ព័ត៌មានជាតិ
ពលរដ្ឋក្នុងខេត្តរតនគិរីមានលទ្ធភាពវិនិយោគបើកសណ្ឋាគារ ១៤ កន្លែងទូទាំងខេត្ត
ក្នុងចំណោមសណ្ឋាគារទាំង ១៤ កន្លែងក្នុងខេត្តរតនគិរីមានម្ចាស់គ្រប់គ្រងដែលជាពលរដ្ឋរស់នៅនិងប្រកបអាជីវកម្មក្នុងខេត្តរតនគីរី។
លោក ង៉ែត ពិទូ ប្រធានមន្ទីរទេសចរណ៍ខេត្តរតនគិរីបានឲ្យកម្ពុជាថ្មីដឹងថា ក្នុងខេត្តរតនគិរីមានសណ្ឋាគារសរុប ១៤ កន្លែង និងផ្ទះសំណាក់ជាង ១០ កន្លែង។ សណ្ឋាគារទាំង ១៤ កន្លែង បើកដំណើរការដោយពលរដ្ឋក្នុងមូលដ្ឋានដែលរស់នៅនិងប្រកបអាជីវកម្មក្នុងខេត្តរតនគិរី។
«ពួកគាត់រកស៊ីក្នុងខេត្តយូរហើយមានទុនបើកសណ្ឋាគារ។ សណ្ឋាគារដំណើការទាំង ១៤ កន្លែង មានជាង ៥០០ បន្ទប់ រួមទាំងផ្ទះសំណាក់ជាង ៦០០ បន្ទប់ សរុបជាង ១ ០០០ បន្ទប់»។
លោកកត់សម្គាល់ថា ការវិនិយោគសេវាស្នាក់នៅក្នុងខេត្តភាគច្រើនជាពលរដ្ឋក្នុងមូលដ្ឋាន មិនទាន់មានការវិនិយោគពីបរទេសនៅឡើយទេ។
ក្នុងចំណោមសណ្ឋាគារទាំំង ១៤ កន្លែងក្នុងខេត្តរតនគិរី សុទ្ធតែសណ្ឋាគារធំៗមានចាប់ពី ៣៥ បន្ទប់ទៅ ៩០ បន្ទប់។ សណ្ឋាគារធំៗកម្ពស់ខ្ពស់ៗមួយចំនួនក៏មានរៀបចំជា Skybar សម្រាប់ផ្តល់ការកម្សាន្តដល់ភ្ញៀវទេសចរនៅពេលរាត្រី។ ក្នុងចំណោមសណ្ឋាគារទាំង ១៤ មានតែ ២ ទេ ដែលមានរៀបចំ Skybar មានសណ្ឋាគារស៊ីត្រា និងបឹងយក្សឡោម។ ចំណែកសណ្ឋាគារមរកតមាន Skybar ដែរ តែមិនទាន់ដំណើរការនៅឡើយ។
ប្រធានមន្ទីរទេសចរណ៍ខេត្តរតនគិរីបានបន្តថា កំណើនភ្ញៀវទេសចរណ៍ក្នុងខេត្តរតនគីរីកើនឡើងពី ៥ ទៅ ៦ % ជារៀងរាល់ឆ្នាំ។
បច្ចុប្បន្នភ្ញៀវយុវវ័យមួយចំនួនចូលចិត្តស្នាក់នៅបែបបោះតង់ឬគេងលក្ខណៈប៊ូទិកតាមតំបន់ទេសចរណ៍នានា។ កន្លែងប៊ូទិកក្នុងខេត្តក៏មានច្រើន ដែលផ្តល់ជម្រើសច្រើនឲ្យភ្ញៀវស្នាក់នៅ ខណៈនៅរដូវបុណ្យទានសណ្ឋាគារនីមួយៗតែងតែមានភ្ញៀវបុកមកកក់ស្នាក់នៅច្រើន។
លោក ង៉ែត ពិទូ បានអះអាងថា ដោយសារហេដ្ឋារចនាមសម្ព័ន្ធល្អ ភ្ញៀវទេសចរមួយចំនួនអាចសម្រាកស្នាក់នៅតាមបណ្តាខេត្តជុំវិញទើបមកកម្សាន្តនៅក្នុងខេត្តរតនគីរី។
ខេត្តរតនគិរីមានតំបន់ទេសចរណ៍សរុប ៣០ កន្លែង ក្នុងនោះរមណីយដ្ឋានទេសចរណ៍ធម្មជាតិមាន ២០ កន្លែង រមណីយដ្ឋានទេសចរណ៍វប្បធម៌មាន ២ កន្លែង និងរីសតមាន ០៨ កន្លែង។ នៅជុំវិញក្រុងបានលុង តំបន់ទេសចរណ៍ពេញនិយមមានដូចជាបឹងកន្សែង បឹងយក្សឡោម ភ្នំឥសីបតមៈ ទឹកជ្រោះកាចាញ់ ដែលតំបន់ទេសចរណ៍ទាំងនេះមានចម្ងាយពី ១ ទៅ ៣ គីឡូម៉ែត្រពីតំបន់ប្រជុំជនក្រុងដែលងាយស្រួលភ្ញៀវទេសចរទៅកម្សាន្ត៕
ផ្លូវថ្មើរជើងសប្ដាហ៍នេះ មានរបាំត្រឡោក និង ល្ខោនយីកេ
សម្ដេច ស ខេង ស្នើអាជ្ញាធរទប់ស្កាត់អំពើឆបោកតាមប្រព័ន្ធអនឡាញ ដើម្បីកុំឲ្យពលរដ្ឋខាតបង់ទ្រព្យដោយសារឧក្រិដ្ឋជន
ក្រសួងដែលមិនបានកំណត់តំណែងជាក់លាក់សម្រាប់រើសមន្ត្រីនឹងមិនអនុញ្ញាតឱ្យរើសថែមទេ
នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន
នាយករដ្ឋមន្ត្រីឱ្យក្រសួងមុខងារសាធារណៈដឹកនាំដោះស្រាយការជាន់មុខងាររបស់ស្ថាប័នរដ្ឋ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៤ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