ព័ត៌មានជាតិ
អ្នកលក់ដូរតាមរបងមន្ទីរពេទ្យកុមារជាតិ ថា ទាល់តែដល់ថ្ងៃកំណត់ ទើបរុះរើចេញ
ក្រុមអ្នកលក់ដូរនៅតាមរបងមន្ទីរពេទ្យកុមារជាតិ បានប្រាប់ឱ្យដឹងថា មូលហេតុដែលពួកគាត់មិនរុះរើចេញ ក៏ព្រោះតែមិនទាន់ដល់ថ្ងៃកំណត់ ត្បិតអ្នកលក់ដូរខ្លះអះអាងថា បានស្នើសុំពន្យាពេលរុះរើចេញជាមួយនឹងអាជ្ញាធរខណ្ឌទួលគោក រហូតដល់ថ្ងៃព្រហស្បត្តិ៍ ទី ២១ ខែធ្នូ ឆ្នាំ ២០២៣ ខាងមុខនេះ។
![](https://www.kampucheathmey.com/wp-content/uploads/2023/12/៥-9-1024x577.jpg)
អ្នកស្រី សុង ភួន អ្នកលក់បាយនៅក្បែររបងមន្ទីរពេទ្យកុមារជាតិ បានប្រាប់ឱ្យកម្ពុជាថ្មីដឹងថា មូលហេតុដែលអ្នកស្រី មិនទាន់រុះរើចេញ ដោយសារតែក្រុមអ្នកលក់ដូរទាំងអស់ បានស្នើសុំពន្យាពេលជាមួយអាជ្ញាធរខណ្ឌទួលគោក។ អ្នកស្រី បញ្ជាក់ថា អាជ្ញាធរ បានទុកពេលរុះរើចេញ រហូតដល់ថ្ងៃទី ២១ ខែធ្នូ នេះ ដោយមិនអនុគ្រោះឱ្យលើសពីថ្ងៃជូនដំណឹងនេះ តទៅទៀតឡើយ។ អ្នកស្រីបន្ថែមថា អ្នកស្រី មិនហ៊ានចង់ល្មើសនឹងសេចក្ដីជូនដំណឹងរបស់អាជ្ញាធរនោះទេ ប៉ុន្ដែដោយសារមិនទាន់ស្វែងរកកន្លែង ឬទីតាំងលក់ដូរបានថ្មី។ អ្នកស្រីថា បច្ចុប្បន្នការលក់ដូររបស់អ្នកស្រីបានត្រឹមតែទប់ទល់ការចំណាយប្រចាំថ្ងៃ ដូចជា ៖ បង់ថ្លៃបន្ទប់់ជួល និងទិញទឹកដោះគោឱ្យកូន តែប៉ុណ្ណោះ។ អ្នកស្រី សុង ភួន បន្តថា នៅពេលថ្ងៃកំណត់មកដល់ អ្នកស្រី នឹងរុះរើចេញតាមការណែនាំរបស់អាជ្ញាធរ ទោះបីមិនទាន់ដឹងច្បាស់ថា នឹងទៅលក់ដូរនៅទីណាបន្តទៀតក៏ដោយនោះ។
![](https://www.kampucheathmey.com/wp-content/uploads/2023/12/២-27-1024x577.jpg)
ចំណែក លោក លី ជុង អ្នកលក់ដូរភេសជ្ជៈ នៅក្បែររបងមន្ទីរពេទ្យកុមារជាតិ ក៏បានប្រាប់ឱ្យកម្ពុជាថ្មីដឹងដូចគ្នាដែរថា មូលហេតុដែលលោកមិនទាន់បានរុះរើចេញតាមថ្ងៃកំណត់ ក៏ព្រោះតែរង់ចាំមើលក្រុមអ្នកលក់ដូរផ្សេងៗទៀតដែរ។ ទន្ទឹមនោះ ក៏ដោយសារតែក្រុមអ្នកលក់ដូរ បានសុំពន្យាពេលរុះរើជាមួយអាជ្ញាធររួចស្រេចហើយ ទើបលោកមិនទាន់រុះរើតុបចេញបែបនេះ។ លោក លី ជុង បញ្ជាក់ថា នៅពេលថ្ងៃកំណត់មកដល់់ លោកនឹងរុះរើចេញតាមការណែនាំរបស់អាជ្ញាធរ ដោយលោកអះអាងថា លោកមានតែតូបតូចមួយ ទោះបីរុះរើ ក៏លឿនជាងតូបផ្សេងៗ នៅម្ដុំរបងមន្ទីរពេទ្យកុមារជាតិនេះផងដែរ។
![](https://www.kampucheathmey.com/wp-content/uploads/2023/12/៨-6-1024x577.jpg)
ជាមួយគ្នានេះ លោក វ៉ាន់ សាធ ជាងប៉ះកង់ម៉ូតូ និងលក់សាំងដប នៅក្បែររបងមន្ទីរពេទ្យកុមារជាតិ ក៏បានប្រាប់ឱ្យកម្ពុជាថ្មីដឹងថា លោកក៏មិនខុសពីអាជីវករ និងអ្នកលក់ដូរ នៅទីនេះដែរ លោកនឹងរុះរើះចេញ ប្រសិនជាថ្ងៃកំណត់មកដល់នោះ។ លោក វ៉ាន់ សាធ បន្ថែមថា មូលហេតុលោកចេះតែបន្តការជួសជុលម៉ូតូ និងលក់ដូរនៅទីនេះបន្ត ដោយសារតែ លោកឃើញថា ក្រុមអាជីរករ និងអ្នកលក់ដូរខ្លះ ក៏មិនទាន់បានរុះរើចេញតាមសេចក្ដីជូនដំណឹងរបស់សាលាខណ្ឌទួលគោក នៅឡើយ ម្ល៉ោះហើយ ទើបលោកនៅតែបន្តការជួសជុលម៉ូតូ និងលក់ដូរសាំងដប បណ្ដោះអាសន្នសិនទៅ។
![](https://www.kampucheathmey.com/wp-content/uploads/2023/12/៧-9-1024x577.jpg)
សូមជម្រាបជូនថា រដ្ឋបាលខណ្ឌទួលគោក កាលពីថ្ងៃទី ១១ ខែធ្នូ បានចេញសេចក្ដីជូនដំណឹងមួយ ដើម្បីឱ្យក្រុមអាជីវករដែលលក់ដូរតាមចិញ្ចើមផ្លូវអមសងខាងរបងមន្ទីរពេទ្យកុមារជាតិរុះរើចេញ ដោយទុករយៈពេលរុះរើចេញត្រឹមតែ ៧ ថ្ងៃ តែប៉ុណ្ណោះ ប៉ុន្តែត្រូវបានក្រុមអាជីវករស្នើសុំពន្យាការរុះរើចេញរហូតទៅដល់ថ្ងៃទី ២១ ខែធ្នូ ឆ្នាំ ២០២៣ ខាងមុខនេះ៕
អត្ថបទ ៖ សួស សិត
![](https://www.kampucheathmey.com/wp-content/uploads/2023/12/៤-18-1024x577.jpg)
![](https://www.kampucheathmey.com/wp-content/uploads/2023/12/១-29-1024x577.jpg)
-
សន្តិសុខសង្គម៥ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+១ សប្តាហ៍ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៥ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៥ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៥ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+២ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