២ថ្ងៃនៃចុងឆ្នាំ២០២៣ ខេត្តកែបទទួលបានភ្ញៀវទេសចរជិត១០ម៉ឺននាក់

ប្រធានមន្ទីរទេសចរណ៍ខេត្តកែប លោក សោម ចិន្តា បានឲ្យដឹងថា គិតចាប់ពីថ្ងៃទី៣០ និង៣១ ខែធ្នូឆ្នាំ២០២៣ មានភ្ញៀវទេសចរជាតិ និងភ្ញៀវអន្តរជាតិចំនួន ៩៩,៨៥៦ នាក់ បានទៅលេងកម្សាន្តតាមគោលដៅទេសចរណ៍សំខាន់ៗក្នុងខេត្តកែប។

ក្នុងចំណោមភ្ញៀវសរុបជិត១០ម៉ឺននាក់ ក្នុងនោះភ្ញៀវទេសចរជាតិមានចំនួន ៩៨,៥១៨ នាក់  និងភ្ញៀវបរទេសមានចំនួន ១,៣៣៨នាក់។ នេះជាការបន្ថែមរបស់លោកលោក សោម ចិន្តា។ ប្រធានមន្ទីរទេសចរណ៍រូបនេះ បានឱ្យដឹងទៀតថា តាមការកត់សម្គាល់ឃើញថាភ្ញៀវទេសចរច្រើនមកលេងកម្សាន្តនៅធ្នេរលេងទឹកនិងនៅរមណីយដ្ឋានតំបន់ធ្នេរអង្កោល និង តំបន់ រមណីយដ្ឋាន នានា ជាច្រើកន្លែងទៀត ក្នុង ខេត្ត កែប គួរឱ្យកក់សំគាល់មានការកើនឡើង។

ប្រធានមន្ទីរទេសចរណ៍ខេត្តកែប អះអាងថាចំនួនភ្ញៀវទេសចរដែលមកលេងកម្សាន្តក្នុងខេត្តកែបនៅចុងឆ្នាំ២០២៣មានកំណើនខ្ពស់ជាងឆ្នាំ២០២២ច្រើន។

គួរជម្រាបបន្តិចថា រដ្ឋបាលខេត្តកែបបានរៀបចំកម្មពិធីបង្ហើខ្លែងនិងប្រណាំងទូកផ្កាចារសមុទ្រលើកទី ១៣ នៅធ្នេរលេងទឹក ដើម្បីទាក់ទាញភ្ញៀវទេសចរណ៍ជាតិនិងភ្ញៀវទេសចរណ៍អន្តរជាតិមកលេងកម្សាន្តក្នុងខេត្តកែបនាថ្ងៃឆ្លងឆ្នាំសកល៕

អត្ថបទដោយ៖ សឹង រ៉ាត់