ព័ត៌មានជាតិ
ដើរលេងខេត្តរតនគិរី កុំភ្លេចពេលរាត្រីមានស្កាយបារពីរកន្លែងអាចទៅកម្សាន្តបាន
ក្នុងចំណោមសណ្ឋាគារទាំង ១៤ កន្លែងក្នុងខេត្តរតនគិរី មានសណ្ឋាគារចំនួនពីរដែលរៀបចំស្កាយបារសម្រាប់ភ្ញៀវកម្សាន្តក្នុងពេលរាត្រី។
លោក ង៉ែត ពិទូ ប្រធានមន្ទីរទេសចរណ៍ខេត្តរតនគីរីបានឲ្យកម្ពុជាថ្មីដឹងថា ខេត្តរតនគីរីមានសណ្ឋាគារសរុបចំនួន ១៤ ទីតាំង។ ក្នុងចំណោមសណ្ឋាគារទាំង ១៤ កន្លែង មានសណ្ឋាគារចំនួនពីរដែលមានកម្ពស់ខ្ពស់បានរៀបចំមានស្កាយបារ សម្រាប់ផ្តល់ការកម្សាន្តដល់ភ្ញៀវទេសចរក្នុងពេលរាត្រី។
លោកអះអាងថា ភ្ញៀវទេសចរមួយចំនួនបន្ទាប់ពីដើរលេងតាមគោលដៅទេសចរណ៍នានា នៅពេលរាត្រីពួកគាត់ក៏ចង់កម្សាន្តអារម្មណ៍តាមស្កាយបារទស្សនាទិដ្ឋភាពនៅក្នុងទីក្រុង។
បើតាមប្រធានមន្ទីរទេសចរណ៍ខេត្តរតនគិរី សណ្ឋាគារដែលរៀបចំមានស្កាយបារមានពីរកន្លែងគឺមានសណ្ឋាគារស៊ីត្រា និងបឹងយក្សឡោម។ ចំណែកសណ្ឋាគារមរកតកំពុងរៀបចំតែមិនទាន់ដំណើរការនៅឡើយ។
ខេត្តរតនគិរីមានតំបន់ទេសចរណ៍សរុប ៣០ កន្លែង ក្នុងនោះរមណីយដ្ឋានទេសចរណ៍ធម្មជាតិមាន ២០ កន្លែង រមណីយដ្ឋានទេសចរណ៍វប្បធម៌មាន ២ កន្លែង និងរីសតមាន ០៨ កន្លែង។ នៅជុំវិញក្រុងបានលុង តំបន់ទេសចរណ៍ពេញនិយមមានដូចជាបឹងកន្សែង បឹងយក្សឡោម ភ្នំឥសីបតមៈ ទឹកជ្រោះកាចាញ់ ដែលតំបន់ទេសចរណ៍ទាំងនេះមានចម្ងាយពី ១ ទៅ ៣ គីឡូម៉ែត្រពីតំបន់ប្រជុំជនក្រុងបានលុងងាយស្រួលភ្ញៀវទេសចរទៅកម្សាន្ត។
ជុំវិញទីតាំងកម្សាន្តក្នុងពេលរាត្រី លោក ង៉ែត ពិទូ បានលើកជុំវិញបឹងកន្សែងដែលបានក្លាយជាគោលដៅដ៏ទាក់ទាញមួយនៅខេត្តរតនគិរី ខណៈទីនោះត្រូវបានអាជ្ញាធររៀបចំហេដ្ឋារចនាសម្ព័ន្ធរួមទាំងសំបូរហាងអាហារចម្រុះ។
អាជ្ញាធរខេត្តរតនគិរីបានរៀបចំអភិវឌ្ឍហេដ្ឋារចនាសម្ព័ន្ធនៅរមណីយដ្ឋានបឹងកន្សែងមានផ្លូវ ភ្លើងបំភ្លឺ រួមទាំងសួនច្បារសម្រាប់បម្រើការកម្សាន្តដល់ភ្ញៀវទេសចរ។ នៅពេលរាត្រីភ្ញៀវទេសចរជាច្រើនចូលចិត្តមកកម្សាន្តនៅជុំវិញបឹងកន្សែងក្រៅពីស្រស់ស្រាយជាមួយបរិយាកាសធម្មជាតិ ក៏សំបូរហាងអាហារនិងភោជនីយដ្ឋានចម្រុះមានទាំងអាហារប្រចាំតំបន់និងអាហារកុម្ម៉ង់ផ្សេងៗ។
បឹងកន្សែងមានទីតាំងស្ថិតនៅក្នុងភូមិអូរកន្សែង សង្កាត់បឹងកន្សែង ចម្ងាយជាង ១ គីឡូម៉ែត្រពីក្រុងបានលុង ខេត្តរតនគិរី។
