ព័ត៌មានជាតិ
រដ្ឋបាលខេត្តកំពត នឹងរៀបចំកម្មវិធីកម្សាន្តជាច្រើន ទាក់ទាញភ្ញៀវទេសចរ នាឱកាសឆ្លងឆ្នាំសកលខាងមុខ
នាថ្ងៃទី ២៩ ខែធ្នូ ឆ្នាំ ២០២៣ នេះ លោក សយ ស៊ីណុល ប្រធានមន្ទីរទេសចរណ៍ខេត្តកំពត ប្រាប់ឲ្យដឹងថា ថ្មីៗ កន្លងទៅ ព្រឹត្តិការណ៍ធំៗ មួយចំនួន នៅខេត្តកំពត គឺ បុណ្យអុំទូក បានទាក់ទាញទេសចរមកកម្សាន្ត ជាង ៥២ ម៉ឺននាក់ ហើយឆ្លងឆ្នាំសកលខាងមុខនេះ រដ្ឋបាលខេត្តកំពត នឹងរៀបចំកម្មវិធីកម្សាន្តសប្បាយជាច្រើន ដើម្បីទាក់ទាញភ្ញៀវទេសចរកាន់តែច្រើនបន្ថែមទៀត។
លោក សយ ស៊ីណុល បានបញ្ជាក់ថា ខេត្តកំពត មានកន្លែងគោលដៅទេសចរណ៍ និងតំបន់ឆ្នេរខ្សាច់ អាចទាក់ទាញភ្ញៀវទេសចរជាតិ និងភ្ញៀវទេសចរអន្តរជាតិ។ ក្រោមការដឹកនាំរបស់ លោក ម៉ៅ ធនិន អភិបាលខេត្តកំពត តែងតែយកចិត្តទុកដាក់លើការងារអភិវឌ្ឍន៍ ពិសេសធ្វើឲ្យវិស័យទេសចរណ៍មានភាពទាក់ទាញ។ ទន្ទឹមនោះ មកដល់ពេលនេះ ខេត្តកំពត បានប្រែក្លាយទៅជាគោលដៅទាក់ទាញទេសចរ និងមានរមណីយដ្ឋានប្រមាណជាង ៤០ កន្លែង។
លោកប្រធានមន្ទីរទេសចរណ៍ខេត្តកំពត បានបញ្ជាក់ទៀតថា គ្រាន់តែព្រឹត្តិការណ៍បុណ្យអុំទូក កាលពីថ្ងៃទី ១០ ដល់ថ្ងៃទី ១១ ខែវិច្ឆិកា ដែលទើបនឹងបញ្ចប់ទៅនាថ្មីៗនេះ ខេត្តកំពត បានទទួលភ្ញៀវមកលេងកម្សាន្តជាង ៥២ ម៉ឺននាក់។ បន្ថែមនោះ រដ្ឋបាលខេត្តកំពត ក៏មានគម្រោងរៀបចំកម្មវិធីកម្សាន្តសប្បាយជាច្រើន សម្រាប់ទទួលភ្ញៀវទេសចរ នាឱកាសបុណ្យឆ្លងឆ្នាំសកល ខាងមុខផងដែរ។
លោកបន្ថែមថា ប្រជាពលរដ្ឋអាជីវករលក់ដូរដាក់តាំងពិព័រណ៍ និងផលិតផលភូមិមួយផលិតផលមួយ នៅតាមតំបន់មាត់ឆ្នេរព្រែកកំពង់បាយ ក្រុងកំពត មានការយល់ដឹងច្រើន និងអនុវត្តតាមការណែនាំបានល្អ ក្នុងព្រឹត្តិការណ៍បុណ្យអុំទូក ដែលទើបបញ្ចប់ទៅ ដោយខេត្តកំពត មិនមានលេចឮបាតុភាព បញ្ហាមិនប្រក្រតីណាមួយកើតឡើងនោះឡើយ។
លោកបន្ថែមទៀតថា នៅតាមកន្លែងបឹងហ្គាឡូ និងរីស៊ត មានការកក់បន្ទប់ ៣៥ ភាគរយ។ ចំពោះ ផ្ទះសំណាក់ សណ្ឋាគារ និងបន្ទប់ស្នាក់នៅខេត្តកំពត មិនមានការដំឡើងថ្លៃនោះទេ។ ក្នុងនោះ ភ្ញៀវ បានមកកក់បន្ទប់សម្រាប់ថ្ងៃឆ្លងឆ្នាំសកល កាលពីថ្ងៃទី(២៨) បានប្រហែល ៧៥ ភាគរយ។ រហូតមកដល់ថ្ងៃទី ២៩ ត្រូវបានភ្ញៀវមកកក់បន្ទប់ជិតពេញអស់ ១០០ ភាគរយ ហើយ។
