កងទ័ពអាវសចាប់ផ្តើមទទួលបានការចាក់វ៉ាក់សាំងកូវីដ១៩

មន្ទីរពេទ្យកុមារជាតិបានចាក់វ៉ាក់សាំងកូវីដ១៩ដល់បុគ្គលិកពេទ្យរបស់ខ្លួនហើយនៅថ្ងៃទី១១ខែកម្ភៈឆ្នាំ២០២១នេះបន្ទាប់ពីមានការអនុញ្ញាតពីក្រសួងសុខាភិបាល។

លោក សាស្ត្រាចារ្យ ញឹប អង្គាបុស្ស នាយកមន្ទីរពេទ្យកុមារជាតិបានឲ្យដឹងនៅថ្ងៃទី១១ ខែកុម្ភៈនេះថា បន្ទាប់ពីទទួលបានការអនុញ្ញាតពីលោកសាស្ត្រាចារ្យម៉ម ប៊ុនហេងរដ្ឋមន្ត្រីក្រសួងសុខាភិបាលបានណែនាំឲ្យចាក់វ៉ាក់សាំងកូវីដ១៩ដល់បុគ្គលិកសុខាភិបាលរួចមកមន្ទីរពេទ្យបានចាប់ផ្តើមចាក់ដល់បុគ្គលិកពេទ្យជាបណ្តើរៗ។

លោកសាស្ត្រាចារ្យបានបន្តទៀតថាយ៉ាងណាក៏ដោយមន្ទីរពេទ្យក៏នៅបន្តទទួលចាក់វ៉ាក់សាំងដល់អ្នកសារព័ត៍មានដដែលទេ។

ជាក់ស្តែងនៅព្រឹកនេះមានអ្នកសារព័ត៍មានប្រមាណ៥ទៅ៦នាក់ក្នុងចំណោម៦២នាក់ស្រី១៤នាក់បានមកចាក់វ៉ាក់សាំងកូវីដ១៩។ ក្រៅពីនេះជាបុគ្គលិកពេទ្យកុមារជាតិ។

លោកសាស្ត្រាចារ្យបានបន្តថាក្នុងចំណោម៦២នាក់ដែលបានមកចុះឈ្មោះចាក់វ៉ាក់សាំងកូវីដ១៩នោះមានតែ៤៥នាក់ប៉ុណ្ណោះស្រី៧នាក់ទទួលបានការចាក់វ៉ាក់សាំង។ ចំណែកចំនួន១៧នាក់ទៀតស្រីទាំងអស់មិនបានចាក់ទេដោយសារបញ្ហាសុខភាព។

លោកសាស្ត្រាចារ្យបានបន្ថែមថាកាលពីថ្ងៃទី១០កុម្ភៈមានអ្នកសារព័ត៍មានប្រមាណ៥០នាក់បានមកចាក់វ៉ាក់សាំងនៅមន្ទីរពេទ្យកុមារជាតិ។ក្នុងនោះអ្នកដែលអាចចាក់វ៉ាក់សាំងបានមានចំនួនជាង៤០នាក់ហើយក្រៅពីនេះមិនអាចទទួលការចាក់បានទេដោយសារបញ្ហាសុខភាព។

លោកស្រី វេជ្ជបណ្ឌិត  ឱ  វណ្ណឌីនរដ្ឋលេខាធិការ និងជាអ្នកនាំពាក្យក្រសួងសុខាភិបាលបានឲ្យដឹងថាថ្ងៃទី១០កម្ភៈម្សិលមិញមានអ្នកមកចាក់វ៉ាក់សាំងកូវីដ១៩ចំនួន៤២៥នាក់ស្រី  ១០៤នាក់។

ក្នុងនោះអ្នកបានចាក់វ៉ាក់សាំងរួចចំនួន៣៣៩នាក់ស្រី  ៧៥នាក់។ចំណែកអ្នកដែលគ្រូពេទ្យមិនអនុញ្ញាត្តឲ្យចាក់ចំនួន៨៦នាក់ស្រី  ២៩នាក់។ ថ្លែងប្រាប់កម្ពុជាថ្មីនៅថ្ងៃនេះ លោក ជំទាវ ឱ វណ្ណឌីន បានប្រាប់ថា ទីតាំងចាក់វ៉ាក់សាំង ទាំង ៤ នៅដំណើរការធម្មតានៅថ្ងៃនេះ៕

អត្ថបទ៖សំអឿន