ព័ត៌មានជាតិ

មានប្រវត្តិជាង ១០០ ឆ្នាំ ក្រុមហ៊ុនអាមេរិកមួយបង្កើតរោងចក្រផលិតស្ករគ្រាប់នៅខ្មែរលក់ចែកចាយទូទាំងពិភពលោក

បានផុស

១ year មុន

នៅ

ថ្ងៃសុក្រ ១៥ ធ្នូ ២០២៣

ដោយ

ក្រុមហ៊ុនអាមេរិកមួយដែលមានប្រវត្តិជាង ១០០ ឆ្នាំ បានវិនិយោគរោងចក្រផលិតផលអាហារសម្រន់ និងស្ករគ្រាប់ផលិតនៅក្នុងប្រទេសកម្ពុជានាំលក់ចែកចាយដល់ទីផ្សារអាមេរិក និងបណ្តាប្រទេសមួយចំនួនទៀតនៅជុំវិញពិភពលោក។

រោងចក្រ អេប្រាធី ហ៊្វូដ បង្កើតឡើងជាង ១០ ឆ្នាំនៅតំបន់សេដ្ឋកិច្ចពិសេសភ្នំពេញ។ នេះបើតាមបុគ្គលិកមួយរូបប្រាប់កម្ពុជាថ្មីក្នុងពិព័រណ៍ផលិតផលខ្មែរនៅកោះពេជ្រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បុគ្គលិករូបនេះអះអាងថា ក្រុមហ៊ុនដើមរបស់ក្រុមហ៊ុនមានឈ្មោះបោះសំឡេងជាង ១០០ ឆ្នាំនៅសហរដ្ឋអាមេរិក។ ក្រុមហ៊ុនផលិតផលិតផលមានស្ករគ្រាប់និងអាហារសម្រន់ស្របតាមចំណង់ចំណូលចិត្តនៃរសជាតិរបស់ប្រជាជនខ្មែរ។

បើតាមបុគ្គលិករូបនេះ ក្រុមហ៊ុនអនុវត្តការផលិតតាមប្រព័ន្ធស្តង់ដារគុណភាព និងសុវត្ថិភាពម្ហូបអាហារលំដាប់អន្តរជាតិ។

រាល់ផលិតផលផលិតនៅកម្ពុជាទទួលបានវិញ្ញាបនបត្រវាយតម្លៃដោយសវនករអន្តរជាតិ ទៅលើការអនុវត្តស្តង់ដារសុវត្ថិភាពនិងគុណភាពម្ហូបអាហារពិភពលោក BRCGS កម្រិត AA ដែលជាកម្រិតល្អបំផុតសម្រាប់មនុស្សជាតិ។ ក្រៅពីនេះក៏ទទួលបានវិញ្ញាបនបត្រអនុវត្ត អនាម័យល្អGHP ការអនុវត្តន៍ប្រព័ន្ធសុវត្ថិភាពចំណីអាហារ HACCP និង HALAL។ ផលិតផលទាំងអស់ដែលដាក់លក់នៅកម្ពុជា និងនាំចេញទៅសហរដ្ឋអាមេរិក ត្រូវបានទទួលស្គាល់ជាសកល ថាជាផលិតផលដែលមានសុវត្ថិភាពនិងគុណភាពខ្ពស់៕