Connect with us

ព័ត៌មានជាតិ

ស្តូបវិមានឈ្នះឈ្នះកំពុងសាងសង់នៅខេត្ត៣ទៀត បន្ទាប់ពីវិមានឈ្នះឈ្នះនៅរាជធានីភ្នំពេញ

បានផុស

នៅ

អញ្ជើញជាអធិបតីខួបលើកទី២៥ នៃការបញ្ចប់សង្គ្រាមស៊ីវិលនៅកម្ពុជា និងខួប៥ឆ្នាំ នៃការកសាងវិមានឈ្នះឈ្នះ កាល ពីពេលថ្មីៗនេះ សម្ដេចធិបតី ហ៊ុន ម៉ាណែត បានណែនាំឱ្យបន្តកសាងវិមានឈ្នះឈ្នះនៅតាមតំបន់សំខាន់ៗបន្ថែមទៀត ខណៈមកទល់ពេលនេះ បន្ទាប់ពីវិមានឈ្នះឈ្នះនៅរាជធានីភ្នំពេញ គឺស្តូបវិមានឈ្នះឈ្នះនៅខេត្ត៣ កំពុងដំណើរសាង សង់។  

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមរបាយការណ៍របស់លោកនាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ ស្តូបវិមានឈ្នះឈ្នះ ដែលកំពុងដំណើរសាងសង់យ៉ាងរលូនចំនួន៣ទៀតនោះ គឺមាននៅខេត្តកោះកុង តំបន់អន្លង់វែង នៃខេត្តឧត្តរមានជ័យ និងនៅខេត្តប៉ៃលិន។ គម្រោងស្តូបវិមានឈ្នះឈ្នះ នៅខេត្តកោះកុង ត្រូវបានដឹកនាំសាងសង់ដោយលោកនាយឧត្តមសេនីយ៍ ប៊ុន លើត រដ្ឋលេខាធិការក្រសួងការពារជាតិ ដែលប្រភពថវិកាបានមកពីសប្បុរសជននៅគ្រប់មជ្ឈដ្ឋាន។ តាមការបញ្ជាក់ឱ្យដឹងពីលោកនាយឧត្តមសេនីយ៍ ប្រមុខការពារជាតិ​ គឺមកដល់ពេលនេះ តួស្តូបវិមានឈ្នះឈ្នះ នៅខេត្តកោះកុង សម្រេចបាន១០០ភាគរយហើយ។

ស្តូប​អនុស្សារីយ៍​នយោ​បាយ​ឈ្នះឈ្នះ ​នៅ​ក្នុង​ខេត្ត​កោះកុ​ងនេះ បា​ន​ប្រារព្ធពិធី​បញ្ចុះ​បឋ​ម​សិលាសា​សង់​កាល​ពី​ថ្ងៃ​ទី​៣០​ ខែ​ឧសភា ​ឆ្នាំ​២០២០​ មាន​ទី​តាំងស្ថិត​នៅភូមិ​បឹ​ងឃុ​ន​ឆាំង​ សង្កាត់ ស្មាច់​មា​នជ័​យ ក្រុង​ខេមរភូមិន្ទ ដែលទីតាំង​នេះ ​ជា​ទីតាំង​ដែលស្ថិត​នៅ​លើភ្នំ​ខ្ពស់​ ដែល​នៅទី​នេះ​អាច​មើល​ឃើញ​ទិដ្ឋភាព​ទីរួម​ខេត្ត​កោះកុង ​​ផ្ទៃ​សមុទ្រ ​និង​ជួរ​ភ្នំ​ លាត​សន្ធឹង​តាម​ព្រំ​ដែន​។

ចំណែក ស្តូបអនុស្សាវរីយ៍ឈ្នះឈ្នះ នៅខេត្តប៉ៃលិន បានសម្រេចការសាងសង់ប្រមាណជាង៧៧ភាគរយហើយ បើគិតមកដល់ពេលនេះ ក្រោយពេលបានបញ្ចុះបឋមសិលាសាងសង់ កាលពីនៅថ្ងៃទី៨ ខែឧសភា ឆ្នាំ២០២១។ ស្តូបវិមានឈ្នះឈ្នះ នៅខេត្តប៉ៃលិននេះ ដឹកនាំការសាងសង់ដោយលោកទេសរដ្ឋមន្ត្រី អ៊ី ឈាន ដែលមានទីតាំងស្ថិតនៅក្នុងភូមិទឹកថ្លា សង្កាត់ប៉ៃលិន ក្រុងប៉ៃលិន ខេត្តប៉ៃលិន ដោយស្តូបមានទំហំបាតក្រោម ៥៩ម៉ែត្រ គុណនឹង ៥៩ម៉ែត្រ និងមានកំពស់ ៥០ម៉ែត្រ សាងសង់លើផ្ទៃដីទំហ៊ំ ២៦០០០ម៉ែត្រការ៉េ។

