ព័ត៌មានជាតិ
អ្នកនាំពាក្យ ៖ រោងចក្រសហគ្រាសណាលាក់បាំងបុគ្គលិករបស់ខ្លួន នឹងត្រូវប្រឈមការផាកពិន័យ ឬ ប្ដឹងឡើងតុលាការ
អ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ បានឱ្យដឹងថា រោងចក្រសហគ្រាសទាំងឡាយណាលាក់បាំងបុគ្គលិករបស់ខ្លួន នឹងត្រូវប្រឈមការផាកពិន័យ ឬ អាចឈានដល់បញ្ជូនសំណុំរឿងទៅតុលាការ ដើម្បីចាត់វិធានការតាមផ្លូវច្បាប់។
ការលើកឡើងរបស់អ្នកនាំពាក្យនេះ ធ្វើឡើងបន្ទាប់ពីកន្លងមកមានសហគ្រាស គ្រឹះស្ថាន និងក្រុមហ៊ុនមួយចំនួន មិនបានអនុវត្តកាតព្វកិច្ចរបស់ខ្លួន ដោយបានលាក់ចំនួនបុគ្គលិក ឬ កម្មករ-និយោជិត មិនប្រកាសឈ្មោះមក ប.ស.ស. ដើម្បីស្នើសុំចុះបញ្ជីចូលសមាជិក ប.ស.ស. ជាហេតុធ្វើឱ្យពួកគាត់ទាំងអស់មិនអាចទទួលបានការធានារ៉ាប់រងរបបសន្តិសុខសង្គមផ្នែកថែទាំសុខភាព ផ្នែកហានិភ័យការងារ និងផ្នែកប្រាក់សោធន រួមទាំងអត្ថប្រយោជន៍របបសន្តិសុខសង្គមផ្សេងៗ ជាច្រើនទៀត ដែលផ្ទុយពីច្បាប់ស្ដីពីរបបសន្តិសុខសង្គម។
លោក កត្តា អ៊ន រដ្ឋលេខាធិការ និងជាអ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ បានមានប្រសាសន៍នៅរសៀលថ្ងៃទី ១៩ ធ្នូនេះថា «នៅពេលដែលក្រុមអធិការកិច្ចការងាររកឃើញរោងចក្រសហគ្រាសណាដែលលាក់បាំងបុគ្គលិកវាជារឿងមួយផ្ទុយទៅនឹងច្បាប់ការងារ ធ្វើឱ្យខាតប្រយោជន៍ដល់កម្មករ-និយោជិត ពិសេសការទទួលបានរបបសន្តិសុខសង្គម។ អីចឹងហើយបានជាយើងតែងតែដាក់កំហិត ឬ ពិន័យចំពោះរោងចក្រនោះ ក្នុងករណីយើងដាក់វិន័យហើយរោងចក្រសហគ្រាសនោះមិនព្រមអនុវត្តតាមការណែនាំទៀតនោះ យើងក៏អាចពិចារណានឹងបញ្ជូនសំណុំរឿងទៅតុលាការដោះស្រាយតាមច្បាប់»។
លោកបានបន្តថា ការអនុវត្តតាមផ្លូវច្បាប់ចំពោះក្រុមហ៊ុន សហគ្រាស គ្រឹះស្ថានមិនអនុវត្តតាមច្បាប់ គឺដើម្បីឱ្យបុគ្គលិក ឬ កម្មករ-និយោជិត កំពុងបំពេញការងារក្នុងក្រុមហ៊ុន សហគ្រាស គ្រឹះស្ថានទាំងអស់នោះ ឱ្យទទួលបានការគាំពារពេញលេញ ក្នុងន័យចូលរួមចំណែកកាត់បន្ថយភាពក្រីក្រ និងលើកកម្ពស់ស្ថិរភាពសង្គម។
លោក កត្តា អ៊ន បានលើកឡើងទៀតថា «ខ្ញុំសូមអំពាវនាវដល់រោងចក្រសហគ្រាសទាំងអស់ ត្រូវគោរពច្បាប់ការងារឱ្យបានត្រឹមត្រូវ ដោយត្រូវបំពេញបែបបទ និងចុះបញ្ជិការោងចក្រសហគ្រាស និងចុះបញ្ជិកាកម្មករ-និយោជិតរបស់ខ្លួន ដើម្បីចូលរួមគោរពច្បាប់ការងារ ក៏ដូចជាគិតគូរដល់ផលប្រយោជន៍កម្មករ-និយោជិត ទាំងអស់គ្នា»។
