ព័ត៌មានជាតិ
ចង់ដឹងខ្មែរអាចធ្វើអីបានខ្លះ? ពិព័រណ៍ ៤ ថ្ងៃ នៅកោះពេជ្រ បង្ហាញផលិតផលខ្មែររាប់រយមុខពី ២៥ ខេត្តក្រុង
ពិព័រណ៍ផលិតផលខ្មែរនិងទំនិញនាំចេញនាំចូលលើកទី ១៦ បានប្រកាសបើកជាផ្លូវការនៅព្រឹកមិញនេះនៅសាលពិព័រណ៍កោះពេជ្រ។
ពិព័រណ៍ដែលរៀបចំឡើងរយៈពេល ៤ ថ្ងៃ ជាព្រឹត្តិការណ៍ដ៏ធំបំផុតដែលមានការតាំងបង្ហាញផលិតផលក្នុងស្រុកមកពីតាមបណ្តាខេត្ត និងតំបន់ផ្សេងៗទូទាំងប្រទេសជាឱកាសដែលពលរដ្ឋអាចស្វែងរករកផលិតផលក្នុងស្រុក ហើយក៏អាចទិញយកទៅប្រើប្រាស់តាមតម្រូវការ។
អ្វីជាគួរឲ្យចាប់អារម្មណ៍ មានផលិតផលមួយចំនួនដែលពលរដ្ឋមួយភាគធំមិនបានដឹងថា ជាផលិតផលដែលផលិតក្នុងស្រុក ដែលផលិតផលទាំងនោះមានដូចជាចំណីអាហារ ឱសថ គ្រឿងប្រើប្រាស់ និងសម្ភារៈកែច្នៃសរុបរាប់រយមុខ។
ថ្លែងនៅពិព័រណ៍ផលិតផលខ្មែរ និងទំនិញនាំចេញ-នាំចូលនៅព្រឹកនេះ លោក កឹម ស៊ីថន រដ្ឋមន្រ្តីស្តីទីក្រសួងពាណិជ្ជកម្មបានរំលេចថា ក្នុងពិព័រណ៍មានរៀបចំស្តង់តាំងបង្ហាញផលិតផលសំខាន់ៗជាច្រើនដូចជា ផលិតផលសម្គាល់ភូមិសាស្រ្តទំនិញ (GI) រួមមានម្រេចកំពត ស្ករត្នោតកំពង់ស្ពឺ ផ្កាអំបិលកំពត-កែប ក្រូចថ្លុងកោះទ្រង់ បង្កងតាកែវ ទឹកត្រីកំពត-កែប និងទឹកឃ្មុំព្រៃមណ្ឌលគិរី ព្រមទាំងមានរៀបចំស្តង់តាំងបង្ហាញផលិតផលស្វាយចន្ទីកម្ពុជា ផលិតផលសូត្រ ផលិតផលហាឡាលកម្ពុជា ផលិតផលម្រេចនិងគ្រឿងទេសកម្ពុជា គ្រឿងឧបភោគ-បរិភោគ ផលិតផលម្ហូបអាហារ និងភេសជ្ជៈ គ្រឿងសម្អាងនិងតុបតែងកាយ រថយន្តនិងគ្រឿងបន្លាស់ សម្លៀកបំពាក់ ស្បែកជើងនិងសម្ភារៈធ្វើដំណើរសម្រាប់នាំចេញ គ្រឿងអលង្ការនិងត្បូងថ្មមានតម្លៃ គ្រឿងអេឡិចត្រូនិក វត្ថុអនុស្សាវរីយ៍ ទំនិញប្រើប្រាស់ទូទៅមកពីបរទេសជាដើម។
លោកបន្តថា សហគ្រាសចូលរួមសរុបចំនួន ១៣៦ ក្រុមហ៊ុន/សហគ្រាស (ក្នុងនោះក្រុមហ៊ុនក្នុងស្រុកចំនួន ៨៦) ជាមួយស្តង់សរុបចំនួន ២៣២ ស្តង់ (ស្តង់ក្នុងស្រុកចំនួន ១៦៤ស្តង់)។
លោក សំហេង បូរ៉ា រដ្ឋលេខាធិការក្រសួងពាណិជ្ជកម្មបានឲ្យដឹងថា ព្រឹត្តិការណ៍ “ពិព័រណ៍ផលិតផលខ្មែរ និងទំនិញនាំចេញ-នាំចូល” បានរៀបចំឡើងចំនួន ១៥ លើករួចមកហើយ ដោយទទួលបានការគាំទ្រនិងការចូលរួមពីក្រសួងស្ថាប័ន វិស័យឯកជន និងសាធារណជនជាតិ-អន្តរជាតិយ៉ាងច្រើនកុះករ។
លោកបន្តថា ព្រឹត្តិការណ៍ពិព័រណ៍នេះ មិនត្រឹមតែជាការតាំងបង្ហាញផលិតផលប៉ុណ្ណោះទេ ប៉ុន្តែថែមទាំងបានបង្កើតឱកាសលើការស្វែងរកដៃគូវិនិយោគសម្រាប់កំណើន និងវិបុលភាពសង្គម ព្រមទាំងជាវេទិកាសម្រាប់ជួយដល់ផលិតករ ពាណិជ្ជករ និងក្រុមហ៊ុននានា ធ្វើការផ្សព្វផ្សាយផលិតផល និងសេវាកម្មរបស់ខ្លួនជូនដល់សាធារណជនជាតិ-អន្តរជាតិផងដែរ។