ការសាងសង់ស្តូបឈ្នះឈ្នះ នៅខេត្តប៉ៃលិននេះ មានការចូលរួមពីគ្រប់មជ្ឈដ្ឋានទាំងធនធានថវិកា គំនិត ប្រាជ្ញារបស់ មន្រ្តីរាជការ កងកម្លាំងប្រដាប់អាវុធ ព្រះសង្ឃ ប្រជាជន និស្សិត សិស្ស ដោយមិនគិតនិន្នាការនយោបាយឡើយ។

ដោយឡែក ស្តូបវិមានឈ្នះឈ្នះ នៅតំបន់អន្លង់វែង ខេត្តឧត្តរមានជ័យ ត្រូវបានដឹកនាំការសាងសង់ដោយលោកទេសរដ្ឋមន្ត្រី គន់ គីម ដែលស្តូបបានធ្វើពិធីបញ្ចុះបឋមសិលាសាងសង់ កាលពីខែមីនា ឆ្នាំ២០២២ មានទីតាំងនៅចំណុចពយតាម៉ុក លើភ្នំដងរែក នៃស្រុកអន្លង់វែង ខេត្តឧត្តរមានជ័យ។ គិតមកទល់ពេលនេះ តួស្តូបវិមានឈ្នះឈ្នះ នៅអន្លង់វែងនេះ សម្រេចបានការសាងសង់ប្រមាណជាង៨០ភាគរយហើយ។

ស្តូប​ឈ្នះឈ្នះ ​អន្លង់​​វែង ​ដែលបាន​កំពុងដំណើរ​ការ​សាង​ស​ង់នេះ ​គឺ​ជា​និមិត្ត​រូប​សន្តិភាព ​នៅ​តំបន់​អន្លង់​វែង​ ក្រោម​ការ​អនុវត្ត​គោល​នយោ​បាយ​ឈ្នះឈ្នះ ​រប​ស់​សម្តេច​តេជោ ​ហ៊ុន សែន ហើយស្តូប​នេះ បន្ទាប់​ពី​សាង​សង់​រួច​ នឹ​ងបង្ហាញ​នូវ​តឹក​តា​ងប្រវត្តិ​សាស្ត្រ​ជា​ច្រើន​ក្នុង​ដំណើរ​កា​រអនុវត្ត​នយោបាយ​ឈ្នះឈ្នះ​ នៅ​អន្លង់​វែង​ទុក​ឱ្យ​អ្ន​កជំនាន់​ក្រោយ​បាន​សិក្សា​រៀន​សូត្រ​។ តំបន់​អន្លង់​វែង​នេះ ​បាន​ប្រមូល​ផ្តុំទៅ​ដោយ​កេរ្ដិ៍​ដំ​ណែល ​និង​បន្សល់​ទុក​នូវ​ប្រវត្តិ​សាស្ត្រ​ជា​ច្រើន​ ដោយ​សារ​តែ​អន្លង់​វែង​ ជាចំណុចដ៏​សំខាន់​នៃ​ចលនា​តស៊ូ​របស់​ខ្មែរ​ក្រហម​ ដែល​តំបន់​នេះ ​គឺ​ជា​ទីតាំង​និមិត្ត​រូប​តំណាង​ឱ្យ​ជ័យ​ជំនះ​ចុង​ក្រោយ​នៃ​គោល​នយោបាយឈ្នះឈ្នះ ​របស់​រាជ​រដ្ឋាភិបាល​កម្ពុជា​។

