ឆ្មាំទន្លេចុះល្បាត ដកហូតមង​ជាង ១ ម៉ឺនម៉ែត្រដុតបំផ្លាញចោល

​ឆ្មាំទន្លេអភិរក្សសត្វផ្សោតប៉ុសិ៍ត្បូងខ្លា ប៉ុស្តិ៍កោះជ្រឹម ប៉ុស្តិ៍សៀមបូក និងប៉ុស្ត៍កោះសំពាយ សហការ​ជាមួយសហគមន៍នេសាទកោះសំពាយ ស្រែក្រសាំង កោះព្រះ កោះជ្រឹម អូរម្រះ អូរច្រឡង់ និងភ្ជុល ចុះល្បាតចាប់ពីកន្ទុយកោះសន្ទុករហូត​ដល់ភូមិអូរច្រឡង់ព្រំប្រទល់ខេត្តក្រចេះ ប្រមូលវត្ថុតាមខុសច្បាប់ក្នុងដងទន្លេបានជាច្រើនប្រភេទដុតកម្ទេចចោល។

កម្លាំងឆ្នាំទន្លេបានឲ្យដឹងថា កម្លាំងចម្រុះបានចុះល្បាតចាប់ពីថ្ងៃទី ១៩ ដល់ថ្ងៃទី ២១ ខែធ្នូ ចេញពីចំណុចស្រុកសំបូកតាមដងទន្លេមេគង្គរហូតទៅដល់ព្រំប្រទល់ខេត្តក្រចេះ។ ក្នុងប្រតិបត្តិការនេះយើងឃើញមានឧបករណ៍នេសាទល្មើសច្បាប់ជាច្រើននៅតាមអន្លង់អភិរក្សត្រីមេពូជ។

លោកប្រធានសហគមន៍នេសាទបានឱ្យដឹងដែរថា៖ មិនថាដល់រដូវបើកនេសាទ ឬបិទនេសាទនោះទេ ដើម្បីការពារត្រីមេពូជ កម្លាំងចម្រុះខាងលើនៅតែបន្តការការពារប្រើទាំងកម្លាំងកាយកម្លាំងចិត្តមិនថា ពេលយប់ឬថ្ងៃទេ បានប្រឹងប្រែងការពារធនធានជលផលឲ្យបានកាន់តែប្រសើរជាងនេះបន្តទៀត។

លោកបន្តថា នៅក្នុងប្រតិបត្តិការនេះយើងបានដកហូតមងខុសច្បាប់ក្នុងអន្លង់អភិរក្សចំនួន ១៤៣ ត្បូង ប្រវែងជាង ១ ម៉ឺនម៉ែត្រ (១១៤​ ៤០) និងដកហូតសន្ទូចចំនួន ១០៧ ខ្សែ ប្រវែង ១២៨ ៨៤ ម៉ែត្រ ស្មើនឹង ១២០0 ផ្លែ។ បច្ចុប្បន្នវត្ថុតាងដែលប្រមូលបានត្រូវបានកម្លាំងចម្រុះធ្វើការដុតកម្ទេចចោល៕

អត្ថបទ៖ ងិនលីម