បើតាមលោក សំហេង បូរ៉ា ព្រឹត្តិការណ៍ពិព័រណ៍ផលិតផលខ្មែរនិងទំនិញនាំចេញ-នាំចូលឆ្នាំនេះ មានលក្ខណៈពិសេសជាងបណ្តាឆ្នាំកន្លងទៅ ដោយមានការចូលរួមគាំទ្រពីប្រទេសចំនួន ១៧ និងមានប្រតិភូមកពីបរទេសចូលរួមច្រើនជាងឆ្នាំមុនផងដែរ៕
ក្រុមហ៊ុន វឌ្ឍនៈ ប្រ៊ូវើរី បន្តវត្តមានជូនដំណើរបងប្អូនទៅស្រុកកំណើត និងចែកជូនភេសជ្ជៈកីឡាបំពេញជាតិទឹក វី អាកទីវ ដោយឥតគិតថ្លៃ
ប្រជាជនកម្ពុជាហៅបឹងទន្លេសាប ជាកូនសមុទ្រទឹកសាប ខណៈជាបឹងទឹកសាបធំបំផុតនៅអាស៊ីអាគ្នេយ៍
Selena ក្លាយជាមហាសេដ្ឋី ខណៈ Justin កំពុងផ្ទុះច្រូងចម្រាសនឹងបុគ្គលបទល្មើសផ្លូវភេទ
មន្រ្តីជំនាញសាធារណការឆ្លើយតបបញ្ជាក់ ផ្លូវខូចបង្កើតចង្ហូររលកនៅរង្វង់មូលព្រះថោងនាងនាគ
រមណីយដ្ឋានឆ្មាបាត់នៅកោះកុង ត្រៀមខ្លួនរួចស្រេច ទទួលភ្ញៀវទេសចរនៅថ្ងៃបុណ្យភ្ជុំបិណ្ឌ
រថយន្តដឹកទំនិញពាក់ស្លាកលេខ ខេមរៈភូមិន្ទបើកកិនគម្របលូបាក់ ខណៈដឹកទំនិញចេញពីឃ្លាំង
វៀតណាមខូចខាត៣,៣ពាន់លានដុល្លារក្នុងព្យុះទីហ្វុងយ៉ាក់ជី (Yagi)
រមណីយដ្ឋានឆ្មាបាត់នៅកោះកុង ត្រៀមខ្លួនរួចស្រេច ទទួលភ្ញៀវទេសចរនៅថ្ងៃបុណ្យភ្ជុំបិណ្ឌ
សម្ដេចតេជោ ស្នើឱ្យរដ្ឋាភិបាល ព្រឹទ្ធសភា រដ្ឋសភា តុលាការ មន្ត្រី កងកម្លាំង ងាកមកបង្កើតក្រុមក្នុង Cool App ដើម្បីសន្តិសុខជាតិ
តម្លៃប្រេងឡើងតិចតួចកាលពីថ្ងៃសុក្រ ប៉ុន្តែធ្លាក់ចុះក្នុងអត្រាប្រចាំសប្ដាហ៍
-
ព័ត៌មានអន្ដរជាតិ៥ ថ្ងៃ agoព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ជីវិតកម្សាន្ដ៣ ថ្ងៃ agoលោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
ព័ត៌មានជាតិ៣ ថ្ងៃ agoស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
-
ព័ត៌មានអន្ដរជាតិ៦ ថ្ងៃ agoភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ចរាចរណ៍២០ ម៉ោង agoរថយន្តដឹកទំនិញពាក់ស្លាកលេខ ខេមរៈភូមិន្ទបើកកិនគម្របលូបាក់ ខណៈដឹកទំនិញចេញពីឃ្លាំង
-
ជីវិតកម្សាន្ដ៤ ថ្ងៃ agoលោក លៀក លីដា បង្ហាញការខកចិត្តចំពោះការរិះគន់របស់ Allan
-
ជីវិតកម្សាន្ដ៤ ថ្ងៃ agoAllan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព
-
ព័ត៌មានអន្ដរជាតិ៥ ថ្ងៃ agoភាគកណ្តាលវៀតណាម ជម្លៀសពលរដ្ឋជាង ៦ ០០០នាក់ ដោយសារទឹកជំនន់ធ្ងន់ធ្ងរ