បុគ្គលិកមួយរូបបម្រើការនៅហាងអាហារមួយកន្លែងនៅខាងកើតបឹងកន្សែងបានឲ្យដឹងថា បឹងកន្សែងបានក្លាយជាគោលដៅទេសចរណ៍ដ៏ទាក់ទាញនៅពេលរាត្រីក្នុងខេត្តរតនគីរី។ ដោយសារនៅមិនឆ្ងាយពីទីប្រជុំជនក្រុង ភ្ញៀវទេសចរចូលចិត្តមកកម្សាន្តនៅបឹងកន្សែងជាពិសេសនៅពេលរាត្រី ក្រៅពីទទួលអារម្មណ៍ស្រស់ស្រាយជាមួយបរិយាកាសធម្មជាតិ ក៏អាចមកទទួលទានអាហារជួបជុំក្រុមគ្រួសារនិងមិត្តភ័ក្តិ៕
ថៃមានចំណាប់ខ្មាំង៨រូបនៅក្នុងដៃហាម៉ាស និងអំពាវនាវឲ្យដោះលែងក្រោមបទឈប់បាញ់នេះ
អ្នកវិភាគ និងអ្នកឃ្លាំមើលអះអាងថា ទណ្ឌិត សម រង្ស៊ីមានចេតនាយកឃាតកម្មលោក លិម គិមយ៉ា ធ្វើជាឈ្នាន់បន្តជីវិតនយោបាយរបស់ខ្លួន
ចំណាប់ខ្មាំងដំំបូងត្រូវដោះលែង ក្រោមបទឈប់បាញ់អ៊ីស្រាអែល-ហាម៉ាស
អភិបាលខេត្តកំពង់ចាម ចុះពិនិត្យការសាងសង់ទប់ស្កាត់ច្រាំងទន្លេនៅខាងក្រោយវត្តមាន់ដប់
បេក្ខជនប្រកួតសំណេរអង្គរមិនសូវរំពឹងពី លទ្ធផលតែរីករាយនឹងចូលរួមច្រើនជាង
តំបន់ភ្លើងឆេះព្រៃនៅរដ្ឋកាលីហ្វ័រញ៉ា នឹងជួបខ្យល់ព្យុះខ្លាំងក្លាចំថ្ងៃត្រាំចូលស្បងកាន់តំណែង
សង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់
«ឆ្នេរតេជោសន្តិភាពកែប» នឹងបើកការដ្ឋានសាងសង់នៅសប្តាហ៍ក្រោយនេះ
អគ្គីភ័យឆេះផ្ទះប្រជាពលរដ្ឋ ២ ខ្នងនៅស្រុកស្ទឹងត្រង់ ព្រោះប្អូនម្ចាស់ផ្ទះជាអ្នកដុត
វិញ្ញាសារសំណេរអង្គរលើកទី២ រំលេចពីភាពអស្ចារ្យនៃប្រាសាទអង្គរ
-
ចរាចរណ៍៦ ថ្ងៃ agoជិះម៉ូតូបញ្ច្រាសផ្លូវ បុកម៉ូតូមួយគ្រឿងទៀតស្លាប់ម្នាក់ និងរបួសធ្ងន់ស្រាល៣នាក់
-
ចរាចរណ៍៦ ថ្ងៃ agoយុវជនម្នាក់ ចេញពីធ្វើការត្រលប់ទៅកន្លែងស្នាក់នៅវិញ ជួបគ្រោះថ្នាក់ចរាចរណ៍ ដួលបោកក្បាលស្លាប់លើស្ពានព្រែកព្នៅ
-
ព័ត៌មានអន្ដរជាតិ២ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
ព័ត៌មានជាតិ៥ ថ្ងៃ agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
កីឡា៣ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ២ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ៣ ថ្ងៃ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ព័ត៌មានជាតិ៣ ថ្ងៃ agoអ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