រាជរដ្ឋាភិបាល នឹងបន្តកសាងស្តូបអនុស្សាវរីយ៍នយោបាយឈ្នះឈ្នះនៅទីតាំងប្រវត្តិសាស្ត្រដទៃទៀត ដើម្បីចារឹកទុក តម្កល់និមិត្តរូប វត្ថុតាង និងសមិទ្ធផលនានាដែលជាថ្នាល់បណ្តុះអ្នកមនសិការ និងជាមេរៀនសម្រាប់មនុស្សជំនាន់ក្រោយឱ្យចងចាំ រៀនសូត្រ និងគោរពដឹងគុណសម្តេចតេជោ ហ៊ុន សែន ដែលជាស្ថានិក និងប្រតិបត្តិករនយោបាយឈ្នះឈ្នះ ដែលនាំមកនូវសន្តិភាព និងឯករាជ្យជាតិពេញលេញលើផ្ទៃប្រទេស៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៦ ម៉ោង មុន

UNDP វាយ​តម្លៃ​ខ្ពស់​ចំពោះ​ភាព​ជោគជ័យ​នៃការអនុវត្តផែនការយុទ្ធសាស្រ្តជាតិសកម្មភាពមីន ២០១៨-២០២៥ និង​ប្តេជ្ញាចិត្តគាំទ្រដល់វិស័យសកម្មភាពមីននៅកម្ពុជា

ព័ត៌មានជាតិ៦ ម៉ោង មុន

រដ្ឋបាលសង្កាត់ចោមចៅទី៣ សហការជាមួយក្រុមសង្គ្រោះ៧១១ បន្តចុះយុទ្ធការបាញ់ថ្នាំសម្លាប់មូសដើម្បីបង្កានិងទប់ស្កាត់ជំងឺគ្រុនឈាម

ព័ត៌មានជាតិ៧ ម៉ោង មុន

អាណាចក្រផ្កាថ្ម ជាសក្ខីភាពបញ្ចាក់ពីសក្តានុពលធនធានបាតសមុទ្រកម្ពុជា ដែលខេត្តកែបមានបានដាក់តាំងនៅបណ្ដោយឆ្នេរតេជោសន្តិភាពខេត្តកែប

ព័ត៌មានជាតិ៧ ម៉ោង មុន

លោក សាយ សំអាល់ ៖ មួយឆ្នាំកន្លងមកនេះខេត្តកែបសម្រេចបានហេដ្ឋារចនាសម្ព័ន្ធ ជាខឿនយុទ្ធសាស្រ្តទ្រទ្រង់ដល់វិស័យទេសចរណ៍

ព័ត៌មានជាតិ៧ ម៉ោង មុន

រដ្ឋបាលខណ្ឌឬស្សីកែវ បន្តចុះសម្អាតនិងរៀបចំសណ្តាប់ធ្នាប់ក្នុងមូលដ្ឋានឱ្យមានរបៀបរៀបរយ

ព័ត៌មានអន្ដរជាតិ១២ ម៉ោង មុន

អ្នកជំនាញព្រមានថា ភ្លើងឆេះព្រៃថ្មីនៅ LA នឹងធំ ដូចផ្ទុះនុយក្លេអ៊ែរអ៊ីចឹង

ព័ត៌មានអន្ដរជាតិ១៤ ម៉ោង មុន

នេះជាខ្លឹមសារនៃសំបុត្រ ដែលលោក បៃដិន ទុកឲ្យ ត្រាំ ពេលផុតតំណែង 

សន្តិសុខសង្គម១៥ ម៉ោង មុន

អ្នកនាំពាក្យ៖ ករណីពលរដ្ឋទៅទទួលអំណោយនៅ​មុខភូមិគ្រឹះអ្នកឧកញ៉ា សុខ គង់ ស្លាប់៤នាក់ ខណៈ៥នាក់ទៀតកំពុងសង្គ្រោះ

ព័ត៌មានអន្ដរជាតិ១៩ ម៉ោង មុន

កូរ៉េខាងជើង ​ប្រហារជីវិត​អ្នកស្រាវជ្រាវ​ជាន់ខ្ពស់​ ព្រោះ​គម្រោង​​ថាមពលនុយក្លេអ៊ែរ​​បរាជ័យ

ព័ត៌មានអន្ដរជាតិ១៣ ម៉ោង មុន

វៀតណាម បំបែក​សម្បុក​​ក្រុម​លាង​លុយ​កខ្វក់​ ក្នុង​ទំហំទឹកប្រាក់ ១,២​ពាន់​លាន​ដុល្លារ

Sokha Hotels

ព័ត៌មានពេញនិយម