ព័ត៌មានជាតិ
កម្មវិធី CP x Makro Food Festival 2023 បង្ហាញពីសារៈសំខាន់ នៃសុវត្ថិភាពចំណីអាហារ ចំពោះអ្នកបរិភោគនៅកម្ពុជា
កាលពីថ្ងៃទី២២ ខែធ្នូ ឆ្នាំ២០២៣ ក្រុមហ៊ុន ស៊ី.ភី. ខេមបូឌា ដែលជាក្រុមហ៊ុនកសិ-ឧស្សាហកម្ម និងអាហារ ឈានមុខគេ និងផ្សារម៉ាក្រូ ខេមបូឌា (មជ្ឈមណ្ឌលលក់ដុំសម្រាប់ប្រតិបត្តិការរអាជីវកម្មអាជីព) បានសហការគ្នារៀបចំកម្មវិធី «CP x Makro Food Festival 2023» ដើម្បីចែករំលែកចំណេះដឹងទាក់ទងនឹងសុវត្ថិភាព និងស្តង់ដារចំណីអាហារនៅកម្ពុជា។
លោកវេជ្ជបណ្ឌិត Poohrich Sinwat អនុប្រធានចាត់ការទូទៅការិយាល័យការអភិវឌ្ឍយុទ្ធសាស្ត្រអាជីវកម្ម និងទីផ្សារបានមានប្រសាសន៍ថា ៖« អាហារដើរតួនាទីយ៉ាងសំខាន់ក្នុងជីវិតរស់នៅរបស់យើង ការទទួលទានអាហារមានគុណភាពល្អ រួមចំណែកធ្វើឱ្យយើងមានសុខភាពល្អ និងធ្វើឱ្យជីវិតកាន់តែប្រសើរ»។
«ដូច្នេះហើយទើបក្រុមហ៊ុន ស៊ី.ភី. និងផ្សារម៉ាក្រូ បានសហការគ្នារៀបចំកម្មវិធី «CP x Makro Food Festival 2023» នេះឡើង ដើម្បីឱ្យអតិថិជនកម្ពុជាទទួលបានអាហារដែលមានគុណភាពល្អ ជាមួយនឹងស្តង់ដារលំដាប់ពិភពលោកពីក្រុមហ៊ុន ស៊ី.ភី. ជាមួយនឹងពាក្យស្លោក«អាហារសុវត្ថិភាព ជឿជាក់លើ ស៊ី.ភី. »។ ក្រុមហ៊ុនស៊ី.ភី. បាននាំមកនូវផលិតផលអាហារដែលមានអនាម័យខ្ពស់ដូចជា សាច់ជ្រូកអនាម័យ សាច់មាន់ ហតដក និងស៊ុតដែលមានលក់នៅផ្សារម៉ាក្រូ» លោកវេជ្ជបណ្ឌិត Poohrich បានថ្លែង។
នៅក្នុងសុន្ទរកថាបើកកម្មវិធី លោក Piyapat Wongsree ជំនួយការនាយករងអាជីវកម្មលក់ជ្រូកបំណែកក្រុមហ៊ុនស៊ី.ភី. ខេមបូឌា បានមានប្រសាសន៍ថា៖ «បច្ចុប្បន្ននេះ យើងឃើញថាអាហារគ្មានអនាម័យជាច្រើន ជាពិសេសផលិតផលនាំចូលដែលមិនមានប្រភពច្បាស់លាស់ និងគ្មានការធានាគុណភាព ដាក់លក់នៅក្នុងប្រទេសកម្ពុជា។ កត្តានេះបង្កជាផលប៉ះពាល់ដល់សុខភាព និងធ្វើឱ្យប៉ះពាល់ដល់អាជីវកម្មកសិ-ពាណិជ្ជកម្ម នៅក្នុងម៉ាក្រូសេដ្ឋកិច្ចរបស់ប្រទេសកម្ពុជា»។
« ស៊ី.ភី. ចង់ឃើញប្រជាជនកម្ពុជា មានសុខភាពកាន់តែល្អប្រសើរ តាមរយៈការទទួលទានអាហារដែល មានគុណភាពល្អ ហើយស៊ី.ភី. ប្តេជ្ញាផលិតអាហារដែលមានអនាម័យ ជាមួយនឹងមានអាហារូបត្ថម្ភខ្ពស់។ លើសពីនេះ ស៊ី.ភី. និងធ្វើឱ្យប្រសើរឡើងនូវការផលិតចំណីអាហារ និងការកែច្នៃតាមស្តង់ដារពិភពលោក។ ដូច្នេះ អតិថិជនកម្ពុជាទាំងអស់អាចជឿជាក់លើផលិតផលចំណីអាហារ ស៊ី.ភី. បាន។
