ព្រះមហាក្សត្រចេញព្រះរាជក្រឹត្យ​រៀបចំ និង​ដំណើរការប្រព្រឹត្តិទៅរបស់ក្រុមប្រឹក្សាអភិវឌ្ឍន៍កម្ពុជា

ព្រះមហាក្សត្រ​បានចេញព្រះរាជក្រឹត្យស្តីពីការ​រៀបចំ​ និង​ដំណើរការប្រព្រឹត្តិទៅនៃក្រុមប្រឹក្សាអភិវឌ្ឍន៍កម្ពុជា (ក.អ.ក)។ ក្នុង​ព្រះរាជក្រឹត្យបានកំណត់​ពី​បេសកកម្ម ​មុខងារ ភារកិច្ច​ និង​រចនាសម្ព័ន្ធ​​របស់​ក្រុមប្រឹក្សាអភិវឌ្ឍន៍កម្ពុជា។

ក្រុមប្រឹក្សាអភិវឌ្ឍន៍កម្ពុជា ជាស្ថាប័នប្រតិបត្តិបំពេញមុខងារជាសេនាធិការនិងជាច្រកចេញចូលតែមួយរបស់រាជរដ្ឋាភិបាល លើបេសកកម្មដឹកនាំនិងគ្រប់គ្រងកិច្ចសហប្រតិបត្តិការអភិវឌ្ឍន៍ ការវិនិយោគឯកជន និងតំបន់សេដ្ឋកិច្ចពិសេស។ រចនាសម្ព័ន្ធ​ដឹកនាំក្នុងក្រុមប្រឹក្សាអភិវឌ្ឍន៍កម្ពុជា មាននាយករដ្ឋមន្រ្តីកម្ពុជាជា​ប្រធាន ឥស្សរជនមួយ​រូប​ឬច្រើនរូប​​ជា​អនុប្រធាន​ និងរដ្ឋមន្រ្តីមួយចំនួនជា​សមាជិក៕