ព័ត៌មានជាតិ
រដ្ឋបាលខេត្តកោះកុង និងខេត្តមួយនៅវៀតណាម សន្យាលើកម្ពស់វិស័យទេសចរណ៍ កសិកម្ម និងពាណិជ្ជកម្ម រួមគ្នា
អាជ្ញាធរខេត្តកោះកុង និងខេត្តគៀងយ៉ាង ប្រទេសវៀតណាម បានសន្យារួមគ្នាលើកកម្ពស់វិស័យទេសចរណ៍ពាណិជ្ជកម្ម និងកសិកម្មឱ្យកាន់តែល្អប្រសើរថែមទៀត ខណៈការងារបានផ្តល់នូវប្រាក់ចំណូលខ្ពស់ដល់ប្រជាពលរដ្ឋទាំងពីរ។
![](https://www.kampucheathmey.com/wp-content/uploads/2023/12/photo_2023-12-29_07-17-02-1024x576.jpg)
ក្រៅពីការងាររុករកអដ្ឋិធាតុកងទ័ពស្ម័គ្រចិត្តវៀតណាមអំឡុងពេលកម្ពុជាមានសង្រ្គាម លោក សំ ឃិតវៀន អភិបាលរងខេត្តកោះកុង បានលើកឡើងពីវិស័យស្នូលសំខាន់ចំនួន៣ ដើម្បីលើកទិសដៅអនុវត្តបន្តសម្រាប់ឆ្នាំបន្ទាប់ទៀត។ លោកអភិបាលរងខេត្តកោះកុង ថ្លែងក្នុងកិច្ចប្រជុំបូកសរុបការងារលទ្ធផលកិច្ចសហប្រតិបត្តិការរវាងខេត្ត និងរដ្ឋបាលខេត្តគៀងយ៉ាងនៃសាធារណរដ្ឋសង្គមនិយមវៀតណាម នឹងប្តេជ្ញាចិត្តរួមគ្នាធ្វើយ៉ាងណាចូលរួមទំនាក់ទំនងផ្នែកពាណិជ្ជកម្ម កសិកម្ម និងវិស័យទេសចរណ៍កាន់តែខ្លាំងក្លា។
![](https://www.kampucheathmey.com/wp-content/uploads/2023/12/photo_2023-12-29_07-17-08-1024x576.jpg)
អាជ្ញាធរខេត្តកោះកុង រំលេចទៀតថា ការងារសហការគ្នា៥ឆ្នាំមកនេះ គឺទទួលបានជ័យគួរឲ្យកត់សំគាល់ តបតាមរយៈការការពារសន្តិសុខ សណ្ដាប់ធ្នាប់ បង្ការ ក៏ដូចជាទប់ស្កាត់សកម្មភាពបទល្មើសនានាតាមផ្លូវទឹក។
គួរជម្រាបថា កិច្ចប្រតិបត្តិការលើពាណិជ្ជកម្ម និងទេសចរណ៍ ត្រូវបានខេត្តទាំងពីរយកចិត្តទុកដាក់ជាច្រើន ដើម្បីរួមចំណែកជំរុញការនាំចេញនាំចូល និងកំណើនទេសចរណ៍រួមគ្នា។ ការទិញលក់ ផ្លាស់ប្តូរទំនិញ ត្រូវបានបង្កលក្ខណៈងាយស្រួល ហើយបរិយាកាសធុរកិច្ច ទេសចរណ៍ ត្រូវបានធានាសុវត្ថិភាពបានល្អ។
![](https://www.kampucheathmey.com/wp-content/uploads/2023/12/photo_2023-12-29_07-17-12-1024x576.jpg)
ដោយឡែកលោក ង្វៀង ថាញ់ញ៉ាន អនុប្រធានគណៈកម្មាធិការប្រជាជនខេត្តគៀងយ៉ាង ក៏ថ្លែងអំណអរគុណយ៉ាងខ្លាំងជូនចំពោះរដ្ឋបាលខេត្តកោះកុង កងកម្លាំងប្រដាប់អាវុធ និងមន្ទីរអង្គភាពពាក់ព័ន្ធជំុវិញខេត្តកោះកុងដែលបានប្រឹងប្រែងសម្រេចបាននូវលទ្ធផលការរវាងគ្នា និងគ្នាប្រកបដោយផ្លែផ្កា។ ទោះបីជាមានការបញ្ហារីករាលត្បាតនៃជំងឺកូវីដ១៩ក៏ដោយ។
![](https://www.kampucheathmey.com/wp-content/uploads/2023/12/photo_2023-12-29_07-17-15-1024x576.jpg)
លោកអនុប្រធានគណៈកម្មាធិការប្រជាជនខេត្តគៀងយ៉ាង រម្លឹកដែរថា ខេត្តកោះកុង និងខេត្តគៀងយ៉ាង ចាប់ដៃគ្នាសហការការងារតាមប្រព័ន្ធអនឡាញអំឡុងពេលជំងឺកូវីដ គ្រាដំណាក់កាលនោះពិបាកក្នុងការទំនាក់ទំនងផ្ទាល់។ ប៉ុន្តែចាប់ពីពេលនះតទៅ ខេត្តទាំងពីរនេះ នឹងពង្រីកការផ្តល់ព័ត៌មាន កិច្ចប្រជុំដោយផ្ទាល់ជាមួយក្រុមការងារជំនាញ និងសម្របសម្រួលដោះស្រាយបញ្ហាប្រឈមផ្សេងៗប្រកបដោយគុណភាពខ្ពស់ជាងមុន។ ជាពិសសការបង្រ្កាបបទល្មើសតាមព្រំដែនទឹកសមុទ្រ ជីកអដ្ឋិធាតុកងទ័ពស្ម័គ្រចិត្ត ព្រមទាំងការផ្សព្វផ្សាយអប់រំវប្បធម៌សិល្បៈ៕
អត្តបទ៖ សិរីវឌ្ឍនៈ
![](https://www.kampucheathmey.com/wp-content/uploads/2023/12/photo_2023-12-29_07-17-19-1024x576.jpg)
![](https://www.kampucheathmey.com/wp-content/uploads/2023/12/photo_2023-12-29_07-17-23-1024x576.jpg)
![](https://www.kampucheathmey.com/wp-content/uploads/2023/12/photo_2023-12-29_07-17-28-1024x576.jpg)
![](https://www.kampucheathmey.com/wp-content/uploads/2023/12/photo_2023-12-29_07-17-32-1024x576.jpg)
![](https://www.kampucheathmey.com/wp-content/uploads/2023/12/photo_2023-12-29_07-17-35-1024x576.jpg)
![](https://www.kampucheathmey.com/wp-content/uploads/2023/12/photo_2023-12-29_07-17-43-1024x576.jpg)
-
សន្តិសុខសង្គម៥ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+១ សប្តាហ៍ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៥ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៥ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៥ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+២ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៤ ថ្ងៃ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