ក្នុងកិច្ចសហការជាមួយផ្សារម៉ាក្រូ អតិថិជនអាចមានទំនុកចិត្តលើដំណើរការប្រកបដោយអនាម័យ និងការធានាគុណភាពនៃផលិតផល។ ម៉ាក្រូ ជាមជ្ឈមណ្ឌលលក់ដុំដែលល្អបំផុតប្រកបដោយស្តង់ដារអន្តរជាតិ សម្រាប់ដៃគូពាណិជ្ជកម្ម។» លោក Piyapat ថ្លែងបន្ថែម។
កម្មវិធីនេះក៏មានការរៀបចំជាសិក្ខាសាលាខ្នាតតូចផងដែរ ដើម្បីបង្ហាញពីសារៈសំខាន់នៃសុវត្ថិភាពចំណីអាហារ។ វាគ្មិនជំនាញមកពីក្រុមហ៊ុនស៊ី.ភី. និងផ្សារម៉ាក្រូបាន ពិភាក្សាលើប្រធានបទ «សុវត្ថិភាពចំណីអាហារ និងស្តង់ដារចំណីអាហារនៅកម្ពុជា»។ នៅក្នុងកិច្ចពិភាក្សានោះ មានចំណុចសំខាន់ចំនួន៤ ចំណុច។
ចំណុចទីមួយ, និយមន័យនៃពាក្យ «សុវត្ថិភាពចំណីអាហារ» គឺជាផលិតផលចំណីអាហារដែលមានសារធាតុចិញ្ចឹមនិងផលិតដោយអនាម័យខ្ពស់ ដោយមិនមានការចម្លងរោគនៃជំងឺផ្សេងៗ។
ចំណុចទីពីរគឺពាក់ព័ន្ធទៅនឹងការជ្រើសរើសប្រភេទផលិតផលអាហារដែលមានប្រភពច្បាស់លាស់ ដំណើរការផលិត លក្ខខណ្ឌរក្សាទុក ថ្ងៃខែផលិត កាលបរិច្ឆេទផុតកំណត់ និងទ្រង់ទ្រាយ(រូបរាង ក្លិន រសជាតិ)។
ចំណុចទីបីទាក់ទងនឹងការយល់ច្រឡំអំពីសុវត្ថិភាពចំណីអាហារ ដែលជាបញ្ហាត្រូវយកចិត្តទុកដាក់។ ការដែលមានរោងចក្រកែច្នៃស្តង់ដារនៅកម្ពុជា ដូចជារោងចក្រផលិតចំណីអាហាររបស់ស៊ី.ភី.ជាដើម។ ផលិតផលសាច់ស្រស់ដែលចេញពីរោងចក្រស្តង់ដារត្រូវបានប្រតិបត្តិការក្នុងការថែរក្សានូវសីតុណ្ហភាពនៃកម្រិតមួយ ដើម្បីរក្សាគុណភាពផលិតផល និងកាត់បន្ថយនៃការរីកលូតលាស់នៃបាក់តេរីនៅក្នុងអាហារ។
ចំណុចចុងក្រោយគឺការណែនាំដើម្បីឱ្យអតិថិជនទទួលបានចំណីអាហារដែលមានអនាម័យ គឺត្រូវទិញផលិតផល គ្រឿងផ្សំ ព្រមទាំងចំណីអាហារ ពីហាងដែលមានអនាម័យ និងមានការត្រួតពិនិត្យគុណភាពពីអ្នកជំនាញ។ លើសពីនេះទៅទៀត ផលិតផលប្រភេទនីមួយៗត្រូវការស្តុកទុកក្រោមសីតុណ្ហភាពផ្សេងៗគ្នា។ ឧទាហរណ៍ ៖ ធម្មតា(២៥ អង្សាសេ) ត្រជាក់(០-៤ អង្សាសេ) និងកក(-20 អង្សាសេ) ដើម្បីរក្សាគុណភាព និងរយៈពេលទុកឱ្យបានជាអតិបរមា។
តាមរយៈកិច្ចសម្ភាសន៍បងស្រី លក្ខិណា និងប្អូនស្រី ណាវីន ដែលបានចូលរួមក្នុងកម្មវិធីនេះសុទ្ធតែបានសម្តែងការកោតសរសើរ ដោយបានលើកឡើងថា ៖«យើងមានមោទនភាព និងជឿជាក់ក្នុងការទិញផលិតផលចំណីអាហារនៅផ្សារម៉ាក្រូ ដោយសារតែគ្រប់ផលិតផល មានអនាម័យ ហើយផលិតផលអាហារមានគុណភាពខ្ពស់ ជាពិសេសគឺផលិតផលរបស់ស៊ី.ភី.ដូចជាសាច់ជ្រូកអនាម័យ សាច់មាន់ ហតដក និងស៊ុត។
