ព័ត៌មានជាតិ
ឧត្តមភរិយាសម្ដេចធិបតីនាយករដ្ឋមន្ត្រី ត្រូវបានតែងតាំងជាអនុប្រធានអចិន្ត្រៃយ៍កាកបាទក្រហមកម្ពុជា
លោកជំទាវបណ្ឌិត ពេជ ចន្ទមុន្នី ដែលជាឧត្តមភរិយារបស់សម្ដេចធិបតី ហ៊ុន ម៉ាណែត ត្រូវបានតែងតាំងឱ្យធ្វើជាអនុប្រធានអចិន្ត្រៃយ៍កាកបាទក្រហមកម្ពុជា ខណៈសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បន្តធ្វើជាប្រធានស្ថាប័នមនុស្សធម៌នេះដដែល។ នេះបើតាមអនុក្រឹត្យរបស់រាជរដ្ឋាភិបាលកម្ពុជា ចុះថ្ងៃទី១៥ ខែធ្នូ ឆ្នាំ២០២៣នេះ។

ការតែងតាំងនេះ គឺបន្ទាប់ពីមហាសន្និបាតកាកបាទក្រហមកម្ពុជា អាណត្តិទី៧ ដែលបានរៀបចំឡើងនៅព្រឹកថ្ងៃទី១៥ ខែធ្នូ ឆ្នាំ២០២៣ បានពិនិត្យ និងបោះឆ្នោតអនុម័តទាំងស្រុងសមាសភាពគណៈកម្មាធិការកណ្តាលកាកបាទក្រហមកម្ពុជា អាណត្តិទី៧ មានសរុប១៣រូប។ ក្នុងនោះ មានប្រធាន ១រូប គឺ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន អនុប្រធាន ៣រូប អនុប្រធានអចិន្ត្រៃយ៍ ១រូប អគ្គហេរញ្ញិក ១រូប និងសមាជិក ៧រូប ព្រមទាំងបានសម្រេចជ្រើសតាំងអគ្គលេខាធិការ ១រូប និងអគ្គលេខាធិការរង ២រូប ដែលរាជរដ្ឋាភិបាលកម្ពុជា បានប្រកាសទទួលស្គាល់ដោយអនុក្រឹត្យ ចុះថ្ងៃទី១៥ ខែធ្នូ ឆ្នាំ២០២៣។

អនុក្រឹត្យនេះ បានប្រកាសទទួលស្គាល់គណៈកម្មាធិការកណ្តាល និងអគ្គលេខាធិការ អគ្គលេខាធិការរង កាកបាទក្រហមកម្ពុជា សម្រាប់អាណត្តិទី៧ ចំនួន១៣រូប ដោយក្នុងនោះ សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បន្តជាប្រធានកាកបាទក្រហមកម្ពុជា សម្ដេច គង់ សំអុល ជាអនុប្រធាន លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ជាអនុប្រធានអចិន្ត្រៃយ៍ និងអនុប្រធានចំនួនពីររូបទៀត គឺលោកជំទាវ អាន្នី សុខអាន និងលោកជំទាវ ជឹង សុភាព។

ចំណែក លោកស្រី អ៊ុក ម៉ាលី ជាអគ្គហេរញ្ញិក ព្រមទាំងសមាជិកគណៈកម្មាធិការកណ្ដាលកាកបាទក្រហមកម្ពុជាចំនួន ៧រូប រួមមាន៖ លោក ពិត ចំណាន លោក លី យ៉ុងផាត់ លោក ម៉ុង ឫទ្ធី លោក គិត ម៉េង លោក ឃួង ស្រេង លោក គីម វីរៈ និងលោក មាន ចាន់យ៉ាដា។ ដោយឡែក លោកស្រី ពុំ ចន្ទីនី ត្រូវបន្តធ្វើជាអគ្គលេខាធិការ ខណៈលោកស្រី ម៉ែន នារីសោភ័គ ជាអគ្គលេខាធិការរងទី១ និងលោក យូ ឡាណា ជាអគ្គលេខាធិការរងទី២ នៃកាកបាទក្រហមកម្ពុជា៕


-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២៣ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