ព័ត៌មានជាតិ
ពលរដ្ឋរាប់រយនាក់ ស្នើសុំកិច្ចអន្តរាគមន៍ពី លោក ម៉ៅ ធនិន ជួយពន្លឿនដោះស្រាយករណីក្រុមហ៊ុនដីឡូត៍ ជា សារ៉ន
កាលពីថ្ងៃទី ២៩ ខែធ្នូ ឆ្នាំ ២០២៣ ម្សិលមិញ ប្រជាពលរដ្ឋរាប់រយនាក់ ដែលមានបញ្ហាជាមួយក្រុមហ៊ុនដីឡូត៍ ជា សារ៉ន បានមកប្រមូលផ្តុំគ្នានៅក្នុងបរិវេណសាលាខេត្តកំពត ដើម្បីស្នើសុំកិច្ចអន្តរាគមន៍ពី លោក ម៉ៅ ធនិន អភិបាលខេត្តកំពត ឲ្យជួយពន្លឿនយន្តការក្នុងការដោះស្រាយ ព្រោះម្ចាស់បំណុល និងបុគ្គលិកធនាគារ ចេះតែទៅទារលុយ និងកៀបសង្កត់ផ្លូវចិត្តពួកគាត់មិនឈប់ឈរ។
តំណាងប្រជាពលរដ្ឋមកពីស្រុកទឹកឈូ បានរៀបរាប់ថា ពួកគាត់នាំគ្នាមកថ្ងៃនេះ ដើម្បីសំណូមពរដល់ លោកអភិបាលខេត្ត ជួយពន្លឿនយន្តការដោះស្រាយ ធ្វើយ៉ាងណាឲ្យក្រុមហ៊ុនដីឡូត៍ ជា សារ៉ន ទូទាត់បំណុលជាមួយធនាគារឲ្យបានលឿន ព្រោះមួយរយៈពេលចុងក្រោយនេះ បុគ្គលិកធនាគារបានចុះទារលុយដល់ផ្ទះជាញឹកញាប់។ ក្នុងនោះ ធនាគារ ថា នឹងប្រើចំណាត់ការក្ដៅ ធ្វើឲ្យពួកគាត់កាន់តែតានតឹងផ្នែកផ្លូវចិត្ត និងព្រួយបារម្ភខ្លាចបាត់បង់ដីធ្លី ផ្ទះសំបែង។
ប្រជាពលរដ្ឋទាំងនោះបានបញ្ជាក់ថា ការមកនេះមិនមែនសុំឲ្យដោះលែងបុគ្គល ជា សារ៉ន និងបក្ខពួកនៅក្រៅឃុំបណ្ដោះអាសន្ននោះទេ។ មកនេះ ស្នើសុំ លោក ម៉ៅ ធនិន មេត្តាជួយចេញលិខិតបញ្ជាក់ឲ្យគ្រួសារដែលមានបញ្ហានីមួយៗ កាន់ទៅបង្ហាញបុគ្គលិកធនាគារថា ការបង់ប្រាក់បំណុលផ្សេងៗ ជាបន្ទុករបស់ក្រុមហ៊ុន ជា សារ៉ន មិនមែនប្រជាពលរដ្ឋរងគ្រោះនោះឡើយ។ លើសពីនេះ ប្រជាពលរដ្ឋ ក៏បានស្នើស្ថាប័នតុលាការ សូមជួយពន្លឿននីតិវិធីច្បាប់ ដើម្បីឲ្យពួកគាត់ឆាប់ផុតទុក្ខភ័យ ក្រោយចាញ់បោកក្រុមហ៊ុននេះផង។
ឆ្លើយតបទៅនឹងសំណើរបស់ប្រជាពលរដ្ឋ លោក ម៉ៅ ធនិន អភិបាលខេត្តកំពត បានបញ្ជាក់ថា សំណុំរឿងក្រុមហ៊ុនអភិវឌ្ឍន៍ដីឡូត៍ ជា សារ៉ន បាននិងកំពុងដំណើរការដោះស្រាយតាមនីតិវិធីច្បាប់ហើយ។ លោក ម៉ៅ ធនិន ក៏បានបញ្ជាក់ជូនពលរដ្ឋដែរថា ត្រូវរង់ចាំលទ្ធផលដែលច្បាប់សម្រេចចេញមកទាំងអស់គ្នាសិន។