សម្រាប់កម្មវិធី «CP x Makro Food Festival» ចាប់ផ្ដើមពីថ្ងៃទី២២ ខែធ្នូ ឆ្នាំ២០២៣ ដល់ថ្ងៃទី៧ ខែមករា ឆ្នាំ២០២៤ នៅផ្សារម៉ាក្រូសែនសុខ និងម៉ាក្រូជ្រោយចង្វារ។ សម្រាប់រាល់ការចំណាយ អស់ចំនួន៥ដុល្លារ ក្នុងការទិញផលិតផលចំណីអាហារស៊ី.ភី.ដូចជា ( សាច់ជ្រូកអនាម័យ សាច់មាន់ ហតដក និងស៊ុត) អតិថិជននឹងទទួលបាននូវគូប៉ុងបញ្ចុះតម្លៃសម្រាប់ការទិញផលិតផលណាមួយពីហាង Five Star, Star Coffee, និង Hi-Pork។ ម្យ៉ាងវិញទៀត គូប៉ុងនេះក៏អាចសន្សំដើម្បីប្តូរយករង្វាន់ផ្សេងៗទៀតពីក្រុមហ៊ុនស៊ី.ភី. រួសរាន់ឡើងរង្វាន់មានចំនួនកំណត់៕
មុនីនាគ ជាប់ឈ្មោះជាតារាចម្រៀងប្រុស មានសមត្ថភាពច្រៀងភាសាអង់គ្លេសល្អបំផុត
មន្ត្រីជំនាញ ឃាត់រថយន្ត ១ គ្រឿង ដឹកស៊ុតមាន់ ៩ ម៉ឺន ៦ ពាន់គ្រាប់ ខុសច្បាប់មកពីវៀតណាម
ព្រលានយន្តហោះសៀមរាប ត្រៀមធ្វើសមយុទ្ធទ្រង់ទ្រាយធំ ដើម្បីឆ្លើយតបទាន់ពេល ប្រសិនមានគ្រោះថ្នាក់ឡើង
នគរបាលប៉ុស្ដិ៍ស្ទឹងមានជ័យទី៣ ចុះណែនាំ និងហាមដាច់ខាតការលក់ដូររំលោភចំណីផ្លូវ
ម៉ាឡេស៊ីចេញមុខបរិហារ ត្រាំ លើដំណោះស្រាយតំបន់ហ្គាហ្សា ថាជាការបោសសម្អាតពូជសាសន៍
បុរសធ្លាប់ជាប់ពន្ធនាគារព្រោះកូនឆ្កែ បានក្លាយជាម្ចាស់ហាងនំប៉័ង ព្រោះទឹកចិត្តសណ្ដោសរបស់សម្ដេចតេជោ
ទំនងឆ្លងចរន្ដ រថយន្ដ FORD RAPTOR មួយគ្រឿងត្រូវអណ្ដាតភ្លើងឆេះអស់មួយកំណាត់មុខ
រដ្ឋមន្ត្រីសុខាភិបាល និងរដ្ឋមន្ត្រីការងារ ស្នើឱ្យកម្មករ និងពលរដ្ឋឈប់ពិសាភេសជ្ជៈផ្អែមប៉ូវកម្លាំង
យន្តហោះ២គ្រឿងទៀត បុកគ្នានៅ អាមេរិក
UN ព្រមានថា ផែនការកាន់កាប់ហ្គាហ្សា របស់លោកត្រាំ នឹងក្លាយជាការបោសសម្អាតផ្តាច់ពូជ
-
សន្តិសុខសង្គម១ ថ្ងៃ agoBreaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ១ ថ្ងៃ agoព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៥ ថ្ងៃ agoការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ១ សប្តាហ៍ agoជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៦ ថ្ងៃ agoUpdate! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៦ ថ្ងៃ agoសម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ជីវិតកម្សាន្ដ៥ ថ្ងៃ agoបានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៥ ថ្ងៃ agoធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?