-
ព័ត៌មានជាតិ៦ ថ្ងៃ ago
អភិបាលខេត្តជើងខ្លាំង៤រូប នៅរក្សាតំណែង ខណៈអភិបាល៤រូបទៀត របូតតំណែងនេះ
-
ព័ត៌មានជាតិ២ ថ្ងៃ ago
ចោទកម្ពុជាបង្កើត CoolApp ដើម្បីយកការណ៍ ឯកឧត្ដម ឌី វិជ្ជា ចោទសួរទៅវិញថាតើ Appរបស់ប្រទេសមហាអំណាចបង្កើតដើម្បីអ្វី?
-
សន្តិសុខសង្គម៦ ថ្ងៃ ago
ព័ត៌មានបឋម! ជនមិនស្គាល់មុខចាក់សម្លាប់យុវជនម្នាក់នៅផ្ទះជួលជាន់ទី៣
-
សន្តិសុខសង្គម៥ ថ្ងៃ ago
នគរបាលខណ្ឌព្រែកព្នៅ បញ្ជូនខ្លួនលោក ណុប សក្កដា ហៅគ្រូផេះគ្រូអង្កាមទៅតុលាការ
-
ព័ត៌មានជាតិ៥ ថ្ងៃ ago
ស្រុក២ នៃខេត្តកំពង់ចាម ផ្ទុះករណីហ្វូងសត្វដង្កូវបំផ្លាញដំណាំស្រូវ និងដំឡូងមី សរុបជិត២រយហិកតា