ព័ត៌មានជាតិ
គិតត្រឹមឆ្នាំ ២០២៣ រោងចក្រកាត់ដេរជាង ៧០០ កន្លែង មានទារកដ្ឋានសម្រាប់មើលថែកូនៗ កម្មករ
គិតរហូតមកដល់ឆ្នាំ ២០២៣ នេះ រោងចក្រកាត់ដេរជាង ៧០០ កន្លែង ក្នុងចំណោមរោងចក្រកាត់ដេរប្រមាណជាង ៩០០ កន្លែង នៅទូទាំងប្រទេស មានទារកដ្ឋានសម្រាប់មើលថែទាំកូនៗ កម្មករ-និយោជិត។
លោក កត្តា អ៊ន រដ្ឋលេខាធិការ និងជាអ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ បានមានប្រសាសន៍នៅព្រឹកថ្ងៃទី ៣០ ធ្នូ នេះថា យោងតាមស្វ័យប្រកាស គិតមកដល់ថ្ងៃទី ២៩ ខែធ្នូ ឆ្នាំ ២០២៣ មានរោងចក្រផ្នែកកាត់ដេរចំនួន ៧១៣ កន្លែង ក្នុងចំណោមរោងចក្រកាត់ដេរសរុបចំនួន ៩២១ រោងចក្រ មានទារកដ្ឋានសម្រាប់មើលថែទាំកូនៗ របស់កម្មករ-និយោជិត។
លោកបានបន្តថា ចំនួនទារកដ្ឋាននៅតាមរោងចក្រអាចមានច្រើនជាងនេះ ដោយសារតែរោងចក្រខ្លះមិនទាន់បានជូនដំណឹងមកក្រសួងនៅឡើយទេ។ លោកបន្តទៀតថា ការមានទារកដ្ឋាននៅតាមរោងចក្រនេះ ពិតជាមានសារសំខាន់ណាស់ក្នុងការជួយសម្រួលដល់ការលំបាករបស់កម្មករ-និយោជិត ដោយមិនចាំបាច់បញ្ជូនកូនៗ ខ្លួន ទៅស្រុកកំណើតឲ្យឪពុកម្ដាយមើលថែទាំជំនួសទេ។ក្នុងនោះ ឪពុកម្តាយ ក៏បានរស់នៅក្បែរកូន ថ្នាក់ថ្នមកូន ដែរ។ បន្ថែមនោះ ឪពុកម្តាយ ក៏ទទួលបានការផ្តល់កម្លាំងចិត្ត និងពេលវេលាក្នុងការបំពេញការងារ។ មិនតែប៉ុណ្ណោះ ឪពុកម្ដាយ ក៏មានទំនុកចិត្តក្នុងការរស់នៅ និង ចិញ្ចឹមបីបាច់កូន ហើយអាចមានពេលវេលាអប់រំប្រកបដោយគុណភាព សីលធម៌ ដល់កូនៗ ទៀតផង។
លោក កត្តា អ៊ន បានអំពាវនាវដល់ទារកដ្ឋាន សូមផ្តល់តម្លៃសមស្រប ដើម្បីកម្មករ-និយោជិត មានលទ្ធភាពយកកូនទៅផ្ញើ កុំឲ្យប៉ះពាល់ប្រាក់ចំណូលរបស់ពួកគាត់។ ក្នុងនោះ លោក បានលើកទឹកចិត្តប្រជាពលរដ្ឋ ក៏ដូចជានិយោជក សូមវិនិយោគលើផ្នែកទារកដ្ឋាន និងមតេយ្យសិក្សា ឲ្យបានច្រើន តាមរោងចក្រនានា នៅទូទាំងប្រទេស ដើម្បីបង្កលក្ខណៈងាយស្រួលដល់កម្មករ-និយោជិត ក្នុងការផ្ញើកូនៗ ឲ្យគេជួយថែទាំប្រចាំថ្ងៃ ឬ បញ្ជូនកូនទៅសិក្សាពេញ ១ ថ្ងៃ ដែលបានជួយសម្រាលបន្ទុកដល់ឪពុកម្ដាយ ខណៈកន្លងមកពេលកម្មការិនីសម្រាលកូន តែងតែផ្ញើទៅឪពុកម្ដាយនៅស្រុកកំណើតជួយមើលថែទាំចៅៗ រហូតដល់ធំ៕
អត្ថបទ ៖ សំអឿន
ប្រទេសអាស៊ីអាគ្នេយ៍មួយទៀត ជួបគ្រោះរញ្ជួយដី
រញ្ជួយដីនៅមីយ៉ាន់ម៉ា៖ មនុស្សស្លាប់កើនដល់ ១ ៦៤៤នាក់ និងរបួសជាង ៣ ៤០០នាក់
រកឃើញសញ្ញាមនុស្សមានជីវិត១៥នាក់ កប់ក្រោមអគារបាក់ ដោយរញ្ជួយដីនៅ បាងកក
ខ្យល់កន្ត្រាក់បំផ្លាញផ្ទះពលរដ្ឋ ១០ខ្នង នៅស្រុកគាស់ក្រឡ
សូមប្រយ័ត្ន! កម្ពុជា នឹងមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់ថ្ងៃទី១មេសា
-
ព័ត៌មានអន្ដរជាតិ២ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២២ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