ព័ត៌មានជាតិ
ទូតរុស្ស៊ី៖ ទោះរងទណ្ឌកម្ម តែរុស្ស៊ីនៅតែរក្សាបានលំនឹងសេដ្ឋកិច្ចរបស់ខ្លួន
ឯកអគ្គរដ្ឋទូតរុស្ស៊ីប្រចាំនៅកម្ពុជា អះអាងថា ទោះបីជារងការដាក់ទណ្ឌកម្មប្រឆាំងរុស្ស៊ីជុំវិញជម្លោះនៅអ៊ុយក្រែនពីបណ្ដាប្រទេសធំៗជាច្រើន ជាពិសេសលោកខាងលិចក៏ដោយ តែរុស្ស៊ី នៅតែជាប្រទេសដែលរក្សាបាននូវលំនឹងសេដ្ឋកិច្ច រហូតជាប់ចំណាត់ថ្នាក់ទី៥ លើពិភពលោកទាក់ទងនឹងយុគភាពអំណាចទិញ។
![](https://www.kampucheathmey.com/wp-content/uploads/2023/12/DSC08584-1-edited-scaled.jpg)
ក្នុងសន្និសីទកាសែត នៅថ្ងៃទី២៦ ខែធ្នូ ឆ្នាំ២០២៣នេះ លោក អាណាតូលី បូរ៉ូវីក ឯកអគ្គរដ្ឋទូតរុស្ស៊ីប្រចាំនៅកម្ពុជា បានថ្លែងថា ក្នុងបរិបទពិភពលោកសព្វថ្ងៃ រុស្ស៊ី កំពុងបន្តអភិវឌ្ឍន៍កិច្ចសហប្រតិបត្តិការជាមួយដៃគូនានា រួមទាំងបន្តការងារក្នុងវេទិកាពហុភាគីជាច្រើន ជាអាទិ៍ សហភាពសេដ្ឋកិច្ចអឺរ៉ាស៊ី អង្គការនៃសន្ធិសញ្ញាសន្តិសុខសមូហភាព សហគមន៍រដ្ឋឯករាជ្យ អង្គការសហប្រតិបត្តិការសៀងហៃ វេទិកា BRICS ក្រុមប្រទេស G20 យន្តការអាស៊ាន អង្គការសហប្រជាជាតិ និងវេទិកាផ្សេងៗទៀត។
បើតាមការអះអាងរបស់លោកកអគ្គរដ្ឋទូតរុស្ស៊ី ផលិតផលក្នុងស្រុកសរុបនៃបណ្តាប្រទេសជាសមាជិក BRICS តាម យុគភាពអំណាចទិញ ក្នុងឆ្នាំ២០២១ បានលើសបណ្តាប្រទេសក្រុម G7។ ទោះបីជាមានទណ្ឌកម្មក៏ដោយ ប្រទេសរុស្ស៊ី បានឡើងដល់ចំណាត់ថ្នាក់ទី៥ នៅលើពិភពលោកទាក់ទងនឹងយុគភាពអំណាចទិញ ដែលមានទំហំទឹកប្រាក់ប្រមាណ ៥.៣៣ ទ្រីលានដុល្លារ។
![](https://www.kampucheathmey.com/wp-content/uploads/2023/12/DSC08572-edited-scaled.jpg)
មន្ត្រីការទូតរុស្ស៊ីរូបនេះ បញ្ជាក់ថា បណ្តាប្រទេសដែលបានប្រឆាំងនឹងរុស្ស៊ី កំពុងព្យាយាមប្រើមធ្យោបាយគ្រប់បែបយ៉ាង ដើម្បីធ្វើយ៉ាងណាឱ្យប្រទេសរុស្ស៊ី នៅភាពឯកោ ប៉ុន្តែផ្ទុយទៅវិញ បំណងរបស់បណ្ដាប្រទេសទាំងនេះ ត្រូវបានបរាជ័យ ដោយសមាហរណកម្មនៅក្នុងក្របខ័ណ្ឌនៃសហភាពសេដ្ឋកិច្ចអឺរ៉ាស៊ី ដែលរុស្ស៊ីធ្វើជាប្រធាន នៅឆ្នាំ២០២៣នេះ កំពុងមានលក្ខណៈកាន់តែស៊ីជម្រៅ។ លោក បានបន្តថា រុស្ស៊ីបានយកចិត្តទុកដាក់យ៉ាងខ្លាំងចំពោះទំនាក់ទំនងជាមួយគ្រប់ប្រទេសទាំងអស់នៃតំបន់អឺរ៉ាស៊ី ដើម្បីការបង្កើតមហាលំហរអឺរ៉ាស៊ី។
បើតាមលោក អាណាតូលី បូរ៉ូវីក ឯកអគ្គរដ្ឋទូតរុស្ស៊ីប្រចាំនៅកម្ពុជា ក្នុងឆ្នាំ២០២៤ រុស្ស៊ី នឹងក្លាយជាប្រធាន BRICS ដែលក្រុមប្រទេស BRICS គឺជាផ្នែកមួយនៃសសរស្ដម្ភគាំទ្រនៃសណ្ដាប់ធ្នាប់ពិភពលោកពហុប៉ូល ដែលកំពុងត្រូវបានបង្កើតឡើង ហើយរុស្ស៊ី នឹងជួយសម្រួលដល់ការធ្វើសមាហរណកម្មដោយរលូននៃអ្នកចូលរួមថ្មីទៅក្នុងរចនាសម្ព័ន្ធការងាររបស់ BRICS នេះ៕
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម១ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ១ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៥ ថ្ងៃ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ១ សប្តាហ៍ ago
ជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៦ ថ្ងៃ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៦ ថ្ងៃ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ជីវិតកម្សាន្ដ៥ ថ្ងៃ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៥ ថ្ងៃ ago
ធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?