Connect with us

ព័ត៌មានជាតិ

ប្រជាពលរដ្ឋ១០០គ្រួសារ និងសិស្សានុសិស្សជាង​៩០នាក់ ទទួលអំណោយពីសប្បុរសជន

បានផុស

នៅ

ប្រជាពលរដ្ឋប្រមាណ១០០គ្រួសារ ទទួលបានគ្រឿងឧបភោគបរិភោគ និងសិស្សានុសិស្សប្រមាណជាង៩០នាក់ រស់នៅភូមិរលួសធំ ឃុំដងកាំបិត ស្រុកសណ្តាន់ ខេត្តកំពង់ធំ ទទួលបានសម្ភារសិក្សា ពីសប្បុរសជន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅថ្ងៃទី២៨ ខែធ្នូ ឆ្នាំ២០២៣ ក្រុមហ៊ុនអាជីវកម្មរ៉ែមាស “ឡេតចេង ម៉ាញនីង ឌីវេឡុបម៉ិន” (Late Cheng Mining) រួមជាមអាជ្ញាធរស្រុកសណ្តាន់ ចុះជួបសំណាលជាមួយសិស្សានុសិស្ស និងប្រជាពលរដ្ឋរស់នៅភូមិរលួសធំ។ ក្នុងឱកាសនោះ លោក ស៊ិន វណ្ណវុឌ្ឍ អភិបាលស្រុកសណ្តាន់ លើកឡើងថា សកម្មភាពផ្តល់ជូន អំណោយមនុស្សធម៌នេះ ធ្វើឡើងច្រើនលើកមកហើយ។ ហើយនេះក៏ជាការចូលរួមជាមួយរាជរដ្ឋាភិបាល ក្នុងការលើកស្ទួយជីវភាពរស់នៅរបស់ប្រជាពលរដ្ឋស្របតាមផែនការយុទ្ធសាស្រ្តកាត់បន្ថយភាពក្រីក្រ តាមយន្តការរួមគ្នាធ្វើសកម្មភាពមនុស្សធម៌ទៅតាមលទ្ធភាព។

ទន្ទឹមជាមួយគ្នានេះ ការផ្តល់ជូនសម្ភារៈសិក្សា ដល់ក្មួយៗជាសិស្សានុសិស្ស ក៏ជាផ្នែកមួយចូលរួមលើកស្ទួយការអប់រំប្រកបដោយសមធម៌ ស្របជាមួយ ចក្ខុវិស័យរបស់ ក្រសួងអប់រំយុវជន និងកីឡា ផងដែរ។ លោកបន្តថា ការផ្តល់ជូន​សម្ភារសិក្សាក្នុងពេលនេះ ពិតជាបានរួមចំណែកយ៉ាងសំខាន់ ក្នុងការសិក្សារបស់ក្មួយៗជាសិស្ស។ ហើយនេះជាការជួយសម្រាលនូវបន្ទុកចំណាយក្នុងការទិញនូវសម្ភារសិក្សា ព្រោះក្មួយៗ ក្នុងម្នាក់ទទួលបានទាំងដាក់សម្ភារៈ ប៉ិច និងសៀវភៅសរសេរ។ ចំពោះប្រជាពលរដ្ឋវិញ ក៏ទទួលបាននូវគ្រឿងឧបភោគបរិភោព ដែលមានទាំងអង្ករ និងគ្រឿងទេស ក្នុងការផ្គត់ផ្គង់ជីវភាព កាត់បន្ថយចំណាយបានមួយរយៈ ព្រោះប្រជាពលរដ្ឋខ្លះ មានជីវភាពខ្វះខាត។

