Connect with us

ព័ត៌មានជាតិ

សម្តេច ហ៊ុន ម៉ាណែត តែងតែឆ្លៀតពេលជួបវិស័យឯកជន នៅពេលចេញទៅក្រៅប្រទេសម្ដងៗ ដើម្បីទាក់ទាញវិនិយោគ

បានផុស

នៅ

សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានថ្លែងឲ្យដឹងថា សម្ដេច តែងតែឆ្លៀតពេលជួបដោយផ្ទាល់ជាមួយវិស័យឯកជន នៅពេលចេញទៅក្រៅបំពេញបេសសកម្មនៅក្រៅប្រទេស ម្ដងៗ។ ការថ្លែងបែបនេះ បានធ្វើឡើងក្នុងពិធីបិទសន្និបាតបូកសរុបលទ្ធផលការងារពាណិជ្ជកម្ម ឆ្នាំ ២០២៣ និងទិសដៅការងារពាណិជ្ជកម្ម ឆ្នាំ ២០២៤ របស់ក្រសួងពាណិជ្ជកម្ម នាល្ងាចថ្ងៃទី ២២ ខែធ្នូនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងពិធីនេះ សម្ដេចធិបតី ហ៊ុន ម៉ាណែត បានណែនាំដល់រដ្ឋមន្ត្រីដែលអមដំណើរសម្ដេច ទៅបំពេញបេសសកម្មនៅក្រៅប្រទេសទាំងអស់ ត្រូវឆ្លៀតពេញជួបជាមួយមន្ត្រីតាមបណ្ដាប្រទេសនានា ក៏ដូចជាអ្នកវិនិយោគបរទេស ដើម្បីចរចាស្វែងរកទីផ្សារលក់ផលិតផល ក៏ដូចជាទាក់ទាញអ្នកវិនិយោគឲ្យមកវិនិយោគនៅកម្ពុជា ផងដែរ។

សម្ដេចនាយករដ្ឋមន្ត្រី បានបន្ថែមថា «ដើរគោះទ្វារ! ដើរគោះទ្វារ បានន័យថា ដើរទៅជួបផ្ទាល់ ដើរទៅចរចាផ្ទាល់ ចឹងបានរាល់កិច្ចការងារ ឥឡូវខ្ញុំចេញទៅក្រៅប្រទេសប្រាប់ថា ទាក់ម៉ូយនេះ ក្រៅពីរៀបចំវេទិកាធុរកិច្ច ដែលយើងផ្ដោតទៅលើសេដ្ឋកិច្ច ជាមួយនឹងវិស័យឯកជននៅតាមប្រទេសនីមួយៗ ច្រើនក្រុមហ៊ុន ខ្ញុំតែងតែដាក់កម្មវិធីជាប់ជាប្រចាំ»។

ទោះបីជាជួបពិភាក្សារយៈពេលខ្លីក៏ដោយ ក៏សម្ដេចតែងតែដាក់កម្មវិធី ដើម្បីជួបជាមួយបណ្ដាក្រុមហ៊ុន និងអ្នកវិនិយោគនានា។ «កន្លះម៉ោងក៏ដោយ ១៥នាទីក៏ដោយ តពីព្រឹកទល់យប់ៗ ដើម្បីជួបផ្ទាល់ជាមួយនឹងក្រុមហ៊ុន ដែលមានសក្ដា​នុពល ព្រោះបើយើងមិនជួប មិនលើកទឹកចិត្ត គាត់ទៅស្ដាប់នៅក្នុងវេទិកាល្អ ប៉ុន្តែអ្នកខ្លះអត់ចាប់អារម្មណ៍ទេ ចឹងយើងត្រូវតែដើរជួប»។

ជាការកត់សម្គាល់ សម្ដេចធិបតី ហ៊ុន ម៉ាណែត ជារឿយៗតែងតែលើកឡើងថា សម្រាប់ការចេញទៅបំពេញបេសសកម្មនៅក្រៅប្រទេស ចំណុចសំខាន់ជាងគេគឺការប្រឹងប្រែងដើរទាក់ម៉ូយ ដើម្បីស្វែងរកទីផ្សារលក់ផលិតផលរបស់កម្ពុជា និងដើម្បីទាក់ទាញអ្នកវិនិយោគ។

ជាក់ស្ដែង ក្នុងពេលចេញទៅចូលរួមក្នុងកិច្ចប្រជុំកំពូលជប៉ុន-អាស៊ាន កាលពីពេលថ្មីៗនេះ សម្ដេចធិបតី ហ៊ុន ម៉ាណែត បានឆ្លៀតពេលជួបជាមួយម្ចាស់ក្រុមហ៊ុនរបស់ជប៉ុនជាច្រើន ដើម្បីបង្ហាញការសក្តានុពល ឲ្យក្រុមហ៊ុនទាំងនោះមក​វិនិយោគនៅកម្ពុជា៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៨ ម៉ោង មុន

រដ្ឋមន្ត្រីសុខាភិបាល និងរដ្ឋមន្ត្រីការងារ ស្នើឱ្យកម្មករ និងពលរដ្ឋឈប់ពិសាភេសជ្ជៈផ្អែមប៉ូវកម្លាំង

ព័ត៌មានជាតិ៩ ម៉ោង មុន

អ្នក​រងរបួស​ដោយ​អគ្គិភ័យ ឆេះ​ក្លិប​កម្សាន្ដ មីតណាយព្រីមៀរ ៥នាក់ ទទួល​បាន​ថវិកា​ពី​អភិបាល​រាជធានីភ្នំពេញ

ព័ត៌មានជាតិ៩ ម៉ោង មុន

បុរសធ្លាប់ជាប់ពន្ធនាគារព្រោះកូនឆ្កែ បានក្លាយជាម្ចាស់ហាងនំប៉័ង ព្រោះទឹកចិត្តសណ្ដោសរបស់សម្ដេចតេជោ

ព័ត៌មានជាតិ១០ ម៉ោង មុន

ពលរដ្ឋកម្ពុជា​ថ្កោលទោស ស៊ន តារា ដែល​កំពុង​វង្វេង​ប្រវត្តិសាស្រ្ត​ដោយលើកឡើងថា “អាមេរិក​មិន​ដែល​ទម្លាក់​គ្រាប់​បែក​សម្លាប់​ខ្មែរ”

ព័ត៌មានជាតិ១២ ម៉ោង មុន

អ្នកនាំពាក្យ ថា មានអ្នកជាប់កាតព្វកិច្ច៧រូបមិនទាន់មកប្រកាសទ្រព្យសម្បត្តិ និងបំណុល

Sokha Hotels

ព័ត៌មានពេញនិយម