គួរជម្រាបថា រដ្ឋបាលខេត្តកំពត នឹងរៀបចំការប្រគំតន្ត្រី តាំងពិព័រណ៍ ការដាក់តាំងភូមិមួយផលិតផលមួយ និងអុជកាំជ្រួច ដើម្បីកម្សាន្តសប្បាយផងដែរ។ ចំពោះនៅតាមបណ្ដាសណ្ឋាគារមួយចំនួនក្នុងខេត្តកំពត ក៏មានរៀបចំអុជកាំជ្រួចដែរ។ បន្ថែមនោះ អាចនឹងមានការបោះតង់ បង្កើតកម្មវិធីនៅតាមតំបន់សប្បាយជាច្រើន នារមណីយដ្ឋានផ្សេងៗ ផងដែរ៕
អត្ថបទ ៖ សឹង រ៉ាត់
មេបក្សប្រជាធិបតេយ្យដែលស្ទើរក្លាយជាអ្នកទោស ថា ប្រជាជនបង្កើតប្រវត្តិសាស្រ្តថ្មី
រយៈពេល៨ឆ្នាំ ប្រធានាធិបតីកូរ៉េខាងត្បូង២រូបត្រូវសភាដកហូតអំណាចក្នុងខែធ្នូដូចគ្នា
លោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត អញ្ជើញជាអធិបតីបើកពិធីបុណ្យរំលឹកគុណអង្គរលើកទី៤
លោក Yoon ដែលប្តេជ្ញាប្រយុទ្ធដល់ទីបញ្ចប់នោះ សន្យាចុះចេញ ក្រោយសភាទម្លាក់
លោកស្រី ដោ សម្ផស្ស ជំរុញឱ្យសិស្សានុសិស្សវិទ្យាល័យអប់រំពិសេសភ្នំពេញថ្មី ប្រឹងប្រែងរៀនសូត្រ ដើម្បីអនាគត
អ៊ុយក្រែន ធ្វើឃាតអ្នកជំនាញមីស៊ីលរុស្ស៊ី នៅក្បែរទីក្រុង មូស្គូ
ទីបំផុត សភាកូរ៉េខាងត្បូងជោគជ័យព្យួរអំណាចលោក Yoon យ៉ាងងាយស្រួល ដោយសំឡេង២០៤
ឈរជើងនៅ Galaxy ៤ឆ្នាំ ព្រាប សុវត្ថិ Update ខ្លួនឯងមិនធម្មតា
ស្រ្តីថៃម្នាក់ ដើរសុំទានរហូតមានលុយក្នុងដៃជាង៨ម៉ឺនដុល្លារ និងក្នុងកុងធនាគារ ជិត៣០ម៉ឺនដុល្លារ
នាយករដ្ឋមន្ត្រី Han Duck-soo បន្តការងារពី Yoon Suk Yeol ដើម្បីដោះវិបត្តិកូរ៉េ
-
ព័ត៌មានអន្ដរជាតិ៤ ថ្ងៃ ago១១ខែ វៀតណាម រញ្ជួយដី ៤៥៨លើក
-
ចរាចរណ៍៣ ថ្ងៃ agoអ្នកជិះម៉ូតូ កង់ ឆ្លង់កាត់ចន្លោះសួនច្បារពុះចែកទ្រូងផ្លូវជាតិលេខ៣បង្កគ្រោះថ្នាក់ញឹកញាប់ដល់អ្នកដទៃ
-
សុខភាព២ ថ្ងៃ agoផ្លែឈើ៤មុខ គ្រោះថ្នាក់ខ្លាំងសម្រាប់អ្នកជំងឺខ្សោយតម្រងនោមធ្ងន់ធ្ងរ
-
ព័ត៌មានអន្ដរជាតិ៣ ថ្ងៃ agoគ្រូទាយល្បីឈ្មោះ២រូប សុទ្ធតែទាយរឿងដែលគ្មាននរណាចង់ឲ្យកើត នៅឆ្នាំក្រោយ
-
ព័ត៌មានជាតិ៤ ថ្ងៃ agoសត្វព្រៃជិតផុតពូជបំផុតជាច្រើនប្រភេទ បង្ហាញវត្តមាននៅតំបន់ប្រើប្រាស់ច្រើនយ៉ាងសំឡូត
-
ជីវិតកម្សាន្ដ៥ ថ្ងៃ agoអ្នកនាង ខាត់ សុឃីម សោកស្តាយចំពោះមរណភាពតារាចម្រៀងប្រុសម្នាក់ គាំងបេះដូងស្លាប់ទាំងវ័យក្មេង
-
បច្ចេកវិទ្យា៦ ថ្ងៃ agoផ្ទុះការភ្ញាក់ផ្អើលខ្លាំងចំពោះវត្តមាន ហុងដា SCOOPY ស៊េរីថ្មី របស់ក្រុមហ៊ុនអិនស៊ីអិច ទើបតែចេញក្តៅៗ
-
សន្តិសុខសង្គម៦ ថ្ងៃ agoUpdate៖ អ្នកកាសែតដែលត្រូវខ្មាន់កាំភ្លើងបាញ់ប្រហារនៅស្រុកជីក្រែង បានបាត់បង់ជីវិតហើយ ក្រោយបញ្ជូនដល់មន្ទីរពេទ្យជាង១ថ្ងៃ