ព័ត៌មានជាតិ
សម្ដេចពិជ័យសេនា ទៀ បាញ់ ពន្យល់ពីមូលហេតុដែលវ៉ាក់សាំងបង្ការកូវីដ-១៩ ចាក់បានពីអាយុ១៨ ដល់៥៩ឆ្នាំ
សម្ដេចពិជ័យសេនា ទៀ បាញ់ ឧបនាយករដ្ឋមន្ត្រីរដ្ឋមន្ត្រីក្រសួងការពារជាតិ បានពន្យល់ពីមូលហេតុមួយចំនួនដែលថា វ៉ាក់សាំងបង្ការកូវីដ-១៩ ដែលជាអំណោយរបស់រដ្ឋាភិបាលចិន ប្រភេទ Sinopharm ដែលអាចចាក់បានពីអាយុ១៨ ដល់៥៩ឆ្នាំ តែបើតាមសម្ដេចពិជ័យសេនា មនុស្សដែលមានអាយុលើស៦០ឆ្នាំរិតតែមានប្រសិទ្ធភាព។
សម្ដេចពិជ័យសេនា ទៀ បាញ់ បានមានប្រសាសន៍ថា ថ្មីៗនេះសាព័ត៌មានម៉ារ៉ុកបានផ្សាយថា វ៉ាក់សាំង Sinopharm នេះបើចាក់ទៅលើមនុស្សអាយុជាង៦០ឆ្នាំ កាន់តែមានប្រសិទ្ធភាពថែមទៀត និងមានសុវត្ថិភាពកាន់តែល្អ ហើយបើតាមក្រសួងសុខាភិបាលវ៉ាក់សាំង Sinopharm នេះ មានប្រសិទ្ធភាពជាង៧០ភាគរយ ។
សម្ដេចបានពន្យល់ថា កន្លងមកនេះមានការផ្សព្វផ្សាយទាក់ទងទៅនឹងអាយុ នៃការចាក់វ៉ាក់សាំង ដោយចាប់ពី១៨ ឆ្នាំរហូតដល់៥៩ ឆ្នាំជាដើម។ សម្ដេចបញ្ជាក់ថា អ្នកដែលមានអាយុ១៨ ឆ្នាំរហូតដល់៥៩ ឆ្នាំ គឺជាមនុស្សដែលធ្វើការងារខ្លាំង ធ្វើការងារធ្ងន់ ឬក៏ធ្វើការគ្រប់ជំនាញ ដែលជាមនុស្សមានការងារប្រឈមខ្លាំង ហើយត្រូវបានគេឲ្យតម្លៃថា ជាមនុស្សមានហានិភ័យខ្ពស់ ដូច្នេះនៅពេលមានវ៉ាក់សាំងគួរតែផ្ដល់ឲ្យអ្នកទាំងនោះសិន។
ចំណែកអ្នក ដែលមានអាយុជាង៦០ ឆ្នាំ ជាអ្នកដែលចូលនិវត្តន៍ គាត់ មិនចេញទៅខាងក្រៅផ្ទះ គាត់ស្ថិតនៅក្នុងផ្ទះ ដូច្នេះពួកគាត់មិនមានហានិភ័យអ្វីនោះទេ ប៉ុន្តែនៅពេលមានវ៉ាក់សាំង គេនឹងចាក់ជូនទាំងអស់ នេះគឺជារឿងពិត។
ជាមួយនឹងការលើកឡើងខាងលើនេះ សម្ដេចពិជ័យសេនា ទៀ បាញ់ បានអះអាងថា ថ្នាក់ដឹកនាំក្រសួងការពារជាតិ ក៏ដូចជាថ្នាក់ដឹកនាំនៅក្នុងកងយោធពលខេមរភូមិន្ទ ដែលមានអាយុច្រើន ហើយមានវត្តមាននៅទីនេះ សម្ដេចបានស្នើសុំទៅសម្ដេចអគ្គមហាសេនាបតីតេជោ ហ៊ុន សែន ដើម្បីចាក់ជូនពួកគាត់ផងដែរ ពីព្រោះពួកគាត់មួយចំនួន គឺជាក្រុមដែលមានហានិភ័យខ្ពស់ នៅក្នុងការងារ ហើយសម្ដេចតេជោ ក៏បានឯកភាពឲ្យចាក់ផងដែរ ដោយសម្ដេចតេជោបានបញ្ជាក់ថា “នាំគ្នាចាក់ទៅវ៉ាក់សាំងនេះគ្មានបញ្ហាអ្វីទេ”។
មានប្រសាសន៍នៅក្នុងពិធីនោះដែរ សម្ដេចពិជ័យសេនា ទៀ បាញ់ បានអះអាងថា នៅថ្ងៃទី១០ ខែកុម្ភៈ នេះគឺជាថ្ងៃដំបូងនៃការចាក់សាំងប្រឆាំងជំងឺកូវីដ១៩ ជូនកងទ័ព ហើយយើងមានមោទនភាពដែលកម្ពុជា ជាពិសេសកងខេមរភូមិន្ទបានទទួលវ៉ាក់សាំងចាក់បង្ការជំងឺកូវីដ១៩ ជូនដល់កងទ័ព។
សម្ដេចពិជ័យសេនាបន្តថា នៅថ្ងៃនេះដែរ ជាថ្ងៃយុទ្ធនាការដំបូងនៃការចាក់វ៉ាក់សាំងបង្ការជំងឺកូវីដ១៩ ដល់ថ្នាក់ដឹកនាំជាន់ខ្ពស់នៃក្រសួងការពារជាតិ។ ការចាក់នេះ គឺជាការការពារខ្លួនមួយកម្រិតទៀត ហើយការដែលយើងទទួលបាន វ៉ាក់សាំងចាក់ចូលទៅក្នុងខ្លួនរបស់យើង គឺជាអាវក្រោះក្រៅមួយដែរ ពីព្រោះវ៉ាក់សាំងនេះ នឹងបង្កើនសមត្ថភាពក្នុងការការពារខ្លួនរបស់យើង។