លោកអភិបាលខេត្តកំពត បានបន្ថែមថា ក្នុងករណីនេះ មិនមានយន្តការដោះស្រាយណាផ្សេងក្រៅពីនេះទេ។ មូលហេតុដោយសារករណីនេះ បានចូលដល់ប្រព័ន្ធតុលាការរួចរាល់ហើយ។
ទន្ទឹមនោះ លោកអភិបាលខេត្តកំពត ក៏បានណែនាំសាជាថ្មីដល់អាជ្ញាធរក្រុង-ស្រុក ត្រូវពិនិត្យមើលទាក់ទងនឹងករណីម្ចាស់បំណុល ឬ បុគ្គលិកធនាគារ ដែលពលរដ្ឋបានខ្ចីលុយទៅវិនិយោគជាមួយក្រុមហ៊ុន មិនត្រូវទៅជំរិតទារលុយពលរដ្ឋ ឬប្រើពាក្យបំបាក់ទឹកចិត្តនោះទេ។ ប្រសិនបើមានករណីនេះ ពលរដ្ឋ ត្រូវរាយការណ៍ផ្ទាល់មករដ្ឋបាលខេត្ត ហើយលោកនឹងជួយអន្តរាគមន៍ដោះស្រាយ។
ជាមួយគ្នានេះ លោក ម៉ៅ ធនិន ក៏បានផ្ដាំទៅក្រុមបុគ្គលិករបស់ក្រុមហ៊ុនដីឡូត៍ ជា សារ៉ន សូមបញ្ឈប់ការបំផុសបំផុលពលរដ្ឋឲ្យឡើងមកតវ៉ាសុំយ៉ាងនេះ សុំយ៉ាងនោះទៀតទៅ។ ក្រុមខ្លួននោះហើយ ដែលធ្វើឲ្យពលរដ្ឋធ្លាក់ខ្លួនក្រ ចាញ់បោកក្រុមហ៊ុនរហូតមកដល់បច្ចុប្បន្ន ហើយបើមិនព្រមបញ្ឈប់សកម្មភាពនេះទេ រដ្ឋបាលខេត្ត នឹងដាក់ការតាមដានវែករកមុខមេខ្លោង ដើម្បីចាត់ការតាមនីតិវិធីច្បាប់បន្តទៀត៕
អត្ថបទ ៖ សឹង រ៉ាត់
ប្រទេសអាស៊ីអាគ្នេយ៍មួយទៀត ជួបគ្រោះរញ្ជួយដី
រញ្ជួយដីនៅមីយ៉ាន់ម៉ា៖ មនុស្សស្លាប់កើនដល់ ១ ៦៤៤នាក់ និងរបួសជាង ៣ ៤០០នាក់
រកឃើញសញ្ញាមនុស្សមានជីវិត១៥នាក់ កប់ក្រោមអគារបាក់ ដោយរញ្ជួយដីនៅ បាងកក
ខ្យល់កន្ត្រាក់បំផ្លាញផ្ទះពលរដ្ឋ ១០ខ្នង នៅស្រុកគាស់ក្រឡ
សូមប្រយ័ត្ន! កម្ពុជា នឹងមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់ថ្ងៃទី១មេសា
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
អ្នកឧកញ៉ា ឡេង ណាវ៉ាត្រា ដឹកនាំប្រតិភូ Galaxy Navatra Group គោរពវិញ្ញាណក្ខន្ធសពឯកឧត្តម ហ៊ុន សាន
-
ព័ត៌មានអន្ដរជាតិ២ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៥ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម៣ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២២ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