ព័ត៌មានជាតិ
ការផ្ទេរភារកិច្ចលោក តាន់ សុខវិជ្ជា គឺជាការត្រួតពិនិត្យសមាសភាពនៃលេខាធិការដ្ឋាន និងត្រៀមរៀបចំសមាសភាពជាថ្មី
ការផ្ទេរ និងសម្រួលភារកិច្ចរបស់លោកឧត្ដមសេនីយ៍ឯក តាន់ សុខវិជ្ជា ពីប្រធានលេខាធិការដ្ឋាននៃគណៈកម្មាធិការប្រយុទ្ធប្រឆាំងផលិតផលក្លែងក្លាយ មកជាទីប្រឹក្សាក្រសួងមហាផ្ទៃ គឺជាការត្រួតពិនិត្យទៅលើសមាសភាពនៃលេខាធិការដ្ឋាន និងត្រៀមរៀបចំលក្ខណៈសមាសភាពជាថ្មីដើម្បីពង្រឹងរចនាសម្ព័ន្ធលេខាធិការដ្ឋានឡើងវិញ។ នេះជាការបញ្ជាក់របស់លោក ទូច សុខៈ អ្នកនាំពាក្យរងក្រសួងមហាផ្ទៃ កាលពីយប់ថ្ងៃទី២៨ធ្នូនេះ។
លោក ទូច សុខៈ បានបញ្ជាក់បន្ថែមថា ការផ្ទេរ និងសម្រួលភារកិច្ចរបស់លោកឧត្ដមសេនីយ៍ឯក តាន់ សុខវិជ្ជា គឺដើម្បីការអនុវត្តឲ្យមានប្រសិទ្ធិភាពនៅក្នុងតួនាទីភារកិច្ច។ អ្នកនាំពាក្យរូបនេះក៏បានបន្ថែមថា បច្ចុប្បន្នក្រសួងមហាផ្ទៃគឺកំពុងតែពិនិត្យឡើងវិញអំពីការស្នើសុំកែសម្រួលសមាសភាពគ្រប់កម្រិតទាំងអស់។
គួររំលឹកថា លោកឧត្ដមសេនីយ៍ឯក តាន់ សុខវិជ្ជា អត្តលេខ ០៥៥៥៥ ត្រូវបានប្រមុខរាជរដ្ឋាភិបាល សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានចេញអនុក្រឹត្យ ផ្ទេរ និងសម្រួលភារកិច្ចពីប្រធានលេខាធិការដ្ឋាននៃគណៈកម្មាធិការប្រយុទ្ធប្រឆាំងផលិតផលក្លែងក្លាយ ដែលបង្កគ្រោះថ្នាក់មានហានិភ័យខ្ពស់ដល់សុខភាព និងសុវត្ថិភាពសង្គម មកជាទីប្រឹក្សាក្រសួងមហាផ្ទៃ មានឋានៈស្មើ ប្រធាននាយកដ្ឋាន។ នេះបើតាមអនុក្រឹត្យចុះថ្ងៃទី២២ ខែធ្នូ ឆ្នាំ២០២៣ ដែលកម្ពុជាថ្មី ទទួលបាននៅរសៀលថ្ងៃទី២៨ ខែធ្នូ ឆ្នាំ២០២៣៕
អត្ថបទ៖ សុខុម
-
ព័ត៌មានជាតិ១ សប្តាហ៍ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៧ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ២ ថ្ងៃ ago
ព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ព័ត៌មានជាតិ៥ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៣ ថ្ងៃ ago
ភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ជីវិតកម្សាន្ដ១ ថ្ងៃ ago
លោក លៀក លីដា បង្ហាញការខកចិត្តចំពោះការរិះគន់របស់ Allan
-
ជីវិតកម្សាន្ដ១ ថ្ងៃ ago
Allan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព
-
ព័ត៌មានអន្ដរជាតិ២ ថ្ងៃ ago
ភាគកណ្តាលវៀតណាម ជម្លៀសពលរដ្ឋជាង ៦ ០០០នាក់ ដោយសារទឹកជំនន់ធ្ងន់ធ្ងរ