សម្ដេចពិជ័យសេនា ទៀ បាញ់ បានបញ្ជាក់ដែរថា សម្ដេចបានចាក់វ៉ាក់សាំងនេះរួចរាល់ហើយនៅសល់តែ១០ថ្ងៃទៀតតែប៉ុណ្ណោះគ្រប់មួយខែ ហើយក្រុមគ្រូពេទ្យចិន គឺជាអ្នកចាក់ឲ្យ។ មុនដែលសម្ដេចចាក់វ៉ាក់សាំងនេះ ក៏មានអ្នកមួយចំនួនទៅចាក់វ៉ាក់សាំងការពារមុនសម្ដេចទៀតផង។ នៅពេលដែលសម្ដេចចាក់វ៉ាក់សាំងនេះទៅ ឃើញថាមានគុណភាពល្អ គឺមិនមានបញ្ហាអ្វីទាំងអស់។ ចំណែកមនុស្សមួយចំនួនដែលនៅជុំវិញខ្លួនសម្ដេចក៏បានចាក់វ៉ាក់សាំងនេះហើយដែរ៕
កោះកែវ
ផ្លែគុយនៅខេត្តកោះកុង ឆ្នាំនេះហុចផលច្រើន តែលក់ចេញពុំសូវបានតម្លៃដូចឆ្នាំទៅ
ឯកឧត្តម ហ៊ុន ម៉ានី÷ការរៀបចំព្រះរាជក្រឹត្យស្ដីពីលក្ខន្តិកៈដោយឡែកនៃអង្គសុខាភិបាល អាចផ្តល់ផលរំពឹងចំនួន៣
ឆេះផ្ទះ៣ខ្នង ក្បែរវត្តគល់ទទឹង សង្ស័យកើតចេញពីការឆ្លងចរន្តអគ្គិសនី
ក្រសួងការងារ រៀបចំសិក្ខាសាលាពិគ្រោះយោបល់លើឯកសារទស្សនាទាន ស្ដីពី “កម្លាំងពលកម្មនៅកម្ពុជា”
ស្នងការរាជធានី ៖ បុណ្យចូលឆ្នាំខ្មែរប្រពៃណីជាតិ សមត្ថកិច្ចត្រៀមកម្លាំងជាង២ពាន់នាក់ ដើម្បីការពារសន្តិសុខ
កុំចេះតែហ៊ាន! អ្នកចងការប្រាក់ម្នាក់ត្រូវកូនបំណុលប្ដឹងឲ្យជាប់ពន្ធនាគារ២ឆ្នាំ ក្រោយឆាតទារលុយតាមហ្វេសប៊ុក
ក្រសួងយុត្តិធម៌កំពុងសិក្សាលើករណីម្ចាស់បំណុលជាប់ពន្ធនាគារព្រោះទារលុយកូនបំណុលហើយ
ម៉ូតូ ២ គ្រឿង ពន្លះគ្នាពេញទំហឹង ស្លាប់ ១ នាក់ និង រងរបួសធ្ងន់ ១ នាក់
កម្ពុជា នឹងបន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់ថ្ងៃទី៩មេសា
អង់គ្លេស ព្រមានពលរដ្ឋ ត្រូវត្រៀមរបស់របរសំខាន់ៗ សម្រាប់ការប្រើក្នុងគ្រាអាសន្នឲ្យបាន៧២ម៉ោង
-
សន្តិសុខសង្គម២ ថ្ងៃ agoឥទ្ធិពលថ្នាំញៀន! កូនមេភូមិបែកថ្នាំចូលកាប់សម្លាប់ប្រពន្ធនាយកសាលានៅបាត់ដំបង
-
សន្តិសុខសង្គម១៤ ម៉ោង agoកុំចេះតែហ៊ាន! អ្នកចងការប្រាក់ម្នាក់ត្រូវកូនបំណុលប្ដឹងឲ្យជាប់ពន្ធនាគារ២ឆ្នាំ ក្រោយឆាតទារលុយតាមហ្វេសប៊ុក
-
សន្តិសុខសង្គម២ ថ្ងៃ agoភរិយាមេព្រហ្មទណ្ឌកម្រិតធ្ងន់ខេត្តបាត់ដំបង និងបក្សពួកត្រូវចាប់ខ្លួន ករណីជួញដូរគ្រឿងញៀន
-
ព័ត៌មានជាតិ៦ ថ្ងៃ agoក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ២ ថ្ងៃ agoបាតុភូតចម្លែក៖ ខេត្តថៃទាំង៧៧ កើតបាតុភូតព្រះអាទិត្យដើរចំពីលើក្បាល
-
ព័ត៌មានអន្ដរជាតិ៦ ថ្ងៃ agoនិស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានជាតិ៥ ថ្ងៃ agoកម្ពុជា នឹងបន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់ថ្ងៃទី៥មេសា
-
ព័ត៌មានអន្ដរជាតិ៥ ថ្ងៃ agoមីយ៉ាន់ម៉ា៖ ក្រុមសង្គ្រោះតួកគី ជួយជីវិតបុរសម្នាក់ ក្រោយជាប់ក្រោមគំនរបាក់បែក៥ថ្ងៃ