ព័ត៌មានជាតិ
ខេត្តកែប នឹងរៀបចំកម្មវិធីកម្សាន្តសប្បាយជាច្រើន ដើម្បីទាក់ទាញភ្ញៀវទេសចរ នៅបុណ្យឆ្លងឆ្នាំសកល ខាងមុខ
កាលពីថ្ងៃទី ១៨ ខែធ្នូ ឆ្នាំ ២០២៣ លោក សោម ចិន្តា ប្រធានមន្ទីរទេសចរណ៍ខេត្តកែប ប្រាប់ឲ្យដឹងថា នៅពេលឆ្លងឆ្នាំសកល ២០២៣ ឈានចូលឆ្នាំ ២០២៤ ខាងមុខនេះ រដ្ឋបាលខេត្តកែប នឹងរៀបចំកម្មវិធីកម្សាន្តសប្បាយជាច្រើន ធ្វើឲ្យអធិកអធម ដើម្បីទាក់ទាញភ្ញៀវទេសចរជាតិ-អន្តរជាតិ ឲ្យមកទស្សនាដើរលេងកម្សាន្តនៅខេត្តកែបកាន់តែច្រើន។
លោក សោម ចិន្ដា បានបញ្ជាក់ប្រាប់ឲ្យដឹងថា ខេត្តកែប ជាគោលដៅទេសចរណ៍តំបន់ឆ្នេរដ៏ទាក់ទាញសម្រាប់ភ្ញៀវទេសចរជាតិ និងអន្តរជាតិ ជាទីបំផុត។ នៅក្រោមការដឹកនាំរបស់ លោក សោម ពិសិដ្ឋ អភិបាលខេត្តកែប តែងតែបានយកចិត្តទុកដាក់លើការងារអភិវឌ្ឍន៍ ពិសេសវិស័យទេសចរណ៍ ដែលមកដល់ពេលនេះ កែប មានគោលដៅទេសចរណ៍ទាក់ទាញ និងរមណីយដ្ឋានសរុបចំនួន ៤២ កន្លែង។
លោក សោម ចិន្តា បញ្ជាក់ទៀតថា គ្រាន់តែព្រឹត្តិការណ៍បុណ្យអុំទូក និងបុណ្យសមុទ្រលើកទី ១០ ជុំទី ៣ ដែលទើបនឹងបញ្ចប់ទៅថ្មីៗ នេះ ខេត្តកែប បានទទួលភ្ញៀវមកលេងកម្សាន្តជាង ៣០ ម៉ឺននាក់។ ហើយសម្រាប់ព្រឹត្តិការណ៍បុណ្យឆ្លងឆ្នាំសកលខាងមុខនេះ រដ្ឋបាលខេត្តកែប ក៏មានគម្រោងរៀបចំកម្មវិធីកម្សាន្តសប្បាយជាច្រើនសម្រាប់ទទួលភ្ញៀវទេសចរផងដែរ។
លោកប្រធានមន្ទីរទេសចរណ៍ខេត្តកែប បញ្ជាក់បន្ថែមថា ចំពោះប្រជាពលរដ្ឋ អាជីវករលក់ដូរ នៅផ្សារក្តាម និងតំបន់ឆ្នេរសមុទ្រ មានការយល់ដឹងច្រើន និងអនុវត្តតាមការណែនាំបានល្អ ដោយឆ្លងតាមព្រឹត្តិការណ៍ធំៗ ដែលទើបបញ្ចប់ទៅ ខេត្តកែប មិនមានលេចឮបាតុភាព ឬ បញ្ហាមិនប្រក្រតីណាមួយកើតឡើងទៀតឡើយ។
ដោយឡែក លោក ហឹន ស្រ៊ាង ម្ចាស់រំដួលក្រុងកែបរីស៊ត បានប្រាប់ឲ្យដឹងដែរថា កន្លែងលោក បានបើកដំណើរការជាង ១ ឆ្នាំ ហើយ គឺមាន ១៧ បន្ទប់ តម្លៃចាប់ពី ៣០ ទៅ ៥០ ដុល្លារ ក្នុង ១ យប់(មិនដំឡើងថ្លៃនោះទេ)។ បន្ថែមនោះ កន្លែងលោក ក៏មានអាងហែលទឹក អាចយកចំណីអាហារពីខាងក្រៅចូល ឬ ធ្វើម្ហូបអាហារនៅខាងក្នុងបាន ដោយខាង រីស៊ត នឹងផ្តល់ជូនចង្ក្រានអាំងសាច់ឥតគិតថ្លៃថែមទៀតផងដែរ។ ហើយសម្រាប់ថ្ងៃឆ្លងឆ្នាំសកល ខាងមុខ បន្ទប់របស់លោក ត្រូវបានភ្ញៀវកក់ជិតពេញអស់ហើយ។
