ព័ត៌មានជាតិ
ប្រើសាច់ពីកសិដ្ឋានផ្ទាល់ខ្លួន សិប្បកម្មសាច់ក្រកមួយកន្លែងផ្គត់ផ្គង់ទីផ្សារវិលជុំបានដល់ ៥០០ គីឡូក្នុងមួយថ្ងៃ
សិប្បកម្មសាច់ក្រក និងសាច់ងៀត លីហួន ហ្វូត ខេត្តសៀមរាប មានតម្រូវការទីផ្សារខ្ពស់ ដែលអាចផ្គត់ផ្គង់វិលជុំបានរហូតដល់ ៥០០គីឡូក្រាម ក្នុងមួយថ្ងៃទៅកាន់អតិថិជនទាំងនៅក្នុងខេត្តសៀមរាប និងតាមបណ្ដាខេត្តនានា។ នេះបើតាមការឲ្យដឹងពីអ្នកស្រី សុង លីហួន ម្ចាស់សិប្បកម្ម។
ថ្លែងមកកាន់ «កម្ពុជាថ្មី» អ្នកស្រី សុង លីហួន បានឲ្យដឹងថា បច្ចុប្បន្ននេះសិប្បកម្មសាច់ក្រក និងសាច់ងៀត អ្នកស្រី មានសមត្ថភាពផ្គត់ផ្គង់ទៅតាមតម្រូវទីផ្សាររបស់អតិថិជន ដោយក្នុងមួយថ្ងៃនាំចេញសាច់ក្រករហូតដល់ ៥០០ គីឡូក្រាម។ លើសពីនេះ សាច់ក្រក់ និងសាច់ងៀត របស់សិប្បកម្ម អ្នកស្រី មិនត្រឹមមានតម្រូវការខ្ពស់ទីផ្សារក្នុងខេត្តប៉ុណ្ណោះ ប៉ុន្តែក៏បានវាយលុកនាំចូលទៅកាន់បណ្ដាខេត្តនានាប្រមាណជា ១៨ខេត្តបន្ថែមទៀតផងដែរ គឺនៅតែ ៥ខេត្តទៀត ដែលផលិតផលរបស់់អ្នកស្រីនៅមិនទាន់បាននាំចូល។
អ្នកស្រី សុង លីហួន បានអះអាងថា សាច់ដែលយកមកកែច្នៃចេញជាសាច់ក្រក និងសាច់ងៀត នៅក្នុងសិប្បកម្មអ្នកស្រីសុទ្ធសឹងជាសាច់សត្វ ដែលបានមកពីក្នុងកសិដ្ឋានខ្លួនឯងផ្ទាល់ មិនមែនជាសាច់នាំចូលឡើយ គឺអាចធានាបានដល់គុណភាព និងសុវត្ថិភាពក្នុងការទទួលទាន។ ហើយបច្ចុប្បន្ន សិប្បកម្ម លីហួន មានកែច្នៃសាច់ក្រកចំនួន ៣ប្រភេទដូចជា សាច់ក្រកជ្រូកពិសេសលេខ ១ សាច់ក្រកគោ និងសាច់ក្រកជ្រូក ក្រៅពីនេះ ក៏នៅមាន សាច់ផាត់ ងៀតគោ ងៀតជ្រូក ជាដើម។ ប៉ុន្តែ ចំណោមផលិតផលទាំងអស់ខាងលើនេះ សាច់ក្រកមានតម្រូវការខ្ពស់ជាងគេនៃការនាំចេញ ក្រៅពីនេះចំពោះសាច់ផាត់ សាច់ងៀត យោងទៅតាមតម្រូវការអតិថិជនជាក់ស្ដែង។
ម្ចាស់សិប្បកម្មរូបនេះ បានរៀបរាប់ថា សាច់ក្រកជ្រូកពិសេសលេខ១ ជាប្រភេទសាច់ក្រក ដែលមានសាច់ច្រើន ខ្លាញ់តិច មានតម្លៃ កន្លះគីឡូ ២ម៉ឺន, សាច់ក្រកជ្រូកលេខ២ សាច់ពាក់កណ្ដាល និងខ្លាញ់ពាក់កណ្ដាល តម្លៃ ១៨០០០រៀល ទម្ងន់កន្លះគីឡូ និងសាច់ក្រកគោ គឺសាច់ក្រកគ្រឿងគល់ស្លឹកគ្រៃ ទម្ងន់កន្លះគីឡូ តម្លៃ ២ម៉ឺនរៀល។ ដោយឡែក សាច់ជ្រូកងៀតវិញ តម្លៃ ១៥០០០រៀល ងៀតឆ្អិត តម្លៃ ២ម៉ឺនរៀល។
ជាមួយគ្នានេះ ពាក់ព័ន្ធការផលិតមុនអាចចេញជាផលិតផលសម្រេច អ្នកស្រី លីហួន បន្តថា «សាច់សត្វមុននាំចេញពីកសិដ្ឋាន យកមកកែច្នៃ ធ្វើជាសាច់ក្រក ឬសាច់ងៀត គឺត្រូវឆ្លងកាត់កុងស៊ី ពេទ្យសត្វត្រួតពិនិត្យរកមេរោគ កន្លែងពិសោធន៍ និងឆ្លងកាត់ម៉ាស៊ីនសម្ងួត ជាដើម។ ក្នុងនោះ សាច់ក្រក យើងត្រូវប្រើពេលផលិតចំនួន ៣ថ្ងៃទើបអាចយកមកលក់បាន ហើយសាច់ផាត់ត្រូវរងចាំជាង ១ថ្ងៃ»។
