Connect with us

ព័ត៌មានជាតិ

វិទ្យាស្ថាន​ពហុបច្ចេកទេស​ខេត្ត​កំពង់ចាម ផ្តល់​អាហារូបករណ៍​ជាង​៤០០​កន្លែង​ដល់​យុវជន​មកពី​គ្រួសារ​ក្រីក្រ

បានផុស

នៅ

វិទ្យាស្ថាន​ពហុបច្ចេកទេស​ខេត្តកំពង់ចាម ផ្តល់​អាហារូបករណ៍​ដល់​យុវជន​មកពី​គ្រួសារ​ក្រីក្រ និង​គ្រួសារ​ងាយ​រង​ហានិភ័យ ឱ្យ​ចូលរៀន​ជំនាញ​វិជ្ជាជីវៈ និង​បច្ចេកទេស​ចំនួន ៤២០​នាក់ លើ​មុខជំនាញ​សំខាន់ៗ​ចំនួន ៧​ប្រភេទ ដោយ​ឥតគិតថ្លៃ និង​ទទួលបាន​ប្រាក់ឧបត្ថម្ភ​ពី​រាជរដ្ឋាភិបាល​ផងដែរ​។ នេះ​បើ​យោងតាម​សេចក្តី​ប្រកាស​ព័ត៌មាន​របស់​វិទ្យាស្ថាន​កាលពី​ថ្ងៃទី​១១ ខែធ្នូ ឆ្នាំ២០២៣ ដែល​អ្នកសារព័ត៌មាន​ទទួលបាន​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​បើ​តាម​វិទ្យាស្ថាន ការបណ្តុះបណ្តាល​ជំនាញ​ចំនួន​៧​ដូចជា ការងារ​កំបោរ ការដំឡើង​បណ្តាញ​បំពង់​ទឹក ការដំឡើង​បណ្តាញ​អគ្គិសនី​ក្នុង​អគារ ការ​ផ្សារ​អគ្គិសនី ការថែទាំ និង​ជួសជុល​អគ្គិសនី​រថយន្ត សេវាកម្ម​កុំព្យូទ័រ ការកែច្នៃ​បន្លែ និង​ផ្លែឈើ​។ វិទ្យាស្ថាន​បានបញ្ជាក់​ថា ការសិក្សា​វគ្គ​បណ្តុះបណ្តាល​ជំនាញ​វិជ្ជាជីវៈ និង​បច្ចេកទេស​នេះ​យុវជន​ត្រូវមាន​អាយុ​ចាប់ពី​១៥​ឆ្នាំ​ឡើងទៅ។

វិទ្យាស្ថាន​បញ្ជាក់​ថា វគ្គ​បណ្តុះបណ្តាល​ជំនាញ​វិជ្ជាជីវៈ និង​បច្ចេកទេស វិទ្យាស្ថាន​នឹង​ផ្តល់​ប្រឹក្សា​យោបល់​ពី​ការជ្រើសរើស​ជំនាញ និង​ព័ត៌មាន​ទីផ្សារការងារ ជាពិសេស​នោះ​គឺ​កន្លែង​ចុះ​កម្មសិក្សា​នៅតាម​សហគ្រាស គ្រឹះ​ស្ថាន ឧស្សាហកម្ម និង​ក្រុមហ៊ុន​ឯកជន ។ បន្ទាប់ពី​បញ្ជាប់​វគ្គ​បណ្តុះបណ្តាល​នេះ​យុវជន​នឹង​ទទួល​សញ្ញាបត្រ​បច្ចេកទេស និង​វិជ្ជាជីវៈ​១ និង​ឱកាស​សិក្សា​បន្ត ផងដែរ។

​ដោយសារតែ​ការ​បណ្តុះ​បណ្តុះ​ជំនាញ​វិជ្ជាជីវៈ និង​បច្ចេកទេស​នេះ ជា​កម្មវិធី​អាទិភាព​របស់​ប្រមុខ​រាជរដ្ឋាភិបាល​សម្រាប់​ក្រុមយុវជន​មកពី​គ្រួសារ​ក្រីក្រ ដូចនេះ សិក្ខាកាម​ដែល​មាន​បណ្ណ​សមធម៌ ឬ​បណ្ណ​ក្រីក្រ​ទាំងអស់​ក្រៅពី​ទទួលបាន​ការសិក្សា​ដោយ​ឥតគិតថ្លៃ​រួចហើយនោះ ក៏​នឹង​ទទួលបាន​ប្រាក់ឧបត្ថម្ភ​ចំនួន ២៨​ម៉ឺន​រៀល​ក្នុង​មួយខែ​រហូត​បញ្ចប់​វគ្គ​បណ្តុះបណ្តាល​។

ការប្រកាស​ផ្តល់​អាហារូបករណ៍​ពី​វិទ្យាស្ថាន​ពហុបច្ចេកទេស​ខេត្តកំពង់ចាម​នា​ពេលនេះ គឺធ្វើឡើង​ក្រោយ​ពេលដែល​រាជរដ្ឋាភិបាល​ប្រកាស​ដាក់ឱ្យ​ដំណើរការ​កម្មវិធី​បណ្តុះ​បណ្តាល​យុវជន​មកពី​គ្រួសារ​ក្រីក្រ និង​ងាយ​រង​ហានិភ័យ​ចំនួន​១.៥​លាន​នាក់​ដើម្បី​ឱ្យមាន​ជំនាញ​ជាក់លាក់ និង​ឆាប់​មានការ​ងារ​ធ្វើ​សមរម្យ​៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២២ ម៉ោង មុន

ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន

ព័ត៌មានអន្ដរជាតិ៥ ម៉ោង មុន

ភាគខាងជើង ថៃ ក៏កើតភ្លើងឆេះព្រៃខ្លាំង ឯនៅ បាងកក ក៏កំពុងរងទុក្ខដោយរញ្ជួយដី

ព័ត៌មានជាតិ២៤ ម៉ោង មុន

ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ

ព័ត៌មានអន្ដរជាតិ១ ម៉ោង មុន

ថៃ បញ្ជូនទ័ព ១ ០០០នាក់ទៅជួយមីយ៉ាន់ម៉ា ទោះប្រទេសខ្លួន ក៏រងគ្រោះខ្លាំងដោយរញ្ជួយដី

ព័ត៌មានជាតិ២២ ម៉ោង មុន

នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន

Sokha Hotels

ព័ត៌មានពេញនិយម