ព័ត៌មានជាតិ

នាវាខ្នាតយក្ស ១ គ្រឿង នាំភ្ញៀវទេសចរបរទេសជិត ១ ពាន់នាក់ ចូលចតនៅកំពង់ផែក្រុងព្រះសីហនុ

បានផុស

៩ ខែ មុន

នៅ

ថ្ងៃព្រហស្បតិ៍ ១១ មករា ២០២៤

ដោយ

នាព្រឹកថ្ងៃទី ១១ ខែមករា ឆ្នាំ ២០២៤ នេះ នាវាទេសចរណ៍ខ្នាតយក្ស ១ គ្រឿង បាននាំភ្ញៀវទេសចរ និងនាវិកចម្រុះជាតិសាសន៍ជិត ១ ពាន់នាក់ ចូលចតនៅកំពង់ផែស្វយ័តក្រុងព្រះសីហនុ ប្រកបដោយសុវត្ថិភាព។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការគ្រោងទុក នាវាទេសចរណ៍ខ្នាតយក្ស ១ គ្រឿង នេះ នឹងចាកចេញពីកំពង់ផែក្រុងព្រះសីហនុ ឆ្ពោះទៅប្រទេសវៀតណាម នៅម៉ោងប្រមាណ ២០ យប់ ថ្ងៃដដែល។

មន្ត្រីនគរបាលអន្តោប្រវេសន៍ច្រកទ្វារកំពង់ផែអន្តរជាតិក្រុងព្រះសីហនុ បានប្រាប់ថា បន្ទាប់ពីនាវានេះចូលចតដោយសុវត្ថិភាព ក្រុមភ្ញៀវទេសចរខ្លះនាំគ្នាដើរ និងមួយចំនួនទៀត បានឡើងជិះរថយន្តក្រុងធ្វើដំណើរទេសចរណ៍នៅតាមទីប្រជុំជន រួមមាន ផ្សារលើ តំបន់ទំនប់លលក រមណីយដ្ឋានសំខាន់ៗ និងទីវត្តអារាមក្នុងក្រុងព្រះសីហនុ។

មន្ត្រីដដែល បានប្រាប់ថា នាវានេះ ឈ្មោះ Sea Bourn Encure សញ្ជាតិ Ba HaMas មានបណ្ដោយ ២១០.៥ ម៉ែត្រ ទទឹង ២៨ ម៉ែត្រ និងជម្រៅទឹក ៦ ម៉ែត្រ។ នាវានេះ ធ្វើដំណើរមកពីប្រទេសថៃ បាននាំភ្ញៀវទេសចរ ៥៥២ នាក់ ស្រី ២៧៨ នាក់ មាន ៣០ សញ្ជាតិ និងក្រុមនាវិក ៤២៥ នាក់ ស្រី ១០៨ នាក់ មាន ៥០ សញ្ជាតិ។