ព័ត៌មានជាតិ

បណ្ដេញប្រធានមន្ទីរសុខាភិបាល ខេត្តរតនគិរី ចេញពីមុខតំណែង

បានផុស

១ year មុន

នៅ

ថ្ងៃសុក្រ ២៩ ធ្នូ ២០២៣

ដោយ

លោក ញ៉ែម សំអឿន បានចេញដីកា ដកតំណែងលោក អ៊ុង រតនា ពីប្រធានមន្ទីរសុខាភិបាលខេត្តរតនគិរី ដោយសារមានកំហុសមិនអាចលើកលែងបាន ហើយដាក់ជំនួសដោយលោក ជា សានិត ប្រធានមន្ទីរសុខាភិបាលស្តីទី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមដីការបស់រដ្ឋបាលខេត្តរតនគិរីចុះថ្ងៃទី ២៦ ខែធ្នូ ឆ្នាំ ២០២៣ បានសម្រេច៖ «អនុវត្តទណ្ឌកម្មខាងវិន័យ ចំពោះលោកវេជ្ជបណ្ឌិត អ៊ុង រតនា ឲ្យទទួលទណ្ឌកម្មថ្នាក់ទី២ ចំណុច ឃ តាមរូបភាពបញ្ឍប់ពីការងារដោយបង្ខំ ពីប្រធានមន្ទីរសុខាភិបាល នៃរដ្ឋបាលខេត្តរតនគិរី ឱ្យមកបម្រើការងារជាមន្ត្រី នៅមន្ទីរពេទ្យបង្អែកខេត្ត ចំណុះរចនាសម្ព័ន្ធមន្ទីរសុខាភិបាល នៃរដ្ឋបាលខេត្តរតនគិរី»។

លោកអភិបាលខេត្ត បានប្រគល់ភារកិច្ចបណ្តោះអាសន្នជូនលោក ជា សានិត បច្ចុប្បន្នអនុប្រធានមន្ទីរសុខាភិបាល ឲ្យកាន់មុខតំណែងជាប្រធានមន្ទីរស្តីទី មន្ទីរសុខាភិបាល នៃរដ្ឋបាលខេត្តរតនគិរី៕