គួរបញ្ជាក់ថា កម្ពុជា មានរោងចក្រសហគ្រាសចំនួន ១៧ ២៥១ រោងចក្រ និងកម្មករ-និយោជិត សរុបចំនួនជិត ១,៥ លាននាក់។ ក្នុងនោះ រោងចក្រសហគ្រាសក្នុងវិស័យវាយនភណ្ឌ,កាត់ដេរ,ផលិតស្បែកជើង និងផលិតផលធ្វើដំណើរ និងកាបូប មានចំនួន ១.៣៣២ រោងចក្រ មានកម្មករនិយោជិតសរុបប្រមាណ ៨៤ ម៉ឺននាក់ ដោយទទួលបានប្រាក់ចំណូលប្រចាំឆ្នាំប្រមាណជិត ៣ ពាន់លានដុល្លារ៕
អត្ថបទ ៖ សំអឿន
រដ្ឋបាលរាជធានី ប្រកាសជ្រើសរើសប្រធានការិយាល័យមួយរូប ដើម្បីសម្រុះសម្រួលបណ្ដឹងក្រៅប្រព័ន្ធតុលាការ
ការផ្សាយថាយុវតីម្នាក់ស្លាប់ព្រោះពត់ធ្មេញ៖ គណៈទន្តពេទ្យកម្ពុជា ចេញមកបញ្ជាក់ថាអ្នកជំងឺស្លាប់ព្រោះជំងឺពីកំណើត
ត្រឹម២ថ្ងៃ នៃការប្រារព្ធពិធីបុណ្យឆ្នេរខ្សាច់ កោះប៉ែនទទួលបានភ្ញៀវទេសចរណ៍ជាតិ និងអន្តរជាតិជាង១១ម៉ឺននាក់
សម្តេចធិបតី កោតសរសើរក្រសួងការងារ និង ភាគីពាក់ព័ន្ធ ដែលខិតខំប្រឹងប្រែងធ្វើឱ្យលេចចេញទារកដ្ឋានក្នុងរោងចក្រ
ស្អែក សម្ដេចធិបតី ហ៊ុន ម៉ាណែត នឹងអញ្ជើញចែកសញ្ញាបត្រដល់និស្សិតវិទ្យាស្ថានវ៉ាន់ដាជាង៤ពាន់នាក់
ត្រាំ៖ ហ្សេលេនស្គី យកលុយពីបៃដិន ស្រួលដូចយកស្ករគ្រាប់ពីកូនក្មេង
លោក ត្រាំ ប្រកាសថា អាមេរិកជិតបើកការផ្ដល់ព័ត៌មានចារកម្មឲ្យអ៊ុយក្រែនវិញហើយ
មន្ទីរគ្រឿងញៀន បំភ្លឺការផ្សព្វផ្សាយលើបណ្ដាញសង្គមពាក់ព័ន្ធការចាប់មនុស្សញាត់ចូលឡាន
កូរ៉េខាងជើងបាញ់មីស៊ីលចូលសមុទ្រលឿង ខណៈអាមេរិក-កូរ៉េខាងត្បូងកំពុងធ្វើសមយុទ្ធ
ការផ្សាយថាយុវតីម្នាក់ស្លាប់ព្រោះពត់ធ្មេញ៖ គណៈទន្តពេទ្យកម្ពុជា ចេញមកបញ្ជាក់ថាអ្នកជំងឺស្លាប់ព្រោះជំងឺពីកំណើត
-
សន្តិសុខសង្គម៧ ថ្ងៃ agoភ្លៀងមួយមេធំ លាយឡំនឹងខ្យល់កន្ត្រាក់ បណ្ដាលឱ្យរលំដើមឈើសង្កត់លើរថយន្តមួយគ្រឿង
-
ជីវិតកម្សាន្ដ១ សប្តាហ៍ agoតារាប្រុសល្បីឈ្មោះក្នុងវិស័យថតស្ពតពាណិជ្ជកម្ម ប៉ែន ចាន់សិទ្ធ ទទួលមរណភាពដោយរាគាពាធ
-
សន្តិសុខសង្គម២ ថ្ងៃ agoអគ្គិភ័យឆេះផ្ទះអាជីវករលក់ដូរនៅក្រុងកំពង់ចាម ១៧ល្វែង សរុបជាទឹកប្រាក់ ជិត២លានដុល្លារ
-
ជីវិតកម្សាន្ដ៧ ថ្ងៃ agoModel ដែលរងសម្តីមិនសមរម្យពី MC កីឡាម្នាក់ ចេញមកតបថា ការសុំទោសនោះមិនពេញលេញ
-
ព័ត៌មានអន្ដរជាតិ៤ ថ្ងៃ agoយន្តហោះចម្បាំងកូរ៉េខាងត្បូង ច្រឡំដៃទម្លាក់គ្រាប់បែក៨គ្រាប់ លើទីតាំងពលរដ្ឋរស់នៅ
-
ព័ត៌មានអន្ដរជាតិ៦ ថ្ងៃ agoឈ្លោះគ្នាពេញសភាស៊ែប៊ី មានទាំងគប់គ្រាប់បែកផ្សែង ធ្វើឲ្យសមាជិកសភាម្នាក់ដាច់សរសៃឈាមខួរក្បាល
-
ព័ត៌មានអន្ដរជាតិ៥ ថ្ងៃ agoអាល្លឺម៉ង់ ប្រកាសថា សព្វាវុធដែលខ្លួនបម្រុងទុកសម្រាប់ជួយអ៊ុយក្រែន គឺយកចេញអស់ពីឃ្លាំងហើយ
-
ចរាចរណ៍១ សប្តាហ៍ agoបុរសម្នាក់ ស្លាប់ភ្លាមៗ ខណៈជិះម៉ូតូឆ្លងផ្លូវត្រូវរថយន្ត ១ គ្រឿង បុកពេញទំហឹង