លោកអភិបាលស្រុកសណ្តាន់ បញ្ជាក់ថា សកម្មភាពរបស់ក្រុមហ៊ុន ដែលទទួលបានសិទ្ធិពីរាជរដ្ឋាភិបាល ក្នុងការវិនិយោគ ក្នុងនោះក៏មានចែងនូវលក្ខ័ណ្ឌមនុស្សធម៌ ដែលតែងតែអនុវត្តន៍ជារើយៗចំពោះប្រជា ពលរដ្ឋក្នុងតំបន់ ដោយមិនប្រកាន់ពីនិន្នាការនយោបាយ បង្ករឲ្យមានភាពរើសអើងឡើយ។ លោកសំណូមពរ ដល់ក្រុមហ៊ុន និងសប្បុរសជន នៅតែបន្តជួយដល់ប្រជាពលរដ្ឋនៅមូលដ្ឋានរបស់លោកបន្តទៀត។

អ្នកសម្របស្រួលក្រុមហ៊ុន “ឡេតចេង ម៉ាញនីង ឌីវេឡុបម៉ិន” (Late Cheng Mining) លោក “Mr. Wei” លើកឡើងផងដែរថា ក្រុម បាននាំយកគ្រឿងឧបភោគបរិភោពចែកជូនដល់ប្រជាពលរដ្ឋ នៅក្នុងឱកាសនេះ មានចំនួន ១០០គ្រួសារ ដែលអង្ករសរុបប្រមាណជាង ២.០០០គីឡូក្រាម ទឹកត្រី ១០០យួរ ទឹកស៊ីអ៊ីវ ១០០យួរ ត្រីខកំប៉ុង ១០០យួរ និងមី ១០០កេះ។

ជាមួយគ្នានេះ សិស្សានុសិស្ស សរុប ៩២នាក់ ទទួលបានសម្ភារសិក្សាសរុបសៀវភៅសរសេរ ៤៦០ក្បាល ប៉ិច៤៦០ដើម ខ្មៅដៃ និងកាបូប ដាក់សៀវភៅចំនួន ៩២ផងដែរ៕

អត្ថបទ៖ ឈាង មករា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១ ម៉ោង មុន

អភិបាលរាជធានី ៖ ផ្លូវថ្មើជើង(Walk street) ជំហររបស់រដ្ឋបាលរាជធានី គឺបន្តធ្វើឱ្យកាន់តែល្អ ដើម្បីទាក់ទាញភ្ញៀវជាតិ-អន្តរជាតិកាន់តែច្រើន

ព័ត៌មានជាតិ១ ម៉ោង មុន

ស្នងការ​នគរបាលខេត្ត ផ្តាំផ្ញើ​ឱ្យកងកម្លាំងឈរ​ជើង​ការពារ​តាម​ខ្សែ​បន្ទាត់​ព្រំដែន​ បង្កើន​ការ​យកចិត្តទុកដាក់​ដើរ​ល្បាតឱ្យបានជាប្រចាំ

ព័ត៌មានជាតិ២ ម៉ោង មុន

ឯកអគ្គរដ្ឋទូតនេប៉ាល់ថ្មីប្រចាំកម្ពុជា ប្ដេជ្ញាពង្រឹង និងពង្រីកទំនាក់ទំនងនេប៉ាល់-កម្ពុជា ឱ្យរីកចម្រើនថែមទៀត

ព័ត៌មានជាតិ២ ម៉ោង មុន

អ្នកវិភាគ និងអ្នកឃ្លាំមើល ចាត់ទុកចលនាជាតិតស៊ូរបស់ទណ្ឌិត សម រង្ស៊ី ជាសកម្មភាពដើរបញ្ច្រាសទិសពីលទ្ធិប្រជាធិបតេយ្យ

ព័ត៌មានជាតិ២ ម៉ោង មុន

បុគ្គលតាំងខ្លួនជាលោក ​ស៊ិន ស៊ីសាមុត​ ចាប់​ជាតិ ត្រូវបានសមត្ថកិច្ចឃាត់ខ្លួនបញ្ជូនទៅតុលាការ ពាក់ព័ន្ធការញុះញង់

Sokha Hotels

ព័ត៌មានពេញនិយម