ទៀតសោត នៅក្នុងការចរាចរណ៍នៅលើទីផ្សារជាច្រើនឆ្នាំមកនេះ «សិប្បកម្ម លីហួត ហ្វូត» តែងតែទទួលបានការសរសើរពីរសជាតិ គុណភាពនៃការវិចខ្ចប់ ព្រមទាំងសុវត្ថិភាព ពីអតិថិជនថា ជាផលិតផលល្អ និងមានទំនុកចិត្តនៅក្នុងការបរិភោគ។
យ៉ាងណាមិញ ម្ចាស់ «សិប្បកម្ម លីហួន ហ្វូត» ក៏បានសំណូមពរដល់ពលរដ្ឋក្នុងស្រុកមេត្តាជួយគាំទ្រផលិតផលដែលផលិតក្នុងស្រុកស្រាប់ដើម្បីអាចជួយជំរុញដល់កភាពមានការងារធ្វើ ជាពិសេសអាចជួយកាត់បន្ថយផលិតផលនាំចូល។ មួយវិញទៀតត្រូវដឹងថា បច្ចុប្បន្នខ្មែរយើងក៏អាចធ្វើបានប្រកបដោយសុវត្ថិភាព រស់ជាតិឆ្ងាញ់ និងបរិភោគដោយទំនុកចិត្តផងដែរ។
គួរបញ្ជាក់ថា សិប្បកម្ម លីហួ ហ្វូត ធ្លាប់ត្រូវបានទទួលស្គាល់ដោយក្រសួងពាណិជ្ជកម្ម ក្រសួងឧស្សាហកម្ម ភូមិមួយផលិតផលមួយ បញ្ជាក់ថាជាសិប្បកម្មកែច្នៃប្រកបដោយគុណភាព សុវត្ថិភាពចំណីអាហារ៕
សមាគមបណ្ណាល័យគំនិតរៀបចំពិព័រណ៌សៀវភៅលើកទី១ នៅរាជធានីភ្នំពេញចុងសប្ដាហ៍នេះ
ក្រុមប្រឹក្សាធុរកិច្ចស្ត្រីហ្វីលីពីន ចាប់អារម្មណ៍វិនិយោគលើវិស័យសក្ដានុពលនៅកម្ពុជា
ក្រសួងការងារបញ្ជាឱ្យក្រុមហ៊ុន៥ចូលខ្លួនមកដោះស្រាយវិវាទការងារឱ្យបានមុនថ្ងៃទី១៤ កុម្ភៈ
ត្រឹមជាង១ឆ្នាំ កីឡាករគុនខ្មែរ៩រូបឈ្នះរង្វាន់រថយន្តថ្មី
យោធាមីយ៉ាន់ម៉ាបណ្ដេញមនុស្ស ៥៦០០០នាក់ចេញ ភាគច្រើនបំផុតជាជនជាតិចិន ពាក់ព័ន្ធការបោកប្រាស់តាមអ៊ីនធឺណិត
បៃដិន ទុកសំបុត្រមួយច្បាប់ឲ្យ ត្រាំ នៅក្នុងថតតុ
អគ្គិភ័យឆេះសណ្ឋាគារសាហាវបំផុតក្នុងប្រវត្តិសាស្រ្តតួកគី, មនុស្សស្លាប់កើនដល់ ៧៦នាក់
ធ្លាក់ព្រឹលខ្លាំងពេក រដ្ឋភាគខាងត្បូងអាមេរិកប្រកាសអាសន្ន ខណៈមនុស្ស២២០លាននាក់រងផលប៉ះពាល់
ទុស្សេខ្សែភ្លើងឆេះផ្ទះជាន់ទី ០២ ខូចខាតសម្ភារៈមួយចំនួនធំ នៅខណ្ឌបឹងកេងកង
ត្រាំ ចេញបញ្ជាដាក់ទោសប្រហារជីវិត អ្នកណាសម្លាប់មន្ត្រី និងជនអន្តោប្រវេសន៍ដែលប្រព្រឹត្តអំពើឧក្រិដ្ឋកម្ម
-
ចរាចរណ៍២ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ៥ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
ព័ត៌មានជាតិ១ សប្តាហ៍ agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
សន្តិសុខសង្គម២ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៦ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៥ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ៦ ថ្ងៃ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ចរាចរណ៍៣ ថ្ងៃ agoសង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់