ព័ត៌មានជាតិ

កម្មករដែលថៅកែរត់ចោលជាង១ពាន់នាក់ ទទួលបានប្រាក់សំណងហើយ

បានផុស

៤ years មុន

នៅ

ថ្ងៃសុក្រ ១២ កុម្ភៈ ២០២១

ដោយ

បងប្អូនកម្មករកម្មការិនីជាង១ពាន់នាក់ធ្វើការនៅរោងចក្រDIGNITY KNIT TER LIMITED និងរោងចក្រECO BASE FACTORYដែលត្រូវបានថៅកែរោងចក្ររត់ចោលកាលពីចុងឆ្នាំ២០១៩នោះ ទទួលបានប្រាក់សំណងពីអាជ្ញាធរខេត្តកណ្តាលហើយ នៅថ្ងៃទី១២ខែកម្ភៈ ឆ្នាំ២០២១។

កម្មករទាំងនោះនឹងទទួលបានអត្ថប្រយោជន៍រួមមាន៖ ប្រាក់ខែចុងក្រោយ ប្រាក់អតីតភាពការងារ ប្រាក់បំណាច់ឆ្នាំដែលនៅសល់ និងប្រាក់ដែលក្រុមហ៊ុននៅមានជំពាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មានប្រសាសន៍សំណេះសំណាលនាឱកាសបើកប្រាក់ជូនដល់កម្មករទាំងនោះ នៅថ្ងៃទី១២ ខែកម្ភៈនេះ លោក នៃ ចារី អភិបាលរងខេត្ត បានណែនាំដល់ក្រុមការងារត្រូវរៀបចំនីតិវិធីឲ្យបានច្បាស់ លាស់ ពិសេសត្រូវអនុវត្តឲ្យបានតាមការណែនាំរបស់ក្រសួងសុខាភិបាល ដើម្បីទប់ស្កាត់ការឆ្លងនៃជំងឺកូវីដ-១៩ ដោយត្រូវមានក្រុមគ្រូពេទ្យធ្វើការពិនិត្យកម្ដៅ ពាក់ម៉ាស លាងដៃជាមួយអាកុល និងត្រូវរក្សាគម្លាតសុវត្ថិភាពផងដែរ។

ជាមួយគ្នានេះដែរ លោកអភិបាលរងខេត្ត បានសំណូមពរដល់បងប្អូនកម្មករត្រូវពិនិត្យឲ្យបានច្បាស់លាស់នូវចំនួនថវិកាមុនចាកចេញទៅដើម្បីជៀសវាងនូវការខ្វះខាតដោយប្រកាណាមួយផងដែរ៕

អត្ថបទ ៖ សំអឿន