ព័ត៌មានជាតិ

ត្រួតពិនិត្យទីតាំងកែច្នៃ និងចែកចាយខ្ញី ១ កន្លែង រកឃើញលាយសារធាតុគីមីហាមឃាត់

បានផុស

១០ ខែ មុន

នៅ

ថ្ងៃព្រហស្បតិ៍ ១៤ ធ្នូ ២០២៣

ដោយ

មន្ត្រីជំនាញ ចុះត្រួតពិនិត្យទីតាំងកែច្នៃ និងចែកចាយខ្ញីហាន់ ១ កន្លែង រកឃើញលាយសារធាតុគីមីហាមឃាត់មួយចំនួន ស្ថិតក្នុងខណ្ឌដង្កោ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្ងៃទី ១១ ខែធ្នូ ឆ្នាំ ២០២៣ សាខា ក.ប.ប រាជធានីភ្នំពេញ សហការជាមួយមន្ត្រីបច្ចេកទេស នៃនាយកដ្ឋានមន្ទីរពិសោធន៍ នៃអគ្គនាយកដ្ឋាន ក.ប.ប បាននាំយករថយន្តមន្ទីរពិសោធន៍ចល័តផ្នែកម្ហូបអាហារ ចុះត្រួតពិនិត្យទីតាំងកែច្នៃ និងចែកចាយខ្ញីហាន់ ១ ទីតាំង នៅខណ្ឌដង្កោ រាជធានីភ្នំពេញ ដោយគោលបំណងការពារសុខភាពប្រជាពលរដ្ឋស្របតាមតួនាទី និងភារកិច្ចរបស់អគ្គនាយកដ្ឋាន ក.ប.ប ក្រែងម្ចាស់ទីតាំងមានដាក់លាយសារធាតុគីមីហាមឃាត់ណាមួយក្នុងខ្ញីទាំងនោះ។

កិច្ចប្រតិបត្តិការនេះដែរ ជាលទ្ធផល ក្រុមមន្ត្រីជំនាញ បានរកឃើញខ្ញីដុំមិនទាន់ហាន់ចំនួន ៩៤០ គីឡូក្រាម ខ្ញីហាន់រួច ដែលមានលាយសារធាតុ Sodium Hydrosulfite ២០ គីឡូក្រាម និងមើមខ្ញីត្រាំ ៦០ គីឡូក្រាម រួមទាំងសារធាតុ Sodium Hydrosulfite ៣.៨ គីឡូក្រាម ផងដែរ។ ដូចនេះ មន្ត្រីជំនាញ បានសម្រេចចាត់វិធានការបន្តតាមនីតិវិធីភ្លាមៗ។

គួរបញ្ជាក់ថា «សារធាតុ Sodium Hydrosulfite ជាប្រភេទសារធាតុគីមីហាមឃាត់ និងមិនត្រូវបានអនុញ្ញាតឲ្យប្រើប្រាស់ជាសារធាតុបន្ថែមក្នុងម្ហូបអាហារទេ។ ហើយការទទួលទាននូវសារធាតុនេះ អាចបណ្ដាលឲ្យពិបាកដកដង្ហើម សម្ពាធឈាមចុះទាប វិលមុខ ឈឺពោះ ក្អួតចង្អោរ រាករូស ឬគ្រោះថ្នាក់ដល់ជីវិតផ្សេងៗ ទៀតផង»៕

អត្ថបទ ៖ ពិសី