លោក ហឹន ស្រ៊ាង ក៏បានថ្លែងអំណរគុណដល់ លោក សោម ពិសិដ្ឋ អភិបាលខេត្តកែប ដែលតែងតែខិតខំអភិវឌ្ឍន៍ និងរៀបចំជាព្រឹត្តិការណ៍ធំៗ ដើម្បីទាក់ទាញទេសចរ បង្កើនចំណូល និងបង្កើតមុខរបរជូនដល់ពលរដ្ឋ៕
អត្ថបទ ៖ សឹង រ៉ាត់
លោក ឈាង រ៉ា អំពាវនាវដល់អង្គការជាតិ និងអន្តរជាតិ បន្តជួយវិស័យសុខាភិបាលសម្រាប់បង្ការការធ្វើអត្តឃាត
តម្លៃប្រេងអន្តរជាតិធ្លាក់ចុះ ជុំវិញគម្រោងបង្កើនផលិតកម្មប្រេងអាមេរិក របស់ ត្រាំ
ខ្យល់ពុលនៅថៃ ធ្ងន់ខ្លាំង ដល់ថ្នាក់ក្រសួងសុំឲ្យប្រជាជនធ្វើការពីផ្ទះ ឯបាងកក ក៏បិទសាលារៀន
ត្រាំ៖ អាមេរិកនឹងដាក់ទណ្ឌកម្មរុស្ស៊ីបន្ថែមទៀត បើ ពូទីន មិនព្រមចូលតុចរចាសន្តិភាព
បុគ្គល៤នាក់ធ្លាប់ដឹកនាំសហព័ន្ធគុនខ្មែរ ខណៈថ្ងៃនេះបោះឆ្នោតប្រធានថ្មី
បៃដិន ទុកសំបុត្រមួយច្បាប់ឲ្យ ត្រាំ នៅក្នុងថតតុ
ចាក់សោផ្ទះទៅផ្សារមួយភ្លែត សង្ស័យឆ្លងចរន្តអគ្គិសនី ឆាបឆេះអស់សម្ភារៈមួយចំនួន
Elon Musk សប្បាយអរជាងគេជាងឯង ពេលឮ ត្រាំ សន្យាដាក់ទង់ជាតិអាមេរិកលើភពអង្គារ
សហភាពអឺរ៉ុបរកឃើញសំណល់ថ្នាំកសិកម្មលើសកម្រិត ក្នុងអង្ករកម្ពុជា ខណៈអង្ករមួយចំនួនត្រូវដឹកត្រឡប់មកវិញ
ធ្លាក់ព្រឹលខ្លាំងពេក រដ្ឋភាគខាងត្បូងអាមេរិកប្រកាសអាសន្ន ខណៈមនុស្ស២២០លាននាក់រងផលប៉ះពាល់
-
ចរាចរណ៍២ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ៥ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
ព័ត៌មានជាតិ១ សប្តាហ៍ agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
សន្តិសុខសង្គម២ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៦ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៥ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ៦ ថ្ងៃ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ព័ត៌មានជាតិ៦ ថ្ងៃ agoអ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