Connect with us

ព័ត៌មានជាតិ

ប្រមុខរាជរដ្ឋាភិបាល សង្ឃឹមថា វិស័យធនាគារនឹងដើរតួនាទីកាន់តែសំខាន់ នៅពេលចរន្តវិនិយោគ និងពាណិជ្ជកម្ម កើនឡើង

បានផុស

នៅ

សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានលើកឡើងថា ដំណើរការការធ្វើពាណិជ្ជកម្ម និងការវិនិយោគ ត្រូវការការសម្របសម្រួលពីវិស័យធនាគារ ហើយសង្ឃឹមថា វិស័យនេះ នឹងដើរតួនាទីកាន់តែសំខាន់ នៅពេលមានការវិនិយោគ និងការធ្វើពាណិជ្ជកម្ម កើនឡើង។ ការលើកឡើងនេះ ធ្វើឡើងក្នុងពិធីសម្ពោធជាផ្លូវការអគារធនាគារ ( វីង ថៅវ័រ ) សាខាផ្សារថ្មី រាជធានីភ្នំពេញ​ នៅព្រឹកថ្ងៃទី ២០​ ខែធ្នូ ឆ្នាំ ២០២៣នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អំឡុងពេលចូលរួមកិច្ចប្រជុំកំពូល រំឭកខួបអនុស្សាវរីយ៍អាស៊ាន-ជប៉ុន លើកទី ៥០ ចាប់ពីថ្ងៃទី ១៥ ដល់ថ្ងៃទី ១៩ ខែធ្នូ ឆ្នាំ ២០២៣ នៅទីក្រុងតូក្យូ ប្រទេសជប៉ុន សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា, សភាពាណិជ្ជកម្មកម្ពុជា, សមាគមឧកញ៉ា និងអ្នកវិនិយោគកម្ពុជា បានជួបជាមួយវិស័យឯកជនបរទេស ជាពិសេសអ្នកវិនិយោគជប៉ុនតែម្ដង ដើម្បីទាក់ទាញការវិនិយោគ ក៏ដូចជាការបើកទីផ្សារសម្រាប់ការនាំចេញផលិតផលរបស់កម្ពុជា ទៅក្រៅប្រទេស។

សម្ដេចធិបតី ហ៊ុន ម៉ាណែត មានប្រសាសន៍ថា ដើម្បីឲ្យការវិនិយោគ និងការធ្វើពាណិជ្ជកម្ម អាចដំណើរទៅបានអាស្រ័យ ដោយមានការសម្រួលសម្រួលពីវិស័យធនាគារ។ «ខ្ញុំសង្ឃឹមថា ពេលដែលចរន្តនៃវិនិយោគមក ក៏ដូចជាចរន្តពាណិជ្ជកម្មយើងកើន ធនាគារយើងក៏នឹងដើរតួនាទីកាន់តែសំខាន់ ក្នុងការសម្របសម្រួលនូវកិច្ចការងារនេះ»។ នេះជាការលើកឡើងបន្ថែមពីសម្ដេចនាយករដ្ឋមន្ត្រី។

ដើម្បីអាចសម្របសម្រួលបញ្ហាខាងលើនេះ វិស័យធនាគារ ត្រូវតែត្រៀមខ្លួនឲ្យបានល្អ។ ប្រមុខរាជរដ្ឋាភិបាល បាន​កត់សម្គាល់ថា ការបម្រើសេវាកម្មរបស់វិស័យធនាគារ ក្នុងការទូទាត់ប្រាក់ក្នុងប្រទេស អាចស្ថិតក្នុងស្ដង់ដាល្អមួយ តែបើការទូទាត់ប្រាក់ឆ្លងប្រទេស ឬការធ្វើពាណិជ្ជកម្មក្រៅប្រទេស ត្រូវបង្កើនកម្រិតស្ដង់ដាមួយកម្រិតទៀត។

នៅពេលមានការធ្វើពាណិជ្ជកម្ម និងការវិនិយោគកាន់តែកើនឡើងនោះ ក៏អាចជាឱកាសសម្រាប់វិស័យធនាគារ និង​ហិរញ្ញវត្ថុ ពង្រឹង និងពង្រីកសេវាកម្មរបស់ខ្លួន ឲ្យកាន់តែល្អប្រសើរឡើងថែមទៀត។ នេះជាការបង្ហាញក្ដីសង្ឃឹមរបស់សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៦ ម៉ោង មុន

រដ្ឋមន្ត្រីសុខាភិបាល និងរដ្ឋមន្ត្រីការងារ ស្នើឱ្យកម្មករ និងពលរដ្ឋឈប់ពិសាភេសជ្ជៈផ្អែមប៉ូវកម្លាំង

ព័ត៌មានជាតិ៧ ម៉ោង មុន

អ្នក​រងរបួស​ដោយ​អគ្គិភ័យ ឆេះ​ក្លិប​កម្សាន្ដ មីតណាយព្រីមៀរ ៥នាក់ ទទួល​បាន​ថវិកា​ពី​អភិបាល​រាជធានីភ្នំពេញ

ព័ត៌មានជាតិ៨ ម៉ោង មុន

បុរសធ្លាប់ជាប់ពន្ធនាគារព្រោះកូនឆ្កែ បានក្លាយជាម្ចាស់ហាងនំប៉័ង ព្រោះទឹកចិត្តសណ្ដោសរបស់សម្ដេចតេជោ

ព័ត៌មានជាតិ៨ ម៉ោង មុន

ពលរដ្ឋកម្ពុជា​ថ្កោលទោស ស៊ន តារា ដែល​កំពុង​វង្វេង​ប្រវត្តិសាស្រ្ត​ដោយលើកឡើងថា “អាមេរិក​មិន​ដែល​ទម្លាក់​គ្រាប់​បែក​សម្លាប់​ខ្មែរ”

ព័ត៌មានជាតិ១០ ម៉ោង មុន

អ្នកនាំពាក្យ ថា មានអ្នកជាប់កាតព្វកិច្ច៧រូបមិនទាន់មកប្រកាសទ្រព្យសម្បត្តិ និងបំណុល

Sokha Hotels

ព័ត៌មានពេញនិយម