ព័ត៌មានជាតិ
រដ្ឋបាលជលផលកំពង់ចាម បន្តចុះបង្ក្រាបបទល្មេីសនេសាទក្នុងស្រុកកំពង់សៀម
ខណ្ឌរដ្ឋបាលជលផលកំពង់ចាម សហការជាមួយកងកម្លាំងសមត្ថកិច្ច បន្តចុះបង្ក្រាបបទល្មេីសនេសាទក្នុងភូមិសាស្ត្រស្រុកកំពង់សៀម ខេត្តកំពង់ចាម ២កន្លែងនារដូវត្រីពងកូន។

ដោយសារមានការចង្អុលបង្ហាញពី លោក អ៊ុន ចាន់ដា អភិបាលខេត្តកំពង់ចាម នៅថ្ងៃទី ២០ ខែធ្នូ ឆ្នាំ ២០២៣ ខណ្ឌរដ្ឋបាលជលផលកំពង់ចាម ដឹកនាំកម្លាំងដោយ លោក អ៊ុក ណារិន នាយខណ្ឌជលផលកំពង់ចាម បានសហការជាមួយអាជ្ញាធរស្រុកកំពង់សៀម កម្លាំងប៉ុស្តិ៍ និងដោយមានការអនុញ្ញាតពី លោក វង្ស ប៊ុនវិសុទ្ធ ព្រះរាជអាជ្ញាអយ្យការអមសាលាដំបូងខេត្តកំពង់ចាម បានបន្តចុះទប់ស្កាត់ និងបង្រ្កាបបទល្មើសជលផលបានចំនួន២ករណី។

លោក អ៊ុក ណារិន នាយខណ្ឌជលផលកំពង់ចាម បានបញ្ជាក់ឲ្យដឹងថា ជាលទ្ធផល ក្នុងប្រតិបត្តិការ បង្ក្រាបនេះដែរ កម្លាំងសមត្ថកិច្ចបានធ្វេីការរុះរើ និងកាត់បំផ្លាញចោលវត្ថុតាងនៃបទល្មើសជលផលនៅនឹងកន្លែង។ ក្នុងនោះ មានការបង្ក្រាបនៅចំណុចវាកកន្ទិល ឃុំហាន់ជ័យ ស្រុកកំពង់សៀម រួមមានឧបករណ៍លូស្បៃមុងចំនួន២០មាត់ធំៗ របាំងស្បៃមុងចំនួន៤កន្លែងសរុបប្រវែង៦០០ម៉ែត្របង្គោលចម្រឹងចំនួន៥០០ដេីម និងធ្វេីការប្រលែងកូនត្រីចម្រុះ៣០គីឡូក្រាម។ ដោយឡែក នៅចំណុចប្រឡាយកំពឹស ឃុំកៀនជ្រៃ ស្រុកកំពង់សៀម កងកម្លាំងជំនាញ បានធ្វេីការបង្ក្រាបបទល្មេីសនេសាទរួមមាន៖ លូស្បៃមុងចំនួន១៩មាត់ធំៗ របាំងស្បៃមុងប្រវែង៥៧០ម៉ែត្រ បង្គោលចម្រឹងចំនួន៤៧៥ដេីម និងប្រលែងកូនត្រីចំរុះទម្ងន់២២គីឡូ ។

លោក អ៊ុក ណារិន នាយខណ្ឌជលផលកំពង់ចាម បានបញ្ជាក់ឲ្យដឹងថា កងកម្លាំងសមត្ថកិច្ចអនុវត្តដោយគ្មានការលេីកលែងចំពោះបុគ្គលដែលប្រព្រឹត្តខុសច្បាប់ ហេីយជំនាញក៏អំពាវនាវបន្ថែមដល់ប្រជានេសាទដែលរស់នៅតាមតំបន់ទន្លេ បឹង បួរ ព្រែក និងប្រភពត្រីពង សូមកុំប្រេីប្រាស់ឧបករណ៍នេសាទខុសច្បាប់ និងធ្វេីយ៉ាងណាថែរក្សាតំបន់ជំរកត្រីពងកូនព្រមទាំងរួមគ្នានេសាទឲ្យបានត្រឹមត្រូវទៅតាមច្បាប់ជលផលដែលបានកំណត់។ ប្រជានេសាទក៏បានសំណូមដល់អភិបាលខេត្ត មេត្តាជួយបង្ក្រាបកន្លែងល្មេីសច្បាប់នេសាទឱ្យអស់ផង ព្រោះប្រជានេសាទជាលក្ខណៈគ្រួសារសឹងរកត្រីហូបមិនបានទេ បើនេសាទតាមប្រពៃណី ៕
អត្ថបទ៖ ឡេក ចាន់ពេជ្រ

-
ព័ត៌មានជាតិ៣ ថ្ងៃ ago
ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ៧ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៣ ថ្ងៃ ago
និស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានអន្ដរជាតិ២ ថ្ងៃ ago
មីយ៉ាន់ម៉ា៖ ក្រុមសង្គ្រោះតួកគី ជួយជីវិតបុរសម្នាក់ ក្រោយជាប់ក្រោមគំនរបាក់បែក៥ថ្ងៃ
-
សន្តិសុខសង្គម១ សប្តាហ៍ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ចរាចរណ៍៣ ថ្ងៃ ago
រថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល
-
ព័ត៌មានជាតិ១ សប្តាហ៍ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
សន្តិសុខសង្គម៣ ថ្ងៃ ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់