ព័ត៌មានជាតិ

មន្ត្រី ក.ប.ប ដុតកម្ទេចចោលសាច់បង្កក មើមខ្ញី និង ខ្ញីហាន់ ខូចគុណភាព លាយសារធាតុគីមី ជាង ២ ពាន់គីឡូក្រាម

បានផុស

១ year មុន

នៅ

ថ្ងៃពុធ ២០ ធ្នូ ២០២៣

ដោយ

កាលពីរសៀលថ្ងៃទី ១៨ ខែធ្នូ ឆ្នាំ ២០២៣ មន្ត្រីសាខា ក.ប.ប រាជធានីភ្នំពេញ បានដុតកម្ទេចចោលសាច់បង្កក មើមខ្ញី និងខ្ញីហាន់ ខូចគុណភាព និងមានលាយសារធាតុគីមី ប្រមាណជាង ២ ពាន់គីឡូក្រាម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោមការចង្អុលបង្ហាញពីសំណាក់ លោក ផាន អូន ប្រតិភូរាជរដ្ឋាភិបាល ទទួលបន្ទុកជាអគ្គនាយក នៃអគ្គនាយកដ្ឋាន ក.ប.ប មន្ត្រីសាខា ក.ប.ប រាជធានីភ្នំពេញ បានប្រារព្ធពិធីដុតកម្ទេចចោលសាច់បង្កក មើមខ្ញី និងខ្ញីហាន់រួច ខូចគុណភាព កង្វះអនាម័យ មិនអនុលោមតាមបទប្បញ្ញត្តិបច្ចេកទេស និងមានការត្រាំនូវសារធាតុគីមី Sodium Hydrosulfite ដែលមន្ត្រីជំនាញបង្ក្រាបបាន នាពេលថ្មីៗនេះ។

បើតាមមន្ត្រីជំនាញ ផលិតផលដែលត្រូវបានបំផ្លាញចោលទាំងនោះរួមមាន ៖ សាច់បង្កកខូចគុណភាព ចំនួន ២,២២៨ គីឡូក្រាម និង មើមខ្ញី ខ្ញីហាន់ត្រាំ (មានផ្ទុកសារធាតុគីមីហាមឃាត់ Sodium Hydrosulfite) ចំនួន ១០ ការុង ស្មើនឹង ១៧០ គីឡូក្រាម។

គួរជម្រាបថា ក្នុងពិធីដុតកម្ទេចចោលសាច់បង្កក មើមខ្ញី និងខ្ញីហាន់រួច ខូចគុណភាព កង្វះអនាម័យ មិនអនុលោមតាមបទប្បញ្ញត្តិបច្ចេកទេស និងមានការត្រាំនូវសារធាតុគីមី Sodium Hydrosulfite នេះ ក៏មានការសម្របសម្រួល និងចូលរួមពីអាជ្ញាធរដែនដី និងការិយាល័យនគរបាលប្រឆាំងបទល្មើសសេដ្ឋកិច្ច នៃស្នងការដ្ឋាននគរបាលរាជធានីភ្នំពេញ ផងដែរ៕

អត្ថបទ ៖ ពិសី