ព័ត៌មានជាតិ
ខេត្តគោលដៅទេសចរណ៍ធំ ៣ សុទ្ធតែទទួលកំណើនភ្ញៀវទេសចរទៅកម្សាន្តថ្ងៃឆ្លងឆ្នាំ
បើយោងតាមរបាយការណ៍របស់រដ្ឋបាលខេត្ត ខេត្តគោលដៅទេសចរណ៍ចំនួន ៣ សុទ្ធតែទទួលបានកំណើនភ្ញៀវទេសចរទៅកម្សាន្តនាឱកាសថ្ងៃឆ្លងឆ្នាំសកល២០២៤។
ក្នុងរយៈពេល ៣ ថ្ងៃពីថ្ងៃ ២៩ ដល់ថ្ងៃ ៣១ ខែធ្នូឆ្នាំ ២០២៣ ខេត្តបាត់ដំបងទទួលបានភ្ញៀវទេសចរសរុបចំនួន ៣៥៣ ៧០៨ នាក់ កើនឡើងជាង ៦៧% ធៀបឆ្នាំ ២០២២ ក្នុងនោះភ្ញៀវជាតិមានចំនួន ៣៥២ ៧៩០ នាក់ និងអន្តរជាតិចំនួន ៩១៨ នាក់។
![](https://www.kampucheathmey.com/wp-content/uploads/2024/01/415523512_755222776639734_2395349847899869357_n-1024x575.jpg)
![](https://www.kampucheathmey.com/wp-content/uploads/2024/01/415527398_755222876639724_3423614091306532035_n-1024x575.jpg)
ខេត្តបាត់ដំបងបានរៀបចំពិព័រណ៍ម្ហូបអាហារ ការតាំងបង្ហាញផលិតផលភូមិមួយផលិតផលមួយរួមទាំងការប្រណាំងទូកដើម្បីផ្តល់ការកម្សាន្តដល់ភ្ញៀវទេសចរចូលរួមអបអរសាទរថ្ងៃឆ្លងឆ្នាំសកលក្នុងខេត្តបាត់ដំបង។
ដោយឡែកខេត្តសៀមរាបជាខេត្តគោលដៅទេសចរណ៍ផ្នែកវប្បធម៌ដ៏សំខាន់ ក៏ទទួលភ្ញៀវទេសចរទៅកម្សាន្តយ៉ាងច្រើនកុះករ។
![](https://www.kampucheathmey.com/wp-content/uploads/2024/01/415276270_717132510561078_3494126927009847478_n-1024x768.jpg)
![](https://www.kampucheathmey.com/wp-content/uploads/2024/01/415550587_717132373894425_5551163361492786009_n-1024x768.jpg)
![](https://www.kampucheathmey.com/wp-content/uploads/2024/01/5a8daed4-bf86-4353-8efd-d6405bef7efd-1024x682.jpg)
កម្មវិធីឆ្លងឆ្នាំសកលបានប្រព្រឹត្តទៅដោយរលូន និងពុំមានបាតុភាពអ្វីកើតឡើងគួរឱ្យកត់សម្គាល់នោះទេ ដោយរដ្ឋបាលខេត្តបានរៀបចំតុបតែងលម្អសម្រាប់ឆ្លងឆ្នាំសកល ២០២៣-២០២៤ បង្កភាពសប្បាយជូនដល់ភ្ញៀវជាតិនិងអន្តរជាតិ។
បើតាមលោក ង៉ូវ សេងកាក់ ប្រធានមន្ទីរទេសចរណ៍ខេត្តសៀមរាបបានឲ្យកម្ពុជាថ្មីដឹងតាមទូរសព្ទថា នាឱកាសថ្ងៃឆ្លងឆ្នាំសកល ខេត្តសៀមរាបទទួលបានភ្ញៀវទេសចរជាង ៣០ ម៉ឺននាក់ ក្នុងនោះភ្ញៀវទេសចរជាតិប្រមាណ ២៩៥ ០០០ នាក់ និងភ្ញៀវទេសចរអន្តរជាតិចំនួន ៩ ០៦៤ នាក់។
លោកថា កំណើនភ្ញៀវទេសចរមកកម្សាន្តថ្ងៃឆ្លងឆ្នាំសកលកើនឡើងបើធៀបឆ្នាំ ២០២២។ គោលដៅទេសចរណ៍សំខាន់ៗសម្រាប់កម្មវិធីឆ្លងឆ្នាំមាន ៤ ទីតាំងធំៗមាននៅមុខសណ្ឋាគារ Grand hotel រហាត់ខាងកើតស្ទឹងសៀមរាប ផាប់ស្ត្រីត និងឆាក Cambodia ផ្លូវស៊ីវត្ថា។
ខេត្តព្រះសីហនុជាខេត្តគោលដៅឆ្នេរសមុទ្រដ៏ល្បីល្បាញក៏មានភ្ញៀវទៅកម្សាន្តយ៉ាងច្រើនផងដែរ។ ក្នុងឱកាសពិធីបុណ្យចូលឆ្នាំសកលឆ្នាំ ២០២៤ រយៈពេល ០៣ ថ្ងៃ ចាប់ពីថ្ងៃទី៣០ ខែធ្នូ ឆ្នាំ២០២៣ ដល់ថ្ងៃទី ០១ ខែមករា ឆ្នាំ ២០២៤ មានភ្ញៀវទេសចរ កកម្សាន្ដនៅខេត្តព្រះសីហនុសរុបចំនួន ៤៧២.៦៩៧ នាក់ កើនឡើង ២១,២៤ភាគរយ បើធៀបនឹងឆ្នាំកន្លងទៅ៕
![](https://www.kampucheathmey.com/wp-content/uploads/2024/01/416138958_680441547539992_1263294586456886398_n-1024x768.jpg)
![](https://www.kampucheathmey.com/wp-content/uploads/2024/01/416150433_680441500873330_4474928818136392325_n-1024x768.jpg)
